Jeremaia 51:4 - Chuukese Bible

⁴ Repwe turula o mäla lon ewe fanü Papilon, repwe mäfeiengau me lon alan kewe.

Jeremaia 51:4 Iomraidhean Croise

Aisea 13:15

Iwe, sounfiu repwe posu iö repwe küna o niela ren ketilas chokewe meinisin ra turufiir.

Aisea 14:19

Nge en esap wor püsin peiasom. Ka pöütüla lükün usun chök efoch palen irä eman a moneela. Ka pwölüla ren somä, ren chokewe mi mäla lon maun, chokewe mi katurutiu lon ewe pwang mi wor fau lon. Iwe, ka usun chök eman somä aramas ra puri.

Jeremaia 49:26

Lon ewe rän alüalün ewe telinimw repwe mäla lon alan kewe, nge nöün kewe sounfiu meinisin repwe rosola.

Jeremaia 50:30

Iei mine nöün kewe alüal repwe mäla lon ekewe alen ewe telinimw, nge nöün kewe sounfiu meinisin repwe rosola lon ena ränin. Ngang ewe Samol mi Lapalap üa kapas.”

Jeremaia 50:37

Mäla epwe tori nöür kewe oris me war kewe woken, epwe pwal tori nöür kewe sounfiu chon ekis mi nom leir, pwe repwe tipeni tipen fefin. Oupwe atatakisi wöür o angei pisekir fän pöchökül.

Jeremaia 51:53

Inamwo ika Papilon epwe fefeitä tori läng, inamwo ika epwe apöchöküla an we imwen maun mi nom wilitekia, üpwe chök tinala ekewe chon kata pwe repwe atai. Ngang ewe Samol mi Lapalap üa kapas.