Jeremaia 6:21 - Chuukese Bible

²¹ Iei mine üpwe anomu me mwen ekei aramas eu lenien chepetek, pwe repwe chepetek won. Ekewe sam pwal nöür kewe mwän, chon arur me chiechier repwe mäfeiengauepök.”

Jeremaia 6:21 Iomraidhean Croise

2. Kronika 36:17

Iwe, Kot a tinala ren ekewe chon Juta ewe kingen Papilon, pwe epwe maun ngeniir. Ätei a niela nöür alüal ren ketilas me lon ar imwenfel, nge esap tongei alüal ika föpwül, chinlap mwän ika chon apwangapwang. Kot a atolongeer meinisin fän nemenien Nepukatnesar.

Aisea 8:14

Iwe, üpwe wiliti eu leni mi pin fän iten chokewe ra niueitiei o lüküei. Nge üpwe wewe ngeni eföü föün chepetek me eu achauen opup fän iten ekewe mwün Israel me Juta, pwal eu sär chon Jerusalem repwe tup lon.

Aisea 8:15

Iwe, chomong aramas repwe chepetek ren, repwe turula o tatakis, repwe pwal tup o fif lon.”

Jeremaia 13:14

Mürin üpwe atatakisifengeniir eman ngeni eman, ekewe sam ngeni nöür kewe, usun eman a amökkü eu pör ngeni pwal eu. Üsap tongeer ika achikeer, üsap eäni ümöümöch ngeniir, nge üpwe aroserela.”

Jeremaia 13:16

Oupwe asamolu ewe Samol mi Lapalap ämi we Kot me mwen an epwe awarato rochopwak, me mwen pechemi repwe chepetek me won ekewe chuk mi toputop. Oua witiwiti ewe saram, nge i epwe awili ewe saram ngeni toputop me rochokichin rochopwak.

Jeremaia 18:21

Nge iei kopwe asechalong nöür kewe lon lengita, kopwe likitiir pwe repwe mäla lon maun. Ekewe fefin repwe lipichsefäl, esap pwal chüen wor nöür. Ekewe mwän repwe mäla ren mätter, ekewe alüal repwe mäla lon maun.

Jeremaia 18:23

Nge en, ai Samol mi Lapalap, ka silei usun ar rawangauaei, pwe repwe niei. Kosap amusala ar föföringau, kosap pwal amoela ar tipis. Repwe tur o kuf, kopwe ukun ngeniir ar föför lon fansoun om song.”

Jeremaia 21:7

Mürin, üpwe föri pwe en Setekia ewe kingen Juta fiti noum kewe nöüwis me aramasen ei telinimw, ir ekewe mi chüen manau seni mätter, seni maun me lengita, oupwe sechilong lepöün Nepukatnesar ewe kingen Papilon, pwal lepöün chon oputemi mi mochen angei manauemi. Nepukatnesar epwe nikemiila, nge esap tongeekemi ika achikakemi ika ümöümöch ngenikemi. Ngang ewe Samol mi Lapalap üa kapas.’”

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Isikiel 3:20

Iwe, ika eman chon pwüng a kul seni an föförün pwüng o föföringau, ngang üpwe atolonga lon feiengau, iwe, epwe mäla. Pokiten om kosap fönöü, ätewe epwe mäla pokiten an tipis, üsap pwal chüen chechemeni an föför mi pwüng, nge en kopwe angei chappen om tümwününgau.

Isikiel 5:10

Iwe, epwe fis ngenikemi pwe sam repwe ochei nöür, nge nau repwe ochei semer. Üpwe fokun apwüngükemi, nge chokewe mi chüen manau leimi üpwe atoropasafeiliir ekis meinisin.

Lifitikos 26:37

Eman epwe tumula won eman, usun chök aramas ra tumula ren ar sü lupwen maun, nge esap wor eman a tapweriir. Epwe wor ämi pireir, pwe ousap tongeni ü ngeni chon oputakemi.

Nöün Paulus Toropwe ngeni ekewe Souläng lon Rom 11:9

Tafit a pwal apasa, “Amwo ar kewe kametip repwe wiliti eu sär me eu likatuputup fän iter.

Nöün Paulus Toropwe ngeni ekewe Souläng lon Rom 9:33

usun ewe Toropwe mi Pin a kapas usun, “Nengeni, üa anomu lon Sion eföü fau aramas repwe chepetek ren, eu achau aramas repwe opuri. Nge iö a lükü i esap küna lichipüng.”

1. Petrus 2:8

A pwal mak, “Iei ewe fau aramas repwe chepetek won, eu achau mi afisätä än aramas repwe turula won.” Repwe chepetek, pun resap aleasochisi ewe kapas, pwe iei usun mine Kot a akota fän iter.