Jeremaia 49:8 - Chuukese Bible

⁸ Ämi chon Tetan, oupwe kul o sü, oupwe op lon ekewe föimw mi alolol. Pun üpwe awarato feiengau won ekewe mwirimwirin Esau lupwen fansoun üpwe apwüngüür.

Jeremaia 49:8 Iomraidhean Croise

Aisea 2:21

Lupwen ewe Samol mi Lapalap epwe feito pwe epwe achecha fanüfan, aramas repwe sülong lon pwangen achau pwal fän säpereperen achau me mwen än ewe Samol mi Lapalap song me lingen an manaman.

Aisea 21:13

Iei än Kot kapas usun Arapia: Ämi chon Tetan mi wawa kamel le sai o möür lein pötöwölün Arapia,

Aisea 34:5

Iwe, ewe Samol mi Lapalap a amolätä nöün ketilas lon läng. Nengeni, iei epwe feitiu won Etom pwe epwe apwüngü ekewe aramas, a fen apwüngala pwe epwe afeiengaueer.

Jeremaia 25:23

ngeni ekewe telinimw Tetan, Tema me Pus, pwal ngeni chokewe meinisin mi fichi mökürer.

Jeremaia 46:21

Iwe, nöün kewe sounfiu a möniir ra usun chök nienifön kow mi öümanau. Nge pwal ir ra kul o süpöküla, resap üppos. Pun ränin ar feiengau a feitiu wor, ewe fansoun ar küna apwüng a war.

Jeremaia 48:28

Ämi chon Moap, oupwe likiti ämi kewe telinimw o nom lon pwangen ekewe achau. Oupwe usun eman lisom mi fas mesen eu föimw.

Jeremaia 48:44

Ätewe mi mochen sü seni ewe niuokus epwe turulong lon ewe pwang. Nge ätewe mi towu seni ewe pwang epwe tup lon ewe likatup. Pun ngang ewe Samol mi Lapalap üpwe awarato won Moap ewe fansoun an küna apwüng.

Jeremaia 48:6

Oupwe sü. Oupwe kütta manauemi. Oupwe sä usun eman aas mi mwacho lon fanüapö.

Jeremaia 49:30

Ngang ewe Samol mi Lapalap üa fönöökemi, ämi mi nonom lon Hasor, pwe oupwe sü. Oupwe feila toau o op lon föimw mi alolol. Pun Nepukatnesar ewe kingen Papilon a rawangauakemi o ekiekietä eu akot ngenikemi.

Jeremaia 49:32

Oupwe liapeni nöür kamel, nöür pwiin sip epwe choon wokumi. Üpwe atoropasafeili chokewe mi fichi mökürer, üpwe awarato feiengau wor seni ekis meinisin.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 6:1

Ämi chon ewe ainangen Peniamin, oupwe sü seni Jerusalem o sü ngeni anaie oupwe kinamwe me ie. Oupwe ettiki ewe rappwa me lon Tekoa, oupwe aüetä eu asisil won Pet-akerem, pun feiengau me tatakis mi watte epwe feito seni efeng.

Isikiel 25:13

Iei mine ngang Kot ewe Samol mi Lapalap üa apasa: Üpwe ü ngeni Etom o arosala aramasan me mönün lon. Üpwe pwal awili ewe fanü ngeni fanüapö. Iwe, ekewe chon Etom repwe mäla lon maun seni Teman tori Tetan.

Malakai 1:3

nge üa oput Esau. Üa ataela fanüan mi chukuchukutä o likitala fanüan seni saman ngeni ekewe manmwachon lon fanüapö.”

Malakai 1:4

Are chon Etom repwe apasa, “Äm kewe telinimw ra tatakis, nge äm aipwe aüsefäliretä,” mürin ewe Samol mi Unusen Manaman epwe apasa, “Repwe tongeni aüretä, nge ngang üpwe ataretiu, tori aramas repwe aita ngeni: Ewe fanü mi ngau, pwal eu mwichen aramas ewe Samol mi Lapalap a song ngeniir tori feilfeilachök.”

Pwärätä 6:15

Mürin ekewe kingen fanüfan, ekewe sounemenem me meilapen sounfiu, ekewe chon pisekisek me ekewe mi wor maner, pwal ekewe aramas meinisin, ekewe amanau me ekewe mi ngas ra aopeer lon ekewe föüimw pwal fän säpereperen ekewe achau won ekewe chuk.

Soukapwüng 6:2

Nge chon Mitian ra fokun nemenemengau ngeniir. Iei mine ekewe aramasen Israel ra opolong lon ekewe pwang mi nom won ekewe chuk, lon ekewe föimw, pwal lon ekewe leni mi pöchökül.

1. Samuel 13:6

Nge lupwen ekewe sounfiun Israel ra küna pwe ra oleelim, pun ra fokun nom lechach, ra op lon föimw, lon pwang, fän achau, lon ekewe nas pwal lon ekewe chönüttu.