Jeremaia 5:11 - Chuukese Bible

¹¹ Ekewe chon Israel me chon Juta ra fokun kirikiringau ngeniei. Ngang ewe Samol mi Lapalap üa kapas.”

Jeremaia 5:11 Iomraidhean Croise

Aisea 24:16

Seni lesopun fanüfan sa rongorong ei köl, “Ewe mi Pwüng epwe ling.” Nge ngang üa apasa, “Feiengauei! Üa apwangapwangala, üa apwangapwangala. Ekewe chon afangamä ra afangamä fän ar rawangau, ra chök akafangamä.”

Aisea 48:8

Iwe, kosamwo rongorong ika weweiti ei, seni me lomlom selingom esap sukula. Pun üa fokun silei pwe kosap allükülük ngeniei, ka pwal iteni chon ü ngeniei seni leuputiuom.

Jeremaia 12:1

Ai Samol mi Lapalap, lupwen üa uwato ai osukosuk fän mesom, a pwä pwe en ka pwüng. Nge iei üa mochen pwe sipwe kakapasfengen won pwüngün kapwüng. Pwota ekewe aramasangau ra pisekisekila? Pwota chokewe meinisin resap allükülük ra fefeitä?

Jeremaia 3:20

Ellet, ämi chon Israel oua kirikiringau ngeniei, usun eman fefin a kirikiringau ngeni pwülüan o likitala. Ngang ewe Samol mi Lapalap üa kapas.”

Jeremaia 5:10

Üpwe tinala chon oputeer ren ar kewe tanipin wain pwe repwe ataela ar kewe irän wain, nge resap unusen atarela. Repwe pöküetiu palan kewe, pun resap ai.

Jeremaia 9:2

Amwo epwe wor imwei likachoch lon ewe fanüapö, pwe üpwe likitala nei aramas o feila toau seniir. Pun ir meinisin ra chon lisowu, ra eu mwichen aramas resap allükülük.

Osea 5:7

Iwe, ra kirikiringau ngeni ewe Samol mi Lapalap, a wor nöür, nge sap nöün Kot ir. Iei eman chon kata epwe afeiengaueer o ataela fanüer.

Osea 6:7

Lon ewe otun, lupwen ra tolong lon ewe fanü me lon ewe telinimw Atam, ra atai ai we pwon ngeniir.