Jeremaia 5:5 - Chuukese Bible

⁵ Üpwe feila ren ekewe aramas tekia o kapas ngeniir, pun ir repwe silei letipen ewe Samol mi Lapalap ika än ar we Kot allük.” Nge pwal ir resap mochen anomuur fän än ewe Samol mi Lapalap nemenem, resap pwal mochen aleasochis ngeni.

Jeremaia 5:5 Iomraidhean Croise

2. Kronika 36:14

Pwal ekewe souemwenin Juta, ekewe souasor me ekewe aramas ra fokun likitala Kot o apirü föförün chon ekewe mwü meinisin mi fokun anioput, ra pwal atai pinin imwen ewe Samol mi Lapalap, i a apini me lon Jerusalem.

Ekistos 32:25

Iwe, Moses a küna pwe ekewe aramas ra parangarang, pun Aaron a mwüt ngeniir pwe repwe parangarang. Iei mine ra asäw me ren chon oputeer.

Aisea 1:23

Om kewe souemwen ra wiliti chon pälüeni mwü, ra pwal chiechi ngeni chon solä. Ir meinisin ra sani lifangen amichimich, ra pwal tipemong won lifang. Resap peni chokewe mi mäsen lon kapwüng, resap pwal alisi ekewe fefin mi mä pwülüer.

Jeremaia 2:20

Ewe Samol mi Lapalap a pwal apasa, “Chomong ier ra la, en Israel, kosap mochen anomuk fän ai nemenem. Kosap mochen aleasochisiei o fel ngeniei. Nge ka fel ngeni ekewe koten leres won iteiten chuk pwal fän iteiten irä mi mwuresires.

Jeremaia 2:31

Ämi aramasen Israel, oupwe aüselinga aloi. Ifa usun, üa wewe ngeni eu fanüapö me remi, ika eu fanüen rochopwak me feiengau? Pwota ämi nei aramas oua apasa, ‘Äm aipwe chök föri letipem, aisap chüen liwinsefälito reöm.’

Jeremaia 30:14

Peliemi kewe meinisin ra manlükikemiila, resap chüen ekiekikemi. Üa wichikemi usun üa wichi chon oputaei. Ai apwüngükemi a fokun pöchökül pokiten chomongun ämi kewe föföringau me watten ämi kewe tipis.

Jeremaia 6:13

Pun seni ekewe mi kis tori ekewe mi lap ir meinisin ra kütta ar win fän pwüngingau. Pwal seni ekewe soufos tori ekewe souasor ir meinisin ra atupu aramas.

Jeremaia 8:7

Ewe öröpwech mi äs fän läng a silei an fansoun liwinsefäl, pwal ewe lisom, ewe ekiek me ewe kawakaw ra silei fansoun ar repwe ässifeil. Nge ämi nei aramas ousap silei ai kewe allük.

Jeremaia 9:3

Iei alon ewe Samol mi Lapalap, “Iteiten fansoun nei aramas ra chök kapas chofana. Chofana a chöchöla lon ewe fanü, nge sap let. Nei aramas ra chök föri föför mi ngau, nge resap alletä pwe ngang ar Kot.”

Isikiel 11:2

Iwe, Kot a üreniei, “Nöün aramas, ikkei ir ekewe mwän ra ekiekietä sokun rawangau o öüröüra ngeni chon ei telinimw mine a ngau.

Amos 4:1

Oupwe rongorong ekei kapas, ämi fin Samaria mi kitinupula usun ekewe kow lon Pasan mi amongööch. Oua ariaföüü ekewe chon wöüngau o purätiu ekewe chon mwelele, oua pwal üreni pwülüemi kewe pwe repwe uwato ünümemi sakau.

Amos 6:1

Feiengauemi ämi mi nonomöch lon Sion, ämi mi mefi kinamwe lon Samaria, pwal ämi mwän mi iteföüla mi nom lon eu mwü mi iteföüla, ämi chokewe chon Israel ra feito remi pwe repwe kütta alilisir senikemi.

Mika 3:11

Ekewe souemwenin Jerusalem ra angei lifangen amichimich, lupwen ra eäni kapwüng, ekewe souasor ra awewei än Kot kewe allük fän iten ar repwe angei liwin, nge ekewe soufos ra föri pwee fän iten ar repwe angei moni. Nge ra pwal anomu ar apilükülük won ewe Samol mi Lapalap o üra, “Ewe Samol mi Lapalap a nom lefilach. Esor feiengau epwe torikich.”

Malakai 2:7

Pun wisen eman souasor, epwe aiti ngeni aramas mine repwe silei Kot ren. Repwe feito ren pwe repwe kaiö seni, pun i eman chon künö nöün ewe Samol mi Unusen Manaman.

Lukas 18:24

Iwe, lupwen Jesus a küna pwe a letipeta, a apasa, “A men fokun weires ngeni ekewe aramas mi pisekisek ar repwe tolong lon Mwün Kot.

Lukas 19:14

Nge aramasen fanüan we ra oputa o tinala ekoch chon künö me mürin pwe repwe üreni, ‘Äm aisap mochen pwe ätei epwe nöüm king.’