Jeremaia 49:3 - Chuukese Bible

³ Oupwe puchör, ämi chon Hespon, pun Ai a tala. Oupwe ngüngüres, ämi föpwülün Rapa. Oupwe üföüf üf seni tuk o kechü. Oupwe säfeil me lon tittin ewe telinimw. Pun ämi we kot Milkom epwe oola fiti nöün kewe souasor me nöüwis.

Jeremaia 49:3 Iomraidhean Croise

2. Samuel 11:1

Iwe, eu ier mürin, lepoputän fansoun leräs, lupwen ekewe king ra feila maun, Tafit a tinala Joap fiti nöün kewe meilap me ekewe sounfiun Israel meinisin. Ra akufu ekewe chon Amon o pwelifeili Rapa fän pisekin maun. Nge Tafit a chök nonom lon Jerusalem.

1. King 11:33

Pun Salomon a likitieila o fel ngeni Astarot nöün chon Siton anüfefin me Kemos ewe koten Moap, pwal Molok ewe koten Amon. Salomon esap aleasochisiei, esap pwal föri mine a pwüng me fän mesei o apwönüetä ai kewe pwüüng me allük usun Tafit saman we a föri.

1. King 11:5

Pun Salomon a fel ngeni Astarot än chon Siton we anüfefin, pwal ngeni Molok än chon Amon we kot mi fokun anioput.

2. King 23:13

Iwe, ewe king Josia a atai pinin ekewe lenien fel won ekewe leni tekia mi nom peliötiuen Jerusalem me peliörün ewe Chukun Olif. Ekei lenien fel Salomon ewe kingen Israel a aüetä fän iten Astarot än chon Siton we anüfefin mi anioput, fän iten Kemos än chon Moap we kot mi anioput, pwal fän iten Molok än chon Amon we kot mi anioput.

Esra 2:28

Seni Petel me Ai ükükün ruupükü rüe me ülüman.

Aisea 13:6

Oupwe pupuchör, pun a arap ränin ewe Samol mi Lapalap, ewe rän mi awarato feiengau me ren ewe Kot mi Unusen Manaman.

Aisea 14:31

Ämi chon Filistia meinisin, oupwe kechü lon asamalapen tittin ämi telinimw, oupwe pupuchör lon telinimwemi fän niuokus. Pun eu mwichen sounfiu a feito seni efeng, nge esap wor eman me leir epwe nisin.”

Aisea 15:2

Ekewe aramasen Tipon ra feitä won ekewe lenien fel mi nom won ekewe chuk pwe repwe kechü. Chon Moap ra ngüngüres fän iten ar kewe telinimw Nepo me Metepa. Ra räisöüla mökürer me aluser pokiten ar letipeta.

Aisea 16:7

Iei mine chon Moap repwe kechü, nge aramas meinisin repwe kechüeiti Moap. Iwe, repwe lameni ekewe mongö mi anö seni Kir Heres.

Aisea 23:1

Iei än Kot kapas usun Tirus: Oupwe kekechü, ämi säla won ekewe sein amömö, pun Tirus a tala. Iwe, esap chüen wor imw won, esap pwal chüen wor lenien ilen sip. Ei pworaus a torikemi, lupwen oua sai seni ewe fanü Saipiros.

Aisea 23:6

Oupwe saila Tarsis, oupwe kekechü ämi mi nonom aroset.

Jeremaia 4:8

Pokiten ei oupwe üföüf üf seni tuk, oupwe kechü o ngüngüres. Pun än ewe Samol mi Lapalap song mi fokun watte esap säp senikemi.”

Jeremaia 46:25

Iwe, ewe Samol mi Unusen Manaman, ewe Koten Israel a üra, “Üpwe awarato apwüng won Amon ewe koten Tepes, won Isip me an kewe kot me nöün kewe king, pwal won Farao me chokewe meinisin mi anomu ar apilükülük won.

Jeremaia 48:2

Esap chüen wor iteüöchün Moap. Lon Hespon ra rawei usun ar repwe ataela Moap o apasa, ‘Ou etto, ousipwe ärala Moap, pwe esap chüen eu mwü.’ Pwal en ewe telinimw Matmen, kopwe fanafanala, pun sounfiu repwe maun ngonuk.

Jeremaia 48:20

Repwe pälüeni, ‘Moap a itengau, pun a tatakis. Oupwe kechü o püchör. Oupwe asilefeili aroppen ewe chanpupu Arnon pwe Moap a tala.’

Jeremaia 48:37

Iwe, ir meinisin ra räisöüla mökürer o fichiela alüser. Ra akinasa pöür o pwölü ngeni wänükür üf seni tuk.

Jeremaia 48:7

Pokiten oua anomu ämi apilükülük won ämi imwen maun mi pöchökül me won wöümi, ämi oupwe pwal kuf. Iwe, Kemos epwe oola fiti nöün kewe souasor me nöüwis.

Jeremaia 49:1

Iei usun mine ewe Samol mi Lapalap a apasa fänäsengesin ekewe chon Amon, “Ifa usun, esap wor nöün Israel mwän? Ifa usun, esap wor eman älemwirin? Pwota chök ekewe aramas mi fel ngeni Milkom ra angei fanüen chon ewe ainangen Kat o imweimw lon ar kewe telinimw?

Jeremaia 51:8

Lon eu chök otun Papilon a turutiu o tala. Oupwe kechüeiti, oupwe küt säfeen an metek, eli epwe tongeni pöchökülsefäl.

Jeremaia 6:26

Ewe Samol mi Lapalap a üreni nöün aramas, “Oupwe üföüf üf seni tuk o asokopelakemi lon falangen ekkei. Oupwe ngüngüres usun eman a ngüngüres won nöün aleman, oupwe fokun kechüangau, pun ewe chon kata epwe müttir wareitikemi.

Amos 1:15

Ar we king me nöün kewe nöüwis repwe oola.” Iei usun mine ewe Samol mi Lapalap a apasa.

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

James 5:1

Iwe, iei oupwe aüselinga, ämi aramas mi pisekisek! Oupwe kechü o ngüngüres usun ekewe riaföü repwe torikemi.

Josua 7:2

Iwe, Josua a tinala ekoch mwän seni Jeriko ngeni Ai mi arap ngeni Pet-awen ötiuen Petel. Iwe, a üreniir, “Oupwe feila o operi ewe fanü.” Nge wesin än ekewe mwän operi ewe fanü,

Josua 8:1

Iwe, ewe Samol mi Lapalap a üreni Josua, “Kosap niuokus ika rükö. Kopwe feila o maun ngeni Ai, nge ekewe sounfiu meinisin repwe etuk. Nengeni, üa atolonga fän nemeniom ewe kingen Ai me nöün aramas, an telinimw me fanüan.

Josua 8:28

Iwe, Josua a kenala Ai o awili ngeni eu ioien mettoch mi tatakis, usun a nom tori ikenai.