Jeremaia 5:22 - Chuukese Bible

²² Ngang ewe Samol mi Lapalap, pwota ousap meninitiei? Pwota ousap chechech me fän mesei? Üa anomu pi pwe kiännin matau, eu epet mi nom fochofoch esap tongeni tö ren sät. Inamwo ika ekewe no ra watte, resap tongeni lu seni ewe kiä, inamwo ika a wor öütöüt, nge esap tongeni atai.

Jeremaia 5:22 Iomraidhean Croise

Keneses 1:9

Mürin, Kot a pwal apasa, “Lölön pekitiu repwe chufengen lon lenier pwe epwe pwä lenien pwasapwas.” Iwe, a pwal fis.

1. King 13:28

Mürin, a feila o küna inisin ewe soufos seni Juta a chüen nom won ewe al, nge ewe aas me ewe laion ra ütä ünükün. Ewe laion esap ochei ewe inis, esap pwal niela ewe aas.

Hiop 26:10

A föri eu kukumos won ekewe koluk, pun epwe wor eu kiä lefilen saram me rochopwak.

Hiop 37:24

Iei mine aramas ra meniniti i, nge i esap nenengeni aramas mi püsin ekieki pwe ra tipachem.”

Hiop 38:8

Iö a apüngalong matau lon lenian, lupwen a puwu seni leutun fanüfan?

Kölfel 104:9

Ka föri eu kiä pwe ekewe koluk resap tongeni kusula, resap pwal chüen pwölüela fanüfan.

Kölfel 119:120

Inisi a chechech ren ai niueituk. Üa niuokus ren om kewe kapwüng.

Kölfel 33:7

A achufengeni ekewe setin lematau lon eu leni usun lon eu rume, a anomu ekewe matau mi alolol lon lenier usun lon eu imwen iseis.

Kölfel 46:3

are nonon lematau epwe püng o puropur, nge ekewe chuk repwe chechech ren püngüpüngün.

Kölfel 99:1

Ewe Samol mi Lapalap a nemenem. Chon ekewe mwü ra chechech. A mot won an lenien motun king asen ekewe kerop. Fanüfan a chechech.

Än Salomon Fos 8:29

lupwen a föri kiännin matau, pwe ekewe sät resap tolong won fanü. Üa fen nom, lupwen a föri longolongun fanüfan.

Aisea 50:2

Pwota esap wor eman a nom, lupwen üa feito? Pwota esap wor eman a päpälü, lupwen üa kökkö? Ifa usun, pei a mochomoch pwe üsap tongeni amanauakemi? Ifa usun, esap wor ai tufich pwe üpwe tongeni angasakemi? Üa apwasatä matau ren ai kapasen fön, üa pwal awili chanpupu ngeni fanüapö, pwe ikenen lon ra mäla o pwongau pokiten esap wor koluk.

Aisea 64:2

usun chök koluk mi pur lon nape, lupwen a nom won ekkei. Kopwe feitiu o alinga itom ngeni ekewe chon oputok, nge chon ekewe mwü repwe chechech fän mesom.

Aisea 66:5

Oupwe rongorong alon ewe Samol mi Lapalap, ämi mi niuokusiti o aleasochisi an kapas, “Pokiten ämi allükülük ngeniei, ekoch lein pwimi ra oputakemi o asükemiila. Ra esitakemi o apasa, ‘Ewe Samol mi Lapalap epwe fokun pwärawu an ling o amanauakemi pwe aipwe küna ämi pwapwa.’ Nge fokun ir repwe küna säw.”

Jeremaia 10:7

Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Jeremaia 2:19

Püsin om kewe föföringau repwe apwünguk, nge om kul seniei epwe atipisuk. Kopwe mefi pwe a ingau o weires ngonuk om kopwe likitieila, ngang ewe Samol mi Lapalap om we Kot. Esap wor menini me reöm. Ngang ewe Samol mi Lapalap, ewe Kot mi Unusen Manaman üa kapas.”

Jeremaia 31:35

Iei alon ewe Samol mi Lapalap, ewe mi awisa akkar pwe epwe tin lerän o allük ngeni maram me fü kana pwe repwe tin lepwin, mi amwökütükütü ewe matau, pwe nonoon ra ngüngü, itan ewe Samol mi Unusen Manaman,

Taniel 6:26

Üa apwüngala eu allük, pwe aramas meinisin mi nom fän nemeniei repwe niueiti o meniniti än Taniel we Kot. Pun i ewe Kot mi Manau a nom tori feilfeilachök, mwün esap tala, an nemenem esap pwal müchüla.

Amos 4:12

“Iei mine üpwe apwüngükemi, ämi chon Israel. Pokiten üpwe föri ei, ämi chon Israel oupwe amolakemiitä pwe oupwe churiei, ngang ämi we Kot.”

Amos 9:6

Ewe Samol mi Lapalap a aüetä imwan won ekewe läng o föri pwe läng pwölüpwölün fanüfan. A angei kolukun lematau o ninätiu won fanüfan. Itan ewe Samol mi Lapalap.

Sona 1:16

Ren ei ekewe säla ra fokun niuokusiti ewe Samol mi Lapalap, pwe ra asor ngeni o pwon pwe repwe angang ngeni.

Nahum 1:4

A apwüngü ewe matau o apwasapwasatä, a akotätä ekewe chanpupu meinisin. Ekewe tanipi lon Pasan ra aiolol, irän won ewe chuk Karmel ra oleol lechör, nge ekewe pön irän Lepanon ra aiemämä.

Mateus 10:28

Ousap niuokusiti ätekewe mi niela inis, nge resap tongeni niela ngün. Nge oupwe fokun niuokusiti Kot, ewe a tongeni niela inis me ngün lon hell.

Markus 4:39

Iwe, Jesus a ütä o kapas ngeni ewe asepwäl, “Kopwe manasösötiu!” A pwal üreni ekewe no, “Oupwe lüala.” Iwe, ewe asepwäl a söötiu, a pwal fokun lüala won matau.

Lukas 12:5

Nge üpwe aiti ngenikemi iö oupwe niuokusiti: Oupwe niuokusiti Kot, i ewe eman a wor an pwüüng pwe epwe tongeni aturalong eman lon hell mürin an niela. Ewer, üpwe ürenikemi pwe iei i ewe oupwe niuokusiti.

Tuteronomi 28:58

Iwe, are ousap tümwünüöchü le föri ekei allük meinisin mi mak lon ei puk, are ousap pwal meniniti iten ewe Samol mi Lapalap ämi we Kot, ewe it mi ling o eniweniw,

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”