Jeremaia 49:2 - Chuukese Bible

² Nge epwe war ewe fansoun üpwe föri pwe ekewe chon Amon mi nom lon ewe telinimw Rapa repwe rongorong akürangen maun. Ewe telinimw epwe wiliti eu ioien mettoch mi tala, nge wisoposopun kewe repwe karala. Mürin chon Israel repwe angeesefäli fanüer seni chokewe mi angei seniir me mwan. Ngang ewe Samol mi Lapalap üa kapas.

Jeremaia 49:2 Iomraidhean Croise

2. Samuel 11:1

Iwe, eu ier mürin, lepoputän fansoun leräs, lupwen ekewe king ra feila maun, Tafit a tinala Joap fiti nöün kewe meilap me ekewe sounfiun Israel meinisin. Ra akufu ekewe chon Amon o pwelifeili Rapa fän pisekin maun. Nge Tafit a chök nonom lon Jerusalem.

Kölfel 48:11

Ekewe aramasen Sion repwe pwapwa. Ekewe telinimwen Juta repwe mweireir pokiten ka eäni kapwüng fän pwüng.

Kölfel 97:8

Sion a rongorong ei o pwapwa. Ekewe telinimwen Juta ra meseik pokiten om kewe apwüng, ai Kot.

Aisea 11:14

Repwe chufengen le maun ngeni chon Filistia mi nom lotou, o angei fän pöchökül pisekin ekewe aramas mi nom ötiu. Repwe liapeni ekewe chon Etom me chon Moap, nge chon Amon repwe aleasochis ngeniir.

Aisea 17:1

Iei än Kot kapas usun Tamaskus: Tamaskus esap chüen eu telinimw, nge epwe wiliti eu ioien mettoch mi tala.

Jeremaia 4:19

Üa fokun riaföü, üa fokun riaföü. Üa wilikilikiei fän ai cheuch. Riaföün letipei! Lelukei a fokun mwökütüküt. Üsap tongeni fanafanala. Üa rongorong tikin ewe rappwa mi tik fän iten maun.

Jeremaia 49:1

Iei usun mine ewe Samol mi Lapalap a apasa fänäsengesin ekewe chon Amon, “Ifa usun, esap wor nöün Israel mwän? Ifa usun, esap wor eman älemwirin? Pwota chök ekewe aramas mi fel ngeni Milkom ra angei fanüen chon ewe ainangen Kat o imweimw lon ar kewe telinimw?

Isikiel 21:20

Iwe, kopwe liosu efoch ekewe al pwe ewe ketilas epwe tongeni tori Rapa ewe telinimwen chon Amon. Kopwe pwal liosu efoch, pwe epwe tongeni tori Jerusalem lon ewe fanü Juta, ewe telinimw mi pöchökül tittin.

Isikiel 21:25

Nge en samolun Israel mi fokun föföringau, epwe war ränum, ewe ränin om kopwe küna apwüngün lesopolan.

Amos 1:14

Iei mine üpwe aküw eu ekkei pwe epwe kenala tittin ewe telinimw Rapa me an kewe imwen maun mi pöchökül. Epwe wor arükak lon ewe ränin maun, nge ewe maun epwe usun chök eu mölümöl.

Opataia 1:19

Iwe, ekewe aramas seni ewe fanü Nekep mi nom ör repwe fanüeni ewe fanü Etom, nge chokewe seni ewe fanü Sefela mi nom lotou repwe fanüeni fanüen chon Filistia. Chon Israel repwe fanüeni ewe fanü Efraim me Samaria, nge aramasen Peniamin repwe fanüeni Kiliat.

Numperis 10:9

Iwe, lupwen oupwe feila maun ngeni chon oputakemi mi ariaföüükemi me lon fanüemi, oupwe ettiki ewe tikin asilesilen maun ren ekewe rappwa. Mürin, ngang ewe Samol mi Lapalap ämi we Kot üpwe alisikemi o amanauakemi seni chon oputakemi.

Numperis 21:25

Iwe, ekewe chon Israel ra liapeni ekewe telinimwen chon Amor meinisin o imweimw lor. Ra pwal imweimw lon Hespon me wisoposopun meinisin.

Tuteronomi 13:16

Iwe, oupwe ionifengeni me lukalapen ewe telinimw pisekin lon meinisin o kenala ewe telinimw fiti pisekin meinisin, pwe eu asoren kek mi unus ngeni ewe Samol mi Lapalap ämi we Kot. Ewe telinimw epwe chök eu ioien pipi, nge esap fokun kaüsefälitä.

Tuteronomi 3:11

(Iwe, Ok ewe kingen Pasan amüchülan me lein ekewe chon Refa mi chüen manau. An peet a för seni mächä ükükün langataman engol me ülüngat fiit, nge chölapan ükükün wonu fiit, a kaük won än aramas aükük. Ewe peet a chüen nom lon Rapa ewe telinimwen chon Amon.)

Josua 17:11

Iwe, a pwal wor än Manasa telinimw lon fanüen Isakar me Aser iter: Pet-sean me Ipleam fiti wisoposopur, pwal ekewe telinimw Tor me Entor, Taanak me Mekito fiti chor me wisoposopur, pwal eu leülüngatin ewe fanü Nafat.

Josua 17:16

Nge chon ewe ainangen Josef ra apasa, “Ewe fanü mi chukuchukutä esap naf ngenikem. Nge ekewe chon Kanaan meinisin mi nom lon ewe maasies a wor war woken seni mächä, chokewe mi nom Pet-sean pwal lon wisoposopun me chokewe mi nom lon ewe lemolun Jesreel.”