Jeremaia 5:18 - Chuukese Bible

¹⁸ Iei alon ewe Samol mi Lapalap, “Nge lon ena fansoun üsap pwal unusen arosala nei aramas.

Jeremaia 5:18 Iomraidhean Croise

Jeremaia 30:11

Iwe, ngang üpwe etikemi o amanauakemi. Üpwe fokun arosala chon ekewe mwü ia üa atoropasakemi ie, nge ämi üsap fokun arosakemiila. Üsap likiti ai üpwe apwüngükemi, nge lupwen üpwe apwüngükemi, üpwe apwüngükemi fän aüküköch. Ngang ewe Samol mi Lapalap üa kapas.”

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 5:17

Repwe enala enemi mongö pwal mine oua kini, o niela nöümi mwän me fefin. Repwe ochei nöümi pwiin sip me kow, pwal uän ämi irän wain me fik. Repwe pwal ataala ämi kewe telinimw mi pöchökül tittir oua eäniir apilükülük.”

Jeremaia 5:19

Iwe, lupwen ekewe aramas repwe ais, ‘Pwota ewe Samol mi Lapalap ach we Kot a föri ngenikich ekei mettoch meinisin?’, mürin en Jeremaia kopwe üreniir, ‘Usun oua likitala Kot o angang ngeni pwal ekoch koten ekis me lon fanüemi, iei usun ämi oupwe angang ngeni chon ekis me lon eu fanü sap fanüemi.’

Isikiel 11:13

Iwe, lupwen üa osuni, a fis pwe Pelatia nöün Penaia we a mäla. Iwe, üa chapetiu lepwül o kökkö fän leüömong, “Ai Kot Samol mi Lapalap. Ifa usun, ka ekiekin arosala ekewe lusun mi chüen manau lon Israel?”

Isikiel 20:17

Nge üa fokun eäni tong ngeniir, pwe üsap afeiengaueer o aroserela meinisin me lon ewe fanüapö.

Isikiel 9:8

Nge lupwen ra nirela, ngang chök üa lusun. Iwe, üa chapetiu lepwül o kökkö, “Ai Kot, Samol mi Lapalap. Ifa usun, kopwe arosala meinisin mi chüen manau lon Israel ren om awarato om song won Jerusalem?”

Apakuk 1:12

Ai Samol mi Lapalap, en ai Kot Ewe mi Pin, en ka nom seni fansoun esepop tori fansoun esemüch. Iei mine äm aisap fokun mäla. Nge en, ai Samol mi Lapalap, en ka filätä ekewe chon Papilon pwe repwe ärikeemila, en äm Achau ka awiseer pwe repwe apwüngükem.