Jeremaia 6:10 - Chuukese Bible

¹⁰ Nge üa apasa, “Iö üpwe fos ngeni o eäni kapasen fön ngeni? Iö epwe rongorong? Nengeni, ra pineela selinger pwe resap mochen rongorong om kapas. Ra takiri mine ka akünö ngeniei pwe üpwe üreniir.

Jeremaia 6:10 Iomraidhean Croise

Kölfel 1:2

nge ra pwapwaiti än ewe Samol mi Lapalap allük o ekieki usun lerän me lepwin.

Kölfel 119:16

Üpwe pwapwaäsini om kewe allük, nge üsap manlükala om kewe kapas.

Kölfel 119:174

Ai Samol mi Lapalap, üa positi om kopwe amanauaei, üa fokun pwapwaiti om allük.

Kölfel 119:24

Üa pwapwaäsini om kewe allük, ir chon öüröüraei.

Kölfel 119:35

Kopwe emweniei pwe üpwe tongeni aleasochisi om kewe allük, pun ngang üa pwapwaäsiniir.

Kölfel 119:70

Leluker esap wor memmef lon, nge ngang üa pwapwaäsini om allük.

Kölfel 119:77

Om ümöümöch epwe toriei pwe üpwe tongeni manau, pun üa pwapwaäsini om allük.

Kölfel 40:8

Üa pwapwa le föri letipom, ai Kot, om allük a nom lon lelukei.”

Ekistos 6:12

Nge Moses a üreni ewe Samol mi Lapalap, “Nengeni, ekewe aramasen Israel resap aüselingaei. Ifa usun, Farao epwe mochen aüselingaei, nge ngang fen eman mi angangau le kapas?”

Aisea 42:20

Israel, ka küna chomong mettoch, nge kosap tümwünü. Ka aü selingom, nge kosap rongorong.”

Aisea 53:1

Nge iö a lükü ewe pworaus sa aronga? Iö a tongeni küna angangen pöün ewe Samol mi Lapalap?

Jeremaia 35:13

“Iei alon ewe Samol mi Unusen Manaman, ewe Koten Israel: Pwota ousap mochen angei ai öüröür o aleasochis ngeni ai kewe kapas?

Jeremaia 4:4

Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 5:21

Oupwe rongorong ekei kapas, ämi aramas mi umwes o miritingau. A wor mesemi, nge ousap küna. A wor selingemi, nge ousap rongorong.

Jeremaia 7:13

Lupwen oua föri ekei föför meinisin, üa chök sopwela le fofos ngenikemi, nge ämi ousap mochen aüseling. Üa kökkörikemi, nge ousap mochen päpälüen.

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Jeremaia 9:26

Ekewe chon Isip me Juta, chon Etom me Amon, chon Moap me chokewe mi nonom lon ewe fanüapö mi toau. Pun chon ekei mwü meinisin resap sirkomsais, pwal chon Israel resap sirkomsais lon leluker.”

Isikiel 3:7

Nge chon Israel resap mochen aüselingok, pun resap pwal mochen aüselingaei. Ir meinisin ra tipepöchökül o tipeweires.

Isikiel 33:3

ätewe a apu ewe säwiin asilesil, lupwen a küna pwe chon oputer ra war, pwe aramas repwe silei.

Isikiel 33:9

Iwe, are kopwe fönöü eman chon föföringau pwe epwe kul seni an föföringau, nge esap kul seni, ätewe epwe mäla pokiten an tipis, nge en kopwe amanaua manauom.”

Amos 7:10

Mürin, Amasia ewe souasor mi nom lon Petel a titila ren Jeropoam ewe kingen Israel o apasa, “Amos a rawangaueek lein chon Israel. An kapas a angauala chon ei fanü.

Mateus 3:7

Nge lupwen Johannes a küna chomongun ekewe Farisi me Satusi mi feito ren pwe repwe papatais, a üreniir, “Ämi serepenit! Iö a ürenikemi pwe oupwe sü seni än Kot song epwe awarato womi?

Lukas 11:45

Iwe, eman lein ekewe Sensen Allük a üreni Jesus, “Sense, lupwen ka kapas usun ekei mettoch, ka pwal aitengauakem.”

Lukas 20:19

Iwe, ekewe Sensen Allük me ekewe souasor mi lap ra silei pwe a afalafala ei pworausen awewe usur, iei mine ra sotuni ar repwe fötekini Jesus lon ewe otun, nge ra niuokusiti ekewe aramas.

Johannes 7:7

Chon fanüfan resap tongeni oputakemi, nge ra oputaei, pun üa pwäri ngeniir pwe ar föför a ngau.

Johannes 9:40

Iwe, ekoch Farisi mi nom ren ra rongorong met a apasa o ra aisini, “Met, äm aia pwal chun?”

Föför 7:51

Iwe, Stefanus a sopwela le kapas ngeniir, “Ämi aramas mi tipeförea! Letipemi ra usun chök chokewe resap lükü Kot, oua rongomang ngeni kapasen Kot! Ämi oua usun chök ämi kewe lewo: Pwal ämi oua ü ngeni Ngünmifel fansoun meinisin.

Föför 7:60

Mürin a fotopwäsuketiu o kökkö fän leüömong, “Ai Samol, kopwe amusala ei tipis ra föri ngeniei.” Mürin an apasa ei a mäla.

Nöün Paulus Toropwe ngeni ekewe Souläng lon Rom 7:22

Pun seni lon letipei üa pwapwaiti än Kot allük.

Tuteronomi 29:4

Nge tori ikenai ewe Samol mi Lapalap esap ngenikemi ekiek mi mirit, mas mi nenela me seling mi rongorong.

Kolose 1:28

Iei mine sia arongafeili Kraist ngeni aramas meinisin. Sia fönöör o asukuler ren sokun tipachem meinisin, pwe sipwe emwenato eman me eman mwen Kot fän ar unusöch lon Kraist.

2. Timoty 4:3

Pun epwe war ewe fansoun, lupwen aramas resap mochen aüseling ngeni afalafal mi let. Nge repwe chök fiti mochenin letiper o repwe achufengeni chomong sense fän iter, ir ätekewe repwe üreniir mine ra mochen rongorong.

Ipru 11:7

Ren än Noa lükü, a rongorong än Kot kapasen fön usun ekewe mettoch repwe fis lon ekewe fansoun repwe feito, nge esamwo tongeni küna. A aleasochisi Kot o föri efoch waimw ia i me chon an famili ra tongeni manau ie. Ren an lükü a pwä pwe fanüfan a tipis. Nge Noa a angei ewe sokun pwüng me ren Kot pokiten an lükü.