Jeremaia 5:3 - Chuukese Bible

³ Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Jeremaia 5:3 Iomraidhean Croise

Keneses 19:34

Iwe, sorotän ewe rän ewe finichi a üreni ewe setipütür, “Üa kon ren semei lepwin ewe. Sipwe pwal aünü ngeni samach ei wain lepwin ei. Mürin, en kopwe tolong o kon ren pwe epwe wor mwirimwirin.”

1. King 13:33

Mürin fisitän ekei pworaus, Jeropoam esap kul seni an föför mi ngau, nge a chök seikätä souasor me lein ekewe aramas meinisin fän iten ekewe lenien fel won ekewe leni mi tekia. A apini iteiten eman me eman mi chök mochen pwe epwe souasorun ekewe lenien fel.

2. King 1:13

Mürin, ewe king a tinala ewe aülümanün meilapen sounfiu fiti lime nöün sounfiu. Nge lupwen ewe aülümanün meilap a tori won ungen ewe chuk, a fotopwäsukitiu mwen Elias o tüngorei, “En aramasen Kot, üa tüngor ngonuk, kose mochen kopwe chüngüw manauei me manauen noum kei lime chon angang.

2. Kronika 16:9

Pun ewe Samol mi Lapalap a nenengeni unusen fanüfan, pwe epwe apöchöküla chokewe mi fang ngeni unusen letiper. Om ei föför a mwäl. Iei mine seni ei fansoun epwe chök fifis maun ngonuk.”

2. Kronika 28:22

Nge lon an riaföü, ei king Ahas a fen alapala an tipis ngeni ewe Samol mi Lapalap.

Kölfel 51:6

Ellet, ka pwapwaäsini letip wenechar. Kopwe aiti ngeniei ewe tipachem mi monomon.

Kölfel 51:8

Kopwe mwüt ngeniei pwe üpwe rongorong mweireiren pwapwa me meseik. Kopwe pwal mwüt ngeniei ai üpwe pwapwa, inamwo ika ka kupi chüi.

Kölfel 55:20

Chienei we me lom a fiu ngeni chiechian o ataela an we pwon.

Än Salomon Fos 21:29

Eman aramasangau a wopwora, nge eman aramas mi wenechar a ekieköchü usun mine epwe föri.

Än Salomon Fos 22:12

Ewe Samol mi Lapalap a tümwünü chon silelap, nge a atai än chon chofana kapas.

Än Salomon Fos 23:35

Kopwe apasa, “Ra wichiei, nge üsap kinas. Ra awataei, nge üsap mefi. Inet üpwe nennela? Mürin üpwe pwal ünsefäl.”

Än Salomon Fos 27:22

Are kopwe wichi eman mi tiparoch tori a arap ngeni mäla, iei mwo nge an tiparoch esap towu seni.

Aisea 26:11

Äm Samol mi Lapalap, ka aitietä poum pwe kopwe apwüngüür, nge resap mefi. Kopwe aiti ngeniir usun om echeni noum aramas pwe repwe säw ren. Nge ewe ekkei ka amolätä fän iten chon oputok epwe kenirela.

Aisea 42:25

Iei mine Kot a awarato an song won chon Israel o afeiengaueer lon maun. Iwe, an song mi usun ekkei a küriir, nge resap mirit ren, a keniir, nge resap ekieki usun.

Aisea 48:4

Pokiten üa silei pwe en ka tipeförea, pwe lükün üom a pöchökül usun mächä, nge chamwom a usun chök piras,

Aisea 9:13

Nge ekewe chon Israel resap ekieksefäl. Inamwo ika ewe Samol mi Unusen Manaman a feiengaueer, nge resap kul ngeni.

Jeremaia 15:7

Üpwe söfölükemiila ren efoch söföl mi keang me lon asamalapen ekewe telinimwen ei fanü. Üpwe niela nöümi kewe o arosakemiila, pun ousap ükütiu seni ämi kewe föför mi ngau.

Jeremaia 17:23

Nge ir resap rongorong ika aüseling. Ra ülöförea, pun resap rongorong o angei ai öüröür.’”

Jeremaia 19:15

“Iei alon ewe Samol mi Unusen Manaman ewe Koten Israel: Üpwe awarato won ei telinimw, pwal won ekewe telinimw ünükün ekewe feiengau meinisin üa fen apwüngala fän iter, pun chon ekei telinimw ra ülöförea, resap mochen aüselinga ai kewe kapas.”

Jeremaia 2:30

Esor lomoten ai apwüngükemi, pun ousap mirit ren. Usun eman laion mi kütta ochan, iei usun ämi oua niela nöümi kewe soufos.

Jeremaia 3:3

Iei mine esap chüen püng üt, nge ütten leres esap fis. Ka fen mesemau usun eman fin lisowu, kosap sile säw.

Jeremaia 32:19

Om öüröür a tekia, om föför ra manaman. Ka küna meinisin mine aramas ra föri, ka liwini ngeni eman me eman ükükün an föför.

Jeremaia 35:13

“Iei alon ewe Samol mi Unusen Manaman, ewe Koten Israel: Pwota ousap mochen angei ai öüröür o aleasochis ngeni ai kewe kapas?

Jeremaia 44:10

Ousap püsin atekisonakemi tori ikenai, ousap meninitiei, ousap pwal föri pwüngün ekewe allük me pwüüng üa ngenikemi me ämi kewe lewo.”

Jeremaia 7:26

Nge esap wor eman a aüselingaei ika aü selingan. Oua chök tipepöchökül o föri mine a ngau lap seni ämi kewe lewo.

Jeremaia 7:28

Kopwe üreniir, ‘Ämi chon eu mwü ousap aleasochisi ewe Samol mi Lapalap ämi we Kot, ousap etiwa an emirit. Kapas mi let ra morola, ra ükütiu seni lon awemi.

Jeremaia 8:5

Pwota chök ämi nei aramasen Jerusalem oua tokofochofochola, nge ousap fokun kulsefäl? Oua kamwöchünuk won ämi kewe uluulun anümwäl, nge ousap fokun mochen liwinsefäl.

Isikiel 2:4

ra pwal lamalamtekia me tipepöchökül. Iwe, üpwe tinukela rer pwe kopwe asile ngeniir, pwe mine kopwe üreniir iei alon Kot ewe Samol mi Lapalap.

Isikiel 24:13

Jerusalem, om mocheisou iei om limengau. Iwe, üa sotuni ai üpwe limetuk, nge kosap limöchüla. Iei mine kosap fokun limöch, tori üpwe amüchü ai lingeringerituk.

Taniel 9:13

Ei feiengau a torikem a mak lon ewe puken allük än Moses. Nge äm aisap föri och mine en Kot äm Samol mi Lapalap kopwe chä ngenikem ren, pun aisap kul seni äm tipis, aisap pwal föri mine a let.

Lifitikos 26:23

Are üpwe apwüngükemi iei usun, nge ousap kul ngeniei, pwe oua chüen ü ngeniei,

Amos 4:10

Üa tinato mätter leimi usun üa föri me lon Isip. Üa niela nöümi kewe alüal lon maun o angeala nöümi kewe oris. Üa aura pwötümi ren pwomachen ekewe somä me lon leniemi. Iei mwo nge ämi ousap liwinto rei.

Amos 4:11

Üa niela ekoch me leimi usun üa niela ekewe chon Sotom me Komora. Nge chokewe mi chüen manau me leimi ra usun esop mwüch a katowu seni ekkei. Iei mwo nge ämi ousap liwinto rei.” Iei usun mine ewe Samol mi Lapalap a apasa.

Amos 4:6

Iei alon ewe Samol mi Lapalap, “Ngang ewe mi awarato lengita lon ämi kewe telinimw meinisin, pwe esap wor enemi lon leniemi kewe. Iei mwo nge ämi ousap liwinto rei.

Amos 4:8

Iei mine aramasen ekoch telinimw ra feila ngeni pwal eu telinimw fän ar moror pwe repwe ün koluk, nge esap naf ngeniir. Iei mwo nge ämi ousap liwinto rei.

Amos 4:9

Üa awarato moi me mesenipik won tanipimi me ämi tanipin wain pwe repwe atarala. Ekewe lifichimas ra enala ämi kewe irä fiik me irä olif. Iei mwo nge ämi ousap liwinto rei.

Sefanaia 3:7

Üa apasa, ‘Amwo itä nei aramas repwe meninitiei, repwe etiwa ai kapasen emirit, pwe imwer esap tala, esap pwal toriir ewe apwüng üa amolätä fän iter.’ Nge ir ra chök achocho le alapala ar föför mi ngau.”

Nöün Paulus Toropwe ngeni ekewe Souläng lon Rom 2:2

Nge kich sia silei pwe Kot a wenechar lupwen a apwüngü ekewe aramas mi föri ekei sokun föför.

Ipru 12:9

Ina chök usun samach lon pekin fituk, ra apwüngükich, nge kich sia meninitiir. Epwe ifan me watten ach sipwe aleasochisi Samach we lon pekin ngünüch o manau!