Jeremaia 5:9 - Chuukese Bible

⁹ Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför?

Jeremaia 5:9 Iomraidhean Croise

Än Salomon Fos 6:29

Ina usun ätewe mi kon ren pwülüen chon arun. Iteiten eman me eman mi atapa neminewe epwe küna liwiningau.

Aisea 1:24

Iei oupwe rongorong mine ewe Samol mi Unusen Manaman, ewe Koten Israel a apasa, “Ngang üpwe atoto ai song womi, ämi chon pälüeniei, üpwe pwal ngenikemi chappen ämi föför, ämi chon oputaei.

Aisea 57:6

Oua angei fau mi motoutou seni lon öüwö o fel ngeniir pwe ämi Kot. Oua ninätiu wor asoren ün o uwato wor asoren mongö. Ifa usun, ngang üpwe pwapwaiti ei sokun föför?

Jeremaia 23:2

Iei usun mine ewe Samol mi Lapalap ewe Koten Israel a apasa fän äsengesin ekewe chon nemenem mi wisen tümwünü nöün aramas, “Oua atoropasa nei aramas o asürela, nge ousap tümwünüür. Nengeni, üpwe apwüngükemi fän iten ämi föföringau.

Jeremaia 32:31

Chon ei telinimw ra äpwächa ai song me lingeringer seni ewe fansoun ei telinimw a kaütä tori ikenai. Iei mine üpwe ataela ei telinimw

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 5:29

Ifa usun, ngang ewe Samol mi Lapalap üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför.

Jeremaia 6:11

Üa pwal eäni om lingeringer ngeniir, ai Samol mi Lapalap, nge üsap chüen tongeni amwöchü.” Mürin, ewe Samol mi Lapalap a üreniei, “Kopwe eäni ai lingeringer won ekewe semirit mi nom won al, pwal won ekewe mwichen alüal. Ekewe mwän fiti pwülüer repwe oola, pwal ekewe chinlap me chokewe mi ieritam.

Jeremaia 6:6

Pun iei alon ewe Samol mi Unusen Manaman, “Oupwe pöküetiu ekewe irä, oupwe senätä eu ororen maun ünükün Jerusalem. Üpwe apwüngü ei telinimw, pun angangen ariaföüü aramas a chök fifis lon.

Jeremaia 9:8

Chönawer a usun chök efoch föün esefich mi poison, ra chök eäni kapasen atuputup. Iteiten eman me eman a eäni kapas pwetete ngeni chon arun, nge lon lelukan a ekiekietä usun an epwe sorongauei.

Jeremaia 9:9

Ifa usun, üsap apwüngüür pokiten ekei föför? Ifa usun, üsap ngeni chon ei sokun mwü chappen ar föför? Ngang ewe Samol mi Lapalap üa kapas.”

Kölün kechü 3:42

“Äm aia tipis o ü ngonuk, nge en kosap amusala äm tipis.

Kölün kechü 4:22

Ämi chon Sion, liwinin ämi tipis a wesila. Ewe Samol mi Lapalap esap chüen mochen oupwe nonomotam lon ämi oola. Nge ämi chon Etom, ewe Samol mi Lapalap epwe apwüngükemi pokiten ämi föföringau o särifala ämi tipis.

Isikiel 7:9

Iwe, üsap chüen achikok, üsap pwal chüen tongeek. Üpwe liwini ngonuk liwinin om föför mi anioput ka chök sopwela le föri. Ren ei kopwe silei pwe ngang ewe Samol mi Lapalap, ewe mi afeiengauok.”

Osea 2:13

Üpwe apwüngü neminewe fän iten ekewe rän a keni apach mi pwokus lon ngeni ekewe anü Paal, pwal fän iten an foutei ngeni ring me sokopaten fout o tapwela mürin nöün kewe kamwet, nge a manlükieila. Ngang ewe Samol mi Lapalap üa kapas.

Osea 8:13

Ra uwato ar asor ngeniei o ochoch fituken ewe mönün asor. Nge ngang ewe Samol mi Lapalap üsap pwapwaitiir. Iei üpwe chechemeni ar kewe föföringau o apwüngüür fän iten ar tipis. Repwe liwinsefäliti Isip.

Lifitikos 18:25

Pwal ewe fanü a limengau ren. Iei mine üpwe apwüngü ewe fanü, pwe epwe musäsinawu ekewe aramas mi nonom won.

Lifitikos 26:25

Üpwe awarato maun womi, pwe iei chappen ämi atai ewe pwon. Nge are oua sülong lon ämi kewe telinimw, üpwe tinala mätter leimi. Oupwe tolong fän nemenien chon oputakemi.

Nahum 1:2

Ewe Samol mi Lapalap i eman Kot mi lukomong. A apwüngü chokewe mi ü ngeni. Lon an song a ngeni chon oputan chappen ar föför.

Tuteronomi 32:35

Iwe, ewe Samol mi Lapalap epwe ngeniir chappen ar föför me liwiningauer lon ewe fansoun, lupwen pecher epwe mit. Ränin ar feiengau a arap, ar kapwüng epwe warakai.

Tuteronomi 32:43

Ämi chon ekewe mwü, oupwe fiti nöün ewe Samol mi Lapalap kewe aramas le meseik, pun epwe apwüngü chokewe meinisin mi niela nöün chon angang o ngeni chon ü ngeni chappen ar föför, epwe pwal limeti fanüen nöün aramas seni tipis.”