Jeremaia 5:13 - Chuukese Bible

¹³ Ekewe soufos ra usun chök asepwäl, esap wor rer än Kot kapas. Iei mine epwe püsin fis ngeniir usun mine ra apasa.”

Jeremaia 5:13 Iomraidhean Croise

2. Kronika 36:16

Nge ir ra chök sopwela le turunufasei nöün Kot kewe chon künö, ra oput an kapas o ämängaua nöün kewe soufos, tori ewe Samol mi Lapalap a aworato an lingeringer won nöün aramas, nge esap chüen wor eman a tongeni sü seni.

Hiop 6:26

Ifa usun, oua ekiekin apwüngü mine üa apasa? Oua ekieki pwe alon eman mi apilükülükingau a usun chök asepwäl?

Hiop 8:2

“Ifa ükükün fansoun om kopwe eäni ekei sokun kapas? Om kewe kapas ra wewe ngeni asepwäl watte.

Än Salomon Fos 25:14

Eman mwän mi pwon pwe epwe fangala och, nge esap föri, a usun chök kuchu me asepwäl, nge esap pwüng üt.

Aisea 41:29

Nengeni, ir meinisin anümwäl chök, esap wor och mine ra tongeni föri. Ekei uluulun anümwäl ra asepwäl chök.”

Jeremaia 14:13

Mürin üa üra, “Ai Kot Samol mi Lapalap, ka silei pwe ekewe soufos ra üreni ekewe aramas pwe esap wor maun, esap pwal wor lengita, pun en kopwe ngeniir kinamwe esap müchüla me lon ei fanü.”

Jeremaia 14:15

Iei mine ngang ewe Samol mi Lapalap üa apasa fänäsengesin ekewe soufos mi eäni wowo itei lon ar osuni, nge üsap akünöör, ir chokewe mi apasa pwe esap wor maun me lengita epwe tori ei fanü: Üpwe niela ekei soufos ren maun me lengita.

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 22:22

Asepwäl epwe pönala nöümi kewe chon emwen meinisin, nge peliemi kewe repwe oola. Mürin oupwe säw o itengau pokiten ämi kewe föföringau meinisin.

Jeremaia 28:3

Mürin ükükün ruu ier üpwe aliwinato lon ei leni pisekin imwen ewe Samol mi Lapalap meinisin Nepukatnesar ewe kingen Papilon a angei o uweerela Papilon.

Jeremaia 43:2

Asaria nöün Hosaia we mwän me Johanan nöün Karea we me ekewe aramas mi sikesik meinisin ra üreni Jeremaia, “En ka eäni kapas chofana. Ewe Samol mi Lapalap ach we Kot esap tinukoto, pwe kopwe apasa pwe aisap feila Isip o nonom ikenan.

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.