Jeremaia 5:6 - Chuukese Bible

⁶ Iei mine eman laion seni ewe wöllap epwe niirela, eman wolif seni ewe fanüapö epwe afeiengaueer. Eman manmwacho itan lepart a operi ar kewe telinimw, epwe atatakisi ekewe aramas mi towu me lor, pokiten chomongun ar tipis me watten ar tokola seni Kot.

Jeremaia 5:6 Iomraidhean Croise

2. Kronika 36:14

Pwal ekewe souemwenin Juta, ekewe souasor me ekewe aramas ra fokun likitala Kot o apirü föförün chon ekewe mwü meinisin mi fokun anioput, ra pwal atai pinin imwen ewe Samol mi Lapalap, i a apini me lon Jerusalem.

Esra 10:10

Iwe, ewe souasor Esra a ütä o üreniir, “Oua purätiu ewe allük o pwüpwülü ngeni ekewe fin ekis. Ren ei oua alapala än chon Israel tipis.

Esra 9:6

Iwe, üa apasa, “Ai Kot, üa fokun säw ai üpwe anetai mesei ngonuk. Pun äm kewe föföringau ra tekia seni mökürem, nge äm kewe tipis ra chukuchukutä tori läng.

Hiop 10:16

Nge are üpwe chimwetä, en kopwe tapweriei usun eman laion a tapweri liapan, ka pwal pwärisefäli om kewe manaman pwe üpwe feiengau rer.

Kölfel 104:20

Ka föri pwin pwe lon kirochan ekewe manmwacho lein wöllap meinisin ra towu seni lenier.

Kölfel 80:13

Pik mi mwacho seni ewe wöllap ra tipwei ewe irä, nge ekewe manmwacho ra mongö seni.

Aisea 1:23

Om kewe souemwen ra wiliti chon pälüeni mwü, ra pwal chiechi ngeni chon solä. Ir meinisin ra sani lifangen amichimich, ra pwal tipemong won lifang. Resap peni chokewe mi mäsen lon kapwüng, resap pwal alisi ekewe fefin mi mä pwülüer.

Aisea 59:12

Äm Samol mi Lapalap, a kon watte äm pupungau fän mesom, nge äm tipis kana ra aturukem. Ewer, aia mefi äm pupungau o silei pwe aia föföringau.

Jeremaia 14:7

Nei aramas ra siö ngeniei o apasa, ‘Äm Samol mi Lapalap, kopwe alisikem usun ka pwon ngenikem, inamwo ika äm föföringau ra atipisikem. Ellet, äm aia tokola fän chomong o tipis ngonuk.

Jeremaia 2:15

Ra leüömong le wörüwör ngeni usun laion ra wörüwör. Ra ataela fanüan, an kewe telinimw ra tatakis, nge resap chüen so.

Jeremaia 2:17

Ifa usun, sap püsin en Israel ka awarato womw ei feiengau ren om likitieila ngang ewe Samol mi Lapalap, lupwen üa emwenukela won ewe al?

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 25:38

Ewe Samol mi Lapalap a likitala lenian usun eman laion a likitala pwangan. Ewer, fanüer a wiliti eu fanüapö, pokiten ataien maun me än ewe Samol mi Lapalap song mi watte.

Jeremaia 30:14

Peliemi kewe meinisin ra manlükikemiila, resap chüen ekiekikemi. Üa wichikemi usun üa wichi chon oputaei. Ai apwüngükemi a fokun pöchökül pokiten chomongun ämi kewe föföringau me watten ämi kewe tipis.

Jeremaia 30:15

Pwota oua siö ren ämi feiengau? Ämi metek esap tongeni moela. Üa föri ngenikemi ekei föför, pokiten chomungun ämi kewe föföringau me watten ämi kewe tipis.

Jeremaia 30:24

Än ewe Samol mi Lapalap song mi watte esap kul tori epwe afisätä o awesala mine a ekieki lon lelukan. Lon ekewe fansoun mürin oupwap weweiti usun ekei mettoch.

Jeremaia 4:7

Usun eman laion a towu seni pwangan, iei usun ewe chon atai mwü a feiliwu. A likitala lenian pwe epwe ataela fanüemi, ämi kewe telinimw repwe tatakisitiu, pwe resap chüen so.

Jeremaia 49:19

Usun eman laion a towu seni ewe wöllap arun ewe chanpupu Jortan o feila ngeni eu lenien enen sip, iei usun üpwe müttir feito o asüela chon Etom seni fanüer. Mürin üpwe awisa ätewe üa filätä pwe epwe nemeni Etom. Iö epwe wewe ngeniei? Iö epwe pälüeniei? Meni souemwen a tongeni ü ngeniei?

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Jeremaia 8:7

Ewe öröpwech mi äs fän läng a silei an fansoun liwinsefäl, pwal ewe lisom, ewe ekiek me ewe kawakaw ra silei fansoun ar repwe ässifeil. Nge ämi nei aramas ousap silei ai kewe allük.

Kölün kechü 1:5

Chon oputen Sion ra fefeitä, ra aposu fän ar nemenem. Ewe Samol mi Lapalap a atolonga lon riaföü pokiten chomongun an kewe tipis. Nöün kewe ra feila ekis, ra oola ren chon oputan.

Isikiel 16:25

Ka aüetä om kewe lenien fel ngeni uluulun anümwäl lepopun ekewe al meinisin o alimengaua liöchum. Ka pwal amömö inisum ngeni iteiten eman me eman mi feito reöm o alapala om angangen lisowu.

Isikiel 22:27

Ekewe nöüwis mi nom lon ra usun chök wolif mi ochei liaper. Iwe, ra nimanauei aramas, pwe repwe pisekisekila ren.

Isikiel 23:19

Nge a chök alapala an amömö inisin fän iten lisowu, pun a chechemeni fansoun an föpwül, lupwen a amömö inisin lon ewe fanü Isip.

Taniel 7:4

Ewe aemanün a wewe ngeni eman laion, nge pöükässin ra usun chök pöükässin eman ikel. Iwe, lupwen üa nenengeni, pöükässin ra üttüwu seni, nge eman a aütäi seni won fanü, pwe a üwenewenetä won ruofoch pechen usun eman aramas. Iwe, eman a siwili tipan ngeni tipen aramas.

Taniel 7:6

Mürin üa küna pwal eman mönümanau a usun chök eman lepart, a wor fofoch pöükässin won sökürün usun pöükässin machang, a pwal wor rüanü möküran, nge eman a ngeni an nemenem.

Osea 5:14

Pun ngang üpwe usun eman laion ngeni chon Israel, pwal usun eman nienifön laion ngeni chon Juta. Ngang, fokun ngang üpwe atatakisiir o likitirela. Nge lupwen üpwe etekinirela, esap wor eman epwe tongeni amanaueer.

Apakuk 1:8

Nöür oris ra müttir seni ewe man itan lepart, ra rochongau seni ekewe wolif mi echik. Nöür kewe chon wawa oris ra feito me toau o säpuropur, ra müttir le sä usun müttirin eman ikel a tur won liapan.

Sefanaia 3:3

Nöün kewe nöüwis ra usun chök laion mi wörüwör, nöün kewe soukapwüng ra usun chök wolif mi echik, resap likiti och tori lesosor.

Numperis 32:14

Nge iei ämi oua chök tolong lemürürün sememi kewe, ämi eu täppin aramas mi tipis. Oua chök alapala än ewe Samol mi Lapalap song mi pöchökül ngeni Israel.

Pwärätä 13:2

Ewe manmwacho a usun chök eman lepart, pechen ra usun pechen eman pear, nge awan a usun chök awen eman laion. Ewe trakon a ngeni ewe manmwacho an manaman, an lenien motun king me an we watten nemenem.