Jeremaia 49:5 - Chuukese Bible

⁵ Nengeni, üpwe awarato niuokus watte womi seni ekis meinisin. Repwe asükemiila ämi meinisin, nge esap wor eman epwe achufengeni ekewe choisä. Ngang Kot ewe Samol mi Unusen Manaman üa kapas.

Jeremaia 49:5 Iomraidhean Croise

2. King 19:7

Üpwe föri pwe ewe king epwe rongorong och pworaus o liwiniti poputän fanüan. Iwe, üpwe afeiengaua ren ketilas, pwe epwe mäla lon püsin fanüan.’”

Hiop 15:21

A rongorong sokopaten ngingi mi fokun aniuokus, nge lon fansoun kinamwe ewe chon kata epwe feitiu won.

Än Salomon Fos 28:1

Ekewe aramasangau ra sü, lupwen esap wor eman a tapweriir, nge ekewe chon pwüng ra pwora usun eman laion.

Aisea 16:3

Ra üra, “Kopwe aiti ngenikem mine aipwe föri. Leoloken kopwe föri pwe ngünüom epwe usun chök kirochen pwin, epwe achunoikem chon süsüfeil, kosap afangamäkem.

Jeremaia 15:8

Üpwe föri pwe ekewe fefin mi mä pwülüer repwe chomong seni ekewe föün pien aroset. Üpwe awarato eman chon kata leoloas, pwe epwe afeiengaua inen ekewe alüal. Üpwe müttir apüngätiu wor riaföü me niuokus watte.

Jeremaia 16:16

Iei alon ewe Samol mi Lapalap, “Üpwe tinala chomong chon attau, repwe attaua ekei aramas. Mürin, üpwe tinala chomong chon tapweri man, repwe tapweriir won iteiten chukutekia me chukutekison, pwal me lon pwangen ekewe achau.

Jeremaia 20:4

Pun iei alon ewe Samol mi Lapalap: Üpwe föri pwe kopwe eu niuokus watte ngeni püsin en, pwal ngeni chiechiom meinisin. Ir repwe mäla ren nöün chon oputer ketilas, nge en kopwe nenengeniir. Üpwe asechalong chon Juta meinisin fän nemenien ewe kingen Papilon. I epwe emwenala ekoch Papilon, nge ekoch epwe nirela.

Jeremaia 46:5

Nge met üa küna? Ra rükö o kulsefäl. Ekewe sounfiu ra kuf o müttir le sü. Resap nenesökür, niuokus watte a nom ünükür meinisin.” Iei alon ewe Samol mi Lapalap.

Jeremaia 49:29

Imwer imw mangaku me nöür pwiin sip repwe oola, pwal ar chechen lon imw me pisekir meinisin. Aramas repwe angei seniir nöür kamel o kökkö ngeniir, ‘Niuokus watte a nom pwelin ünükümi.’

Jeremaia 6:25

Sisap tongeni feiliwu lon ekewe mälämäl ika fetal won ekewe al, pun ewe mi oputakich a wor nöün ketilas, nge eniweniw a pweli ünüküch.”

Kölün kechü 4:15

Aramas ra kökkö ngeniir, “Oupwe süla, ämi mi limengau! Oupwe süla, oupwe süla! Ousap atapakem.” Iei mine ra wiliti choisä me chon süsüfeil, nge chon ekewe mwü ra apasa lefiler, “Resap chüen tongeni nom rech.”

Amos 4:3

Repwe atokemiiwu me lon pwangen tittin ewe telinimw eman me eman seni awenewenen en me lenian o aturukemiiwu ngeni ewe chuk Hermon.” Iei usun mine ewe Samol mi Lapalap a apasa.

Josua 2:9

o üreniir, “Üa silei pwe ewe Samol mi Lapalap a ngenikemi ei fanü. Iwe, äm aia niuokusitikemi, nge chon ewe fanü meinisin ra rükö pokitemi.