Jeremaia 51:3 - Chuukese Bible

³ Ousap mwüt ngeni ewe chon esefich epwe emeia nöün esefich, ousap pwal mwüt ngeni pwe epwe üföüf üfan üfen maun. Ousap achika ekewe alüal, nge oupwe fokun arosala ewe mwichen sounfiu meinisin.

Jeremaia 51:3 Iomraidhean Croise

Kölfel 137:9

Epwe pwapwa ätewe mi angei noum kewe semirit o monerela ngeni eu achau.

Jeremaia 46:4

Oupwe amolätä nöümi kewe oris o tötä wor, ämi chon wawa oris. Oupwe atettelikemi fän imwemi akau, oupwe amisi wokumi o üföüf üfemi sekitin maun.

Jeremaia 50:14

Oupwe atettelikemi pwelin ünükün Papilon pwe oupwe maun ngeni, ämi meinisin mi emeia nöümi esefich. Oupwe änna Papilon, nge ousap achika nöümi föün esefich, pun i a tipis ngeniei ngang ewe Samol mi Lapalap.

Jeremaia 50:21

Iei alon ewe Samol mi Lapalap, “Oupwe feila o maun ngeni ewe fanü Merataimw, pwal ngeni chon Pekot. Oupwe nirela o fokun aroserela, oupwe föri meinisin mine üa allük ngenikemi.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 51:53

Inamwo ika Papilon epwe fefeitä tori läng, inamwo ika epwe apöchöküla an we imwen maun mi nom wilitekia, üpwe chök tinala ekewe chon kata pwe repwe atai. Ngang ewe Samol mi Lapalap üa kapas.

Jeremaia 9:21

Pun mäla a tötä me lon asamwachon imwach o tolong lon ekewe imwen king. A ärala ekewe semirit me won ekewe al me ekewe alüal lon ekewe lenien amwicheich.

Tuteronomi 32:25

Iwe, aramas repwe mäla ren maun lon alen ekewe telinimw, nge lon ekewe imw epwe fis niuokus watte. Alüal me föpwül repwe rosola, pwal mönükol mi chüen oup me chinlap.

James 2:13

Pun Kot esap eäni tong ngeni eman aramas esap eäni tong, lupwen a apwüngü. Pun tong a win lon kapwüng.