Jeremaia 6:12 - Chuukese Bible

¹² Chon ekis repwe imweni imwer kewe, repwe pwal fanüeni fanüer o pwülüeni pwülüer. Üpwe apwüngü chon ei fanü.

Jeremaia 6:12 Iomraidhean Croise

1. Kronika 21:16

Iwe, Tafit a anetai mesan o küna nöün ewe Samol mi Lapalap we chon läng pwe a ütä lefilen fanüfan me läng, nge a amwöchü lepöün efoch ketilas mi itila won Jerusalem. Mürin, Tafit me ekewe souakom mi üföüf üf seni tuk ra chapetiu lepwül.

Aisea 10:4

Esap wor och mine oupwe tongeni föri lükün chök ämi oupwe nom lein chon oola ika lein chokewe mi mäla lon maun. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 5:25

Iei mine ewe Samol mi Lapalap a fokun song ngeni nöün aramas o aitiela pöün pwe epwe apwüngüür. Iwe, ekewe chuk repwe chechech, nge ekewe somä repwe nonom won ekewe al usun chök pipi. Iei mwo nge än Kot song esamwo kul seniir, pöün a chüen afeiengaueer.

Aisea 9:12

Ekewe chon Siria mi nom ötiu me ekewe chon Filistia mi nom lotou ra amasala awer o oromala Israel. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:17

Iei popun ewe Samol esap echika nöür alüal, esap pwal tongei chokewe mi mäsen me ekewe fefin mi mä pwülüer. Pun ir meinisin resap niueiti Kot, ra pwal föföringau, nge kapasen awer a ngau. Iwe, lon ekei feiengau än Kot song esap kisikisila, nge pöün a chüen afeiengaueer.

Aisea 9:21

Ekewe aramasen Manasa me ekewe aramasen Efraim ra püsin nifengeniir. Nge ir meinisin ra ni ekewe aramasen Juta. Iwe, lon ekei feiengau än Kot song esap kisikisila, nge pöün a chüen afeiengaueer.

Jeremaia 15:6

Ämi oua likitieila, oua chök sopwela le tokola seniei. Iei mine üa aitiewu pei o afeiengauakemi. Üa chipwangela le pwetete ngenikemi.

Jeremaia 21:5

Püsin ngang üpwe maun ngenikemi lon ai song, lon ai chou me lon ai lingeringer mi fokun watte ren pei mi manaman o aköüpöü.

Jeremaia 38:22

Üa küna pwe ra emwenawu ekewe fefin meinisin mi chüen nom lon imwen ewe kingen Juta ren nöün ewe kingen Papilon kewe nöüwis. Ekewe fefin repwe apasa ngonuk, ‘Chiechiom kewe ka lüküür ra atupuk, en king, ra pwal pworaituk. Iei pecheöm ra kokotiu lon pwakak, nge ir ra kul senuk.’

Jeremaia 38:23

Repwe emwenawu pwülüom kewe me noum kewe ren ekewe chon Papilon, nge püsin en kosap tongeni sü seniir. Ewe kingen Papilon epwe turufuk, nge ei telinimw epwe karala.”

Jeremaia 7:20

Iei mine ngang Kot ewe Samol mi Lapalap üpwe awarato ai song me lingeringer won ei leni, won aramas me man, won ekewe irän lemäl, pwal won uän ekewe irän lepwül. Ai song epwe kü, nge esap tongeni kunula.”

Jeremaia 8:10

Iei mine üpwe fangala pwülüer ngeni chon ekis, pwal fanüer ngeni chokewe mi liapeniir. Pun seni ekewe mi kis tori ekewe mi lap, ir meinisin ra kütta ar win fän pwüngingau, pwal seni ekewe soufos tori ekewe souasor, ir meinisin ra atupu aramas.

Kölün kechü 2:8

Ewe Samol mi Lapalap a apwüngala pwe epwe atatakisi tittin Sion. A aükü ewe leni ren eu selin aükük o pii pwe epwe unusen tala. A föri pwe ekewe imw tekia me ekewe tit ra tapök.

Kölün kechü 3:3

Ellet, a wichikisiei iteiten rän, nge esap tongeei.

Kölün kechü 5:11

Ra achomanauei ekewe fefin lon Sion, pwal ekewe föpwül lon ekewe telinimwen Juta.

Kölün kechü 5:2

Fanüem a nonom fän nemenien wasöla, nge ekewe chon ekis ra nom lon leniem.

Kölün kechü 5:3

Äm aia wiliti chon mäsen, esap wor semem. Inem kewe ra usun chök fefin mi mä pwülüer.

Isikiel 35:3

Iwe, kopwe üreni ekewe aramas pwe iei aloi ngang Kot ewe Samol mi Lapalap: Üa ü ngonuk, en chukun Etom. Üpwe föri pwe kopwe wiliti eu fanüapö.

Isikiel 7:24

Üpwe awarato chon ekewe mwü mi ngau seni meinisin, pwe repwe imweni imwer kana. Üpwe awesi än ekewe chon pwora lamalamtekia, nge ar kewe leni mi pin repwe küna turunufas.

Mika 2:4

Lon ena fansoun aramas repwe eäni affa pworausen ämi feiengau o eäni echö kölün riaföü usun mine a fis ngenikemi. Repwe apasa: Aia wesewesen feiengau. Kot a angei senikem fanüem kewe o ngeni chokewe mi liapenikem.”

Sefanaia 1:13

Aramas repwe soläni ar kewe pisek, nge imwer kewe repwe tala. Inamwo ika ra aüetä imwer, resap fokun nonom lor. Inamwo ika ra fotuki tanipin wain, resap fokun ün wain seniir.”

Sefanaia 1:4

Üpwe apwüngü chon Juta me chon Jerusalem meinisin. Üpwe ärala seni ei leni mine a chüen fis ren angangen fel ngeni Paal, üpwe pwal arosala ekewe souasor mi angang ngeni anümwäl.