Jeremaia 49:7 - Chuukese Bible

⁷ Iei usun mine ewe Samol mi Unusen Manaman a apasa fänäsengesin Etom, “Ifa usun, esap chüen wor tipachem me lon Teman? Ifa usun, än ekewe chon mirit öüröür a wesila? Ifa usun, esap chüen wor ar tipachem?

Jeremaia 49:7 Iomraidhean Croise

Keneses 25:30

Iwe, Esau a üreni Jakop, “Kose mochen ngeniei och seni ewe mongö mi par pwe üpwe mongö, pun üa fokun echik.” Iei popun ra aita ngeni Etom .

Keneses 27:41

Iwe, Esau a koum ngeni Jakop pokiten ewe feiöch saman we a afeiöchü ngeni. Iwe, Esau a apasa ngeni püsin i, “Ränin kechüeiti semei, lupwen epwe mäla, a arapoto. Mürin üpwap niela Jakop.”

Keneses 32:3

Iwe, Jakop a tinala ekoch chon künö pwe repwe akomwola mwan o feila ren Esau pwin we mi nom Seir lon ewe fanü Etom.

Keneses 36:11

Nge nöün Elifas kewe mwän: Teman, Omar, Sefo, Katam me Kenas.

Keneses 36:15

Iwe, ikkei ir ekewe samol me lein ekewe mwirimwirin Esau. Elifas nöün Esau we mwänichi, nge nöün kewe mwän ir samol iter Teman, Omar, Sefo, Kenas,

Keneses 36:34

Nge mürin än Jopap mäla, Husam seni fanüen chon Teman a siwili lon wisan wisen king.

Keneses 36:8

Iei popun Esau mi pwal iteni Etom a nonom lon ewe fanü mi chukuchukutä lon Etom.

1. Kronika 1:53

Kenas, Teman, Mipsar,

Hiop 2:11

Iwe, lupwen chiechien Hiop kewe ülüman ra rongorong usun ekewe feiengau meinisin mi tori Hiop, ra feito seni en me lon lenian. Ikkei iter: Elifas ewe re Teman, Piltat ewe re Shu me Sofar ewe re Nama. Ra tipeeufengen le feila ren Hiop pwe repwe aururu o achipa.

Hiop 4:1

Mürin, Elifas ewe re Teman a pälüeni Hiop,

Kölfel 137:7

Ai Samol mi Lapalap, kopwe chechemeni mine ekewe chon Etom ra föri lon ewe ränin Jerusalem a tala. Kopwe chechemeni usun ar apasa, “Ataela, ataela, aturätiu tori longolongun fan.”

Aisea 21:11

Iei än Kot kapas usun Etom: Eman a kökkö ngeniei seni Etom, “Chon mas, ifa usun, a tori wilingäch? Ifa usun, esamwo ränila?”

Aisea 29:14

Iei mine üpwe förisefäli mettoch mi amwarar o amairü lein ekei aramas. Iwe, nöür kewe soutipachem repwe umwesila, nge ekiekin nöür kewe souekiek epwe lomotongau.”

Jeremaia 12:14

Iwe, ewe Samol mi Lapalap a apasa, “Mi wor mine üa mochen apasa fän äsengesin chon arun Israel mi atai ewe fanü üa ngeni nei aramasen Israel pwe fanüer. Ngang üpwe ütti ekei aramasangau seni fanüer, usun eman a üttätä efoch irä. Nge üpwe amanaua chon Juta seni lepöür.

Jeremaia 18:18

Mürin, ekewe aramas ra apasa, “Ousipwe rawangauei Jeremaia. Pun a chüen wor ekewe souasor mi aiti ngenikich ekewe allük, ika ekewe soutipachem mi öüröürakich, ika ekewe soufos mi afalafalakich. Ousipwe atipisi, nge sisap afäli mine a apasa.”

Jeremaia 25:21

Üa aünü ngeni chon Etom, Moap me Amon,

Jeremaia 25:23

ngeni ekewe telinimw Tetan, Tema me Pus, pwal ngeni chokewe meinisin mi fichi mökürer.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 49:20

Iei mine oupwe rongorong usun mine ngang ewe Samol mi Lapalap üa akota ngeni chon Etom, pwal mine üa ekiekietä ngeni ekewe chon Teman: Ellet repwe nukiela pwal ekewe semirit, nge aramas meinisin repwe rükö ren.

Jeremaia 8:9

Ekewe aramas mi tipachem repwe säw, repwe rükö o oo. Are ra pöütala ai kewe kapas, met sokun tipachem ra eäni?

Kölün kechü 4:21

Oupwe enen le meseik o pwapwa, ämi chon Etom mi nom lon ewe fanü Us, pun epwe pwal torikemi ewe kapen feiengau. Oupwe puch ren o püsin aselelakemi.

Isikiel 32:29

Etom a pwal nom fiti an kewe king me samol. Ikamwo ir sounfiu mi pwora, nge ra chök peiasfengen me chokewe mi mäla lon maun. Ra kon ren chokewe resap sirkomsais, ra fen feitiu lon lenien sotup.

Taniel 11:41

Iwe, epwe pwal tolong lon ewe fanüen pwon o niela chomong ngeröün aramas. Nge chon Etom me Moap, pwal chokewe mi chüen manau lein chon Amon repwe sü seni ewe feiengau.

Sowel 3:19

Iwe, Isip epwe tala, nge Etom epwe wiliti eu fanüapö pokiten ar föförün mwänewüs ngeni chon Juta, pun ra niela aramas esap wor ar tipis me lon ewe fanü.

Apakuk 3:3

Kot a feito seni Etom, Ewe mi Unusen Pin a feito seni ewe chukun Paran. An ling a pwölüela ekewe läng, nge fanüfan a ur ren än aramas mwareiti.

Tuteronomi 23:7

Ousap oput ekewe chon Etom, pun ir aramasemi. Ousap pwal oput ekewe chon Isip, pun oua piin wasöla lon fanüer.