Jeremaia 49:11 - Chuukese Bible

¹¹ Oupwe likiti ngeniei nöümi semirit mi mäsen pwe üpwe tümwünüür. Nöümi kewe fefin mi mä pwülüer repwe apilükülüküei.

Jeremaia 49:11 Iomraidhean Croise

Kölfel 146:9

Ewe Samol mi Lapalap a tümwünü ekewe chon ekis, a alisi ekewe fefin mi mä pwülüer me ekewe mi mäsen, nge a atai mine ekewe aramasangau ra akota.

Kölfel 68:5

Kot ewe mi nom lon imwan mi pin, i semen ekewe mi mäsen me chon tümwünün ekewe fefin mi mä pwülüer.

Kölfel 82:3

Oupwe eäni kapwüng fän pwüng ngeni ekewe mi mwelele me ekewe mi mäsen. Oupwe eäni pwüng ngeni ekewe mi riaföü me wöüngau.

Osea 14:3

Asiria esap tongeni amanauakem, ekewe orisin maun resap tongeni alisikem. Aisap chüen apasa ngeni äm kewe uluulun anümwäl pwe ir äm Kot. Ekewe mi mäsen ra küna ümöümöch me reöm.”

Sona 4:11

Nge ifa usun, ngang üsap achika Ninifa ewe telinimw mi lapalap, ia a wor ie lap seni ipükü rüengeröü aramas resamwo silei lefilen öch me ngau, a pwal wor chomong man lon?”

Sekaraia 7:10

Ousap ariaföüü ekewe fefin mi mä pwülüer, ekewe mi mäsen, ekewe chon ekis ika ekewe chon wöüngau. Esap wor eman epwe ekiekietä lon letipan och mi ngau ngeni pwin.’

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Tuteronomi 10:18

A eäni pwüng ngeni ekewe mi mäsen me fefin mi mä pwülüer, a pwal tongei ekewe chon ekis, a amongöniir o öüföüfeer.

1. Timoty 5:5

Eman fefin mi mä pwülüan o akaleman, esap wor eman a tümwünü, a anomu an apilükülük won Kot, a sopwela le iotek lerän me lepwin o tüngor ngeni Kot pwe epwe alisi.

James 1:27

Än eman souläng limöch me pwüng mwen mesen Samach Kot a fis are epwe iei usun: epwe tümwünü ekewe mi mäsen me ekewe fefin mi mä pwülüer lon ar riaföü, epwe pwal püsin tümwünü i, pwe esap limengau ren ngauen ei fanüfan.