Jeremaia 6:16 - Chuukese Bible

¹⁶ Iei alon ewe Samol mi Lapalap, “Oupwe ütä ünükün ekewe al o katol, oupwe ais usun ekewe alen lom ifan ewe al mi mürina. Oupwe fetal won o küna kinamwe.” Nge ir ra apasa, “Äm aisap mochen fetal won.”

Jeremaia 6:16 Iomraidhean Croise

1. King 8:36

mürin kopwe aüselingeer me läng o amusala än noum kewe chon angang ekewe aramasen Israel tipis. Iwe, kopwe aiti ngeniir mine a pwüng pwe repwe föri. Mürin kopwe apüngätiu üt won fanüom, ewe fanü ka ngeni noum aramas pwe repwe fanüeni.

2. Kronika 19:11

Ewe souasor mi lap Amaria a wisen atowu pwüngün ekewe kapwüng meinisin fän iten ekewe osukosuk lon pekin lamalam. Nge Sepataia nöün Ismael we mwän, ewe kepinan Juta, a wisen atowu pwüngün ekewe kapwüng meinisin fän iten ekewe osukosuk lon pekin mwü. Iwe, ekewe mwän seni ewe ainangen Lefi repwe nöümi nöüwis o angang ngenikemi. Oupwe tipepwora lon ämi angang, nge ewe Samol mi Lapalap epwe eti chokewe mi wenechar.”

Kölfel 116:7

Ngüni, kopwe apilükülüköch, pun ewe Samol mi Lapalap a kirikiröch ngeniei.

Aisea 2:5

Ou etto, ämi mwirimwirin Jakop, ousipwe fetal lon ewe saram ewe Samol mi Lapalap a ngenikich.

Aisea 28:12

Iwe, a apasa ngeniir me lom, “Iei ewe lenien kinamwe chon weiresikis repwe asösö lon. Ewer, iei ewe lenien asösö.” Nge resap mochen rongorong.

Aisea 30:21

Iwe, lupwen oua kul ngeni peliifich ika peliimöng, selingemi repwe rongorong me lükün sökürümi, “Iei ewe al oupwe aleni.”

Aisea 46:9

Oupwe chechemeni ekewe mettoch mi fis me lomlom. Ngang Kot, esap wor eman lüki. Ngang chök Kot, esap wor eman a wewe ngeniei.

Aisea 57:2

pwe repwe tolong lon kinamwe, nge chokewe mi fetal fän pwüng ra kon o asösö lon peiaser.

Aisea 8:20

Apwi, oupwe chök rongorong än Kot kewe allük me pwärian. Nge are ousap apwönüetä ekei kapas, esap wor remi saram.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 18:12

Nge ir ra apasa, ‘Esap wor lomotan. Äm aipwe chök chei püsin äm ekiek me ülöförean lelukem mi ngau.’”

Jeremaia 18:15

Nge nei aramas ra fen manlükieila. Ra keni apach mi pwokus ngeni ekewe uluulun anümwäl. Ra chepetek lon ar kewe al, pun resap chüen fetal won ekewe alen lom, nge ra rikila ngeni pwal ekoch al lükün ewe alelap.

Jeremaia 2:25

Kopwe tümwünü pwe pecheöm esap malülü ika chiorom esap pwasapwas ren om tap me mürin pwal ekoch kot. Nge en ka apasa, ‘Üsap chüen tongeni kulsefäl. Üa echeni ekewe koten ekis, üpwe chök tapwela mürir.’

Jeremaia 22:21

Üa kapas ngenikemi, lupwen oua chüen pisekisek, nge oua üra, “Aisap mochen aüseling.” Iei lapalapemi seni me lom, pwe ousap aleasochis ngeni ai kewe kapas.

Jeremaia 31:21

Kopwe fotuki asisil o asisila ewe al fän itom, kopwe ekieköchü ewe alelap ka fetal won. Kopwe liwinto, en Israel, kopwe liwiniti om kewe telinimw.

Jeremaia 42:3

Kopwe iotek pwe ewe Samol mi Lapalap ach we Kot epwe pwäri ngenikem ewe al aipwe feila won pwal mine aipwe föri.”

Jeremaia 44:16

“Äm aisap mochen aüselinga ewe pworaus ka apworausa ngenikem fän alon ewe Samol mi Lapalap.

Jeremaia 50:5

Repwe ais ewe al mi ale ngeni Sion o feila ngeni. Iwe, repwe apasa, ‘Ousipwe achufengenikich me ewe Samol mi Lapalap fän eu pwon mi nom tori feilfeilachök, eu pwon esap manlüküla.’

Jeremaia 7:23

Nge üa allük ngeniir pwe repwe aleasochisiei, mürin ngang üpwe ar Kot, nge ir repwe nei aramas. Repwe apwönüetä ai kewe allük pwe repwe feiöch ren.

Jeremaia 7:24

Iwe, resap aleasochis ika aü selinger, nge ra chei püsin ar öüröür me ülöförean leluker mi ngau. Ra fen ingauala, nge resap öchüla.

Jeremaia 7:3

“Iei alon ewe Samol mi Unusen Manaman, ewe Koten Israel: Oupwe siwili manauemi me ämi kewe föför, pwe üpwe mwüt ngenikemi pwe oupwe nonom lon ei leni.

Malakai 4:4

Oupwe chechemeni mine üa aiti ngenikemi ren nei we chon angang Moses, ekewe allük me pwüüng üa ngenikemi me won ewe chuk Horep fän iten chon Israel meinisin.

Lukas 16:29

Nge Apraham a üreni, ‘Mi wor rer ekewe puken Moses me ekewe puken soufos, repwe aüseling ngeniir.’

Johannes 12:35

Mürin Jesus a pölüeniir, “Ewe saram epwe nonom remi ekis chök fansoun mochomoch. Oupwe fetal lon ewe saram me mwen ewe rochopwak epwe torikemi. Pun eman aramas mi fetal lon rochopwak esap silei ia epwe feila ie.

Johannes 13:17

Iei oua silei ekei mettoch, oupwe feiöch are oupwe apwönüretä.

Johannes 5:39

Ämi oua achocho le kaiö masouen ekewe Toropwe mi Pin, pun oua ekieki pwe oupwe küna manau esemüch lor. Ekei Toropwe mi Pin ra pwärätä usi.

Föför 17:11

Iwe, ekewe aramasen Perea ra tipemecheres seni ekewe aramasen Tesalonika, pun ra etiwa ewe afalafal fän mochenin letiper. Iteiten rän ra kaiö lon ekewe Toropwe mi Pin o kütta are met Paulus a apasa a wesewesen pwüng.

Nöün Paulus Toropwe ngeni ekewe Souläng lon Rom 4:12

I pwal semelapen chokewe ra sirkomsais, nge sap pokiten ar sirkomsais, nge pokiten ra manaueni ewe chök manauen lükülük semelapach Apraham a eäni me mwen an sirkomsais.

Tuteronomi 32:7

Oupwe chechemeni ewe fansoun lom, oupwe ekieki usun ekewe täppin aramasen lom. Oupwe aisini sememi, ir repwe aiti ngenikemi mine a fis. Oupwe pwal aisini ekewe souakom, ir repwe apworausa ngenikemi usun ewe pworaus.

Kolose 2:6

Pokiten oua fen etiwa Kraist Jesus pwe ämi Samol, oupwe le sopwela lon ämi nonom lon i.

Ipru 11:2

Ren ar lükü ekewe aramasen lom ra küna iteüöch me ren Kot.

Ipru 6:12

Äm aisap mochen pwe oupwe chipwang, nge oupwe wewe ngeni chokewe mi angei mine Kot a eäni pwon ren ar lükü me mosonotam.

Soukapwüng 2:17

Nge ir resap aleasochis ngeni nöür kewe soukapwüng. Ra kirikiringau ngeni ewe Samol mi Lapalap o fel ngeni pwal ekoch kot. Iwe, ra müttir tokola seni än semelaper kewe föför. Pun semelaper kewe ra aleasochis ngeni än ewe Samol mi Lapalap allük, nge ir resap föri iei usun.