Jeremaia 5:7 - Chuukese Bible

⁷ Iei alon ewe Samol mi Lapalap, “Pwota üpwe amusala ämi tipis? Nöümi kewe ra likitieila o fel ngeni pwal ekoch kot resap wesewesen Kot. Ngang üa amongöör tori ra fokun mötüla, nge ir ra föri föförün lisowu o feila ren imwen ekewe fin lisowu.

Jeremaia 5:7 Iomraidhean Croise

2. Kronika 13:9

Oua asüela nöün ewe Samol mi Lapalap kewe souasor, ekewe mwirimwirin Aaron me ekewe mwän seni ewe ainangen Lefi, nge oua filätä püsin nöümi souasor usun chök chon ekewe mwü. Iteiten eman me eman mi feito fän eman nienifön kow, ika fän füman ätemwänin sip a tongeni püsin apini, pwe epwe wiseni ewe wisen souasor fän iten ekewe uluulun anümwäl esap ir kot.

Hiop 31:12

a usun chök eu ekkei a külong lon ewe leni mi alolol, epwe kenala meinisin mine ai.

Kölfel 50:18

Are ka küna eman chon solä, ka chiechi ngeni, ka pwal nom ren ekewe chon lisowu.

Jeremaia 12:16

Iwe, are repwe etiwa än nei aramas lamalam ren unusen leluker o eäni akapel, ‘Mwo manauen ewe Samol mi Lapalap,’ usun ra aiti ngeni nei aramas pwe repwe eäni akapel iten Paal, mürin repwe fefeitä me lein nei aramas.

Jeremaia 13:27

A küna om föför mi anioput ngeni. A küna om feila ren ekewe koten ekis won ekewe chukutekison, pwal lon ekewe mälämäl, usun eman mwän a mocheisou ngeni pwülüen chon arun, ika usun eman ätemwänin oris a mochenia ngeni eman liafefin. Feiengauom, en Jerusalem! Ifa ükükün fansoun om kopwe nom lon limengau?

Jeremaia 16:11

mürin kopwe üreniir, ‘Iei alon ewe Samol mi Lapalap: Ei a fis pokiten ämi kewe lewo ra likitieila, pwe repwe angang ngeni pwal ekoch kot o fel ngeniir. Ra likitieila, nge resap aleasochisi ai kewe allük.

Jeremaia 16:20

Ifa usun, aramas ra tongeni föri püsin ar kot? Nge ika ina, iwe, sap ir kot.”

Jeremaia 2:11

Esap wor chon eu mwü mi ekesiwili ar kewe kot, nge ir resap wesewesen kot. Nge nei aramas ra ekesiwiliei ngang ar we Kot mi ling ngeni pwal ekoch kot mi lomotongau.

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 23:10

Ewe fanü a ur ren chon lisowu. Ekewe soufos ra chök föri föför mi ngau o aeangauei ar manaman. Pokiten ewe anümamau ewe fanü a sangang, nge än ekewe man lenien mongö fetil ra pwasala.

Jeremaia 3:19

Mürin, ewe Samol mi Lapalap a apasa, “Üpwe fokun pwapwa le atolongakemi lon tettelin nei mwän o ngenikemi eu fanü mi mürina, eu fanü mi fokun mürina seni fanüen chon ekewe mwü. Üa mochen pwe oupwe kökköri ngeniei, ‘Semem,’ nge ousap fokun chüen kul seniei.

Jeremaia 3:8

Ra pwal küna pwe üa pöütala Israel, usun eman mwän a pöütala pwülüan. Üa tinirela pokiten ra kirikiringau ngeniei ren ar fel ngeni pwal ekoch kot. Nge ekewe chon Juta mi kirikiringau resap niuokus. Ra pwal föri ei sokun föför,

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Jeremaia 9:1

Amwo mökürei epwe eu lenien koluk, nge mesei epwe eu puächen chönün mas, pwe lerän me lepwin üpwe tongeni kechüeiti chokewe mi ninnila me lein nei aramas.

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Kölün kechü 3:42

“Äm aia tipis o ü ngonuk, nge en kosap amusala äm tipis.

Isikiel 22:11

Ekoch ra lisowu ngeni pwülüen chon arur, ekoch ra föföringau ngeni pwülüen nöür mwän, pwal ekoch ra föföringau ngeni fefiner.

Osea 11:8

Ifa usun ai üpwe tongeni fangatä, en Israel? Ifa usun ai üpwe tongeni likitukela? Ifa usun ai üpwe ataakela usun ai ataela Atma? Ifa usun ai üpwe tongeni föri ngonuk usun mine üa föri ngeni Sepoim? Letipei a siwil, ai tong a pwichikar o nüküchar.

Osea 13:6

Nge lupwen oua tolong lon ewe fanü mi mürina, oua momongö o mötüla. Nge lupwen oua mötüla, oua lamalamtekia o manlükieila.

Osea 4:2

Ra chök ottek, chofana, ninni, solä o föri angangen lisowu. Angangen mwänewüs a wattela, nimanawei aramas a chök likatatap mürin eu.

Osea 7:4

Ir meinisin ra kirikiringau ngeniei usun eman mwän a kirikiringau ngeni pwülüan. Ra pwichikar lon ar mocheisou usun pwichin eu um ewe chon um esap chüen soni seni ewe fansoun a aüwa ewe pilawa tori a pwotä.

Lifitikos 20:10

Iwe, are eman mwän a lisowu ngeni pwülüen chon arun, ir me ruoman, ewe mwän me ewe fefin, repwe ninnila.

Amos 8:14

Chokewe mi akapelü Asima ewe anün Samaria o apasa, ‘Mwo manauen ewe koten Tan,’ ika ‘Mwo manauen ewe koten Persepa,’ ir repwe turula, nge resap fokun üsefälitä.”

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

1. Korint 6:9

Enlet, oua silei pwe ekewe chon föföringau resap mwüni Mwün Kot. Ousap püsin atupukemi! Chon föri föförün lisowu, ika chon angang ngeni anümwäl, ika chon lisowu ngeni mi pwüpwülü, ika chon amömö inisir, ika chon lisowufengen lefilen mwän me mwän ika fefin me fefin,

1. Korint 8:4

Iwe, usun ach mongö ekewe mongö ra asor ngeni ekewe uluulun anümwäl: Kich sia silei pwe eu uluulun anümwäl a aliosunätä och mettoch esap fokun wor. Kich sia silei pwe mi wor eman chök Kot.

Kalatia 4:8

Me lom, lupwen ousap silei Kot, oua nonom fän nemenien ekewe ngün esap ir kot.

Tuteronomi 32:15

Nge Jesurun a kitinupula o rochongau, a kitinupula, a wattela o misimis. Mürin a likitala Kot ewe mi föri, a turunufasei ewe Achau an Chon Amanau.

Tuteronomi 32:21

Ra kupeti lelukei ren eman kot sap i kot, ra pwal asongaei ren ar uluulun anümwäl. Iei mine üpwe kupeti leluker ren chokewe sap ir eu mwü, üpwe asongeer ren eu mwü mi umwes.

Ipru 13:4

Aramas meinisin repwe aücheani pwüpwülü. Ekewe mi pwüpwülü resap kirikiringaufengen lefiler, pun Kot epwe apwüngü chokewe mi lisowu ngeni mi lipich, pwal chokewe mi lisowu ngeni mi pwüpwülü.

James 4:4

Ämi aramas mi kirikiringau! Ousap silei pwe chiechi ngeni fanüfan wewen fiu ngeni Kot? Iö a mochen chiechi ngeni fanüfan, i ewe aramas mi fiu ngeni Kot.

Josua 23:7

Ousap chiechifengen me chon ekei mwü mi chüen nom leimi, ousap pwal föüni iten ar kewe kot ika eäniir akapel, ousap angang ngeniir ika fel ngeniir.