Jeremaia 51:1 - Chuukese Bible

¹ Iei alon ewe Samol mi Lapalap, “Nengeni, üpwe apwäi ngünün eman chon kata pwe epwe maun ngeni Papilon me aramasen lon.

Jeremaia 51:1 Iomraidhean Croise

2. King 19:7

Üpwe föri pwe ewe king epwe rongorong och pworaus o liwiniti poputän fanüan. Iwe, üpwe afeiengaua ren ketilas, pwe epwe mäla lon püsin fanüan.’”

Kölfel 137:8

En Papilon kopwe tala. Epwe pwapwa ätewe mi ngonuk chappen om föför ngenikem.

Aisea 13:13

Iei mine üpwe achecha läng, nge fanüfan epwe mwöküt seni lenian lon ewe rän, lupwen ngang ewe Samol mi Unusen Manaman üpwe pwärawu ai song mi fokun watte.

Aisea 14:14

Iwe, üpwe feitä, feitä asen ekewe kuchu, pwe üpwe wewe ngeni Ewe mi Fokun Tekia.’

Aisea 21:1

Iei än Kot kapas usun Papilon: Usun eu ewiniär a äs seni ewe fanü Nekep, iei usun feiengau epwe feito seni ewe fanüapö, eu fanü mi eniwokus.

Aisea 47:1

Ewe Samol mi Lapalap a apasa, “Kopwe tötiu o mot won pwül, en Papilon. Kopwe mot won pwül, nge kosap chüen mot won lenien motun king. Me lom ka eu telinimw esap wor eman a tongeni liapenuk, ka usun chök eman föpwül esamwo tori mwän. Nge iei aramas resap chüen üra usum, pwe en eman mi sengesengöch o kitinup.

Jeremaia 23:19

Nengeni, än ewe Samol mi Lapalap lingeringer a usun chök eu mölümöl, usun eu ewiniär mi märäkukulfetal won möküren ekewe aramasangau.

Jeremaia 49:36

Üpwe awarato won Elam ekewe rüanü asepwäl seni ekewe rüanü pelien läng. Üpwe atoropaseer ngeni ekei rüanü asepwäl. Iwe, esap wor eu mwü ia chokewe mi sü seni Elam resap feila ie.

Jeremaia 50:21

Iei alon ewe Samol mi Lapalap, “Oupwe feila o maun ngeni ewe fanü Merataimw, pwal ngeni chon Pekot. Oupwe nirela o fokun aroserela, oupwe föri meinisin mine üa allük ngenikemi.

Jeremaia 50:24

Ngang üa anomu eu sär fän itom, en Papilon, ka tup lon mwen kosamwo mefi. Ka oo, pun ka ü ngeniei.

Jeremaia 50:29

“Oupwe körifengeni ekewe chon esefich, chokewe meinisin mi emeia nöür esefich pwe repwe maun ngeni Papilon. Oupwe nom pwelin ünükün ewe telinimw pwe esap wor eman epwe tongeni sü seni. Oupwe liwini ngeni won ükükün an föför, oupwe föri ngeni usun mine i a föri ngeni aramas, pun a ü ngeniei fän lamalamtekia, ngang ewe Samol mi Lapalap ewe mi Pin lon Israel.

Jeremaia 50:33

Iei alon ewe Samol mi Unusen Manaman, “Ekewe aramasen Israel me Juta ra küna riaföü. Meinisin mi uweerela pwe repwe oola ra fokun amwöchüür. Resap fokun mwüt ngeniir pwe repwe liwinla ngeni fanüer.

Jeremaia 50:9

Pun nengeni, üpwe äpwächa o awarato eu mwichen aramas seni ekewe mwü watte mi nom efeng, pwe repwe maun ngeni Papilon. Repwe atetteliir pwe repwe maun ngeni ewe fanü o liapeni. Nöür kewe sounfiu mi sipeöch le esefich ra fokun föüen.

Jeremaia 51:53

Inamwo ika Papilon epwe fefeitä tori läng, inamwo ika epwe apöchöküla an we imwen maun mi nom wilitekia, üpwe chök tinala ekewe chon kata pwe repwe atai. Ngang ewe Samol mi Lapalap üa kapas.

Jeremaia 51:60

Iwe, Jeremaia a makei lon echö toropwe usun ekei feiengau meinisin repwe tori Papilon, ekewe kapas meinisin mi fen maketiu fänäsengesin Papilon.

Isikiel 19:12

Nge eman a üttätä ewe irän wain fän an song o aturala won pwül. Iwe, asepwälin ötiu a eniti pwe a pwasala, uan ra mworomworotiu, nge palan kewe mi pöchökül ra pwasala o kekila ren ekkei.

Osea 13:15

Inamwo ika Israel epwe mämäritä usun ekewe wowo, üpwe tinato eu asepwälin ötiu, epwe enito seni ewe fanüapö. Epwe amorätä an kewe puächen koluk me an kewe chönüttu. Aramas repwe angei fän pöchökül an kewe pisek aüchea meinisin seni an we lenien iseis.

Amos 3:6

Ifa usun, aramas resap niuokus lupwen ra rongorong tikin rappwan maun me lon eu telinimw? Ifa usun, epwe fis feiengau lon eu telinimw, are ewe Samol mi Lapalap esap awarato?

Sekaraia 2:8

Iwe, iei alon ewe Samol mi Unusen Manaman, a tiniei ren an ling ngeni chon ekewe mwü mi angei pisekimi fän pöchökül, pun chokewe mi atapakemi ra atapa fituken lon mesan,

Föför 9:4

Iwe, a turutiu le pwül, nge a rongorong eu möngüngü mi üreni, “Saul, Saul, pwota ka ariaföüüei?”