Jeremaia 49:10 - Chuukese Bible

¹⁰ Nge ngang üa angei meinisin seni ekewe mwirimwirin Esau. Üa pwärala ar lenien op, pwe resap chüen tongeni op. Nöür kewe semirit ra mäla, pwal pwiir me chon arur. Esap chüen wor eman lusun.

Jeremaia 49:10 Iomraidhean Croise

Kölfel 37:28

Pun ewe Samol mi Lapalap a efich mine a pwüng, esap likitala nöün kewe mi allükülük. Ewe Samol mi Lapalap a tümwünü ekewe chon pwüng tori feilfeilachök, nge mwirimwirin ekewe aramasangau repwe kärila.

Aisea 17:14

Lekuniol ra afisätä niuokus watte, nge mwen epwe ränila resap chüen nom. Iei usun epwe fis ngeni chokewe ra angei pisekich fän pöchökül o soläni mine ach.

Aisea 45:3

Üpwe fang ngonuk wöü mi iseis lon rochopwak, pwal pisek mi aüchea mi nom lon leni mi monomon, pwe kopwe silei pwe ngang ewe Samol mi Lapalap ewe Koten Israel, ewe a köri ngonuk itom.

Jeremaia 13:26

Püsin i epwe särifätä ufom pwe asäwum epwe pwäpwäla.

Jeremaia 23:24

Ifa usun, eman aramas a tongeni op lon leni mi monomon, pwe üsap tongeni küna? Ifa usun, üsap aura läng me fanüfan?

Kölün kechü 4:22

Ämi chon Sion, liwinin ämi tipis a wesila. Ewe Samol mi Lapalap esap chüen mochen oupwe nonomotam lon ämi oola. Nge ämi chon Etom, ewe Samol mi Lapalap epwe apwüngükemi pokiten ämi föföringau o särifala ämi tipis.

Amos 9:3

Inamwo are ra püsin op won ungen ewe chuk Karmel, üpwe kütteer ikenan o turufiir. Inamwo are ra opola seniei fänilolun matau, üpwe allük ngeni eman mönün leset mi fokun watte pwe epwe küür me ikenan.

Opataia 1:6

Ra silini än mwirimwirin Esau lenien iseis o soläni ar pisek mi aüchea.

Opataia 1:9

Iwe, ekewe sounfiu mi pwora seni Teman repwe rükö, nge aramas meinisin lon Etom repwe kärila.

Nöün Paulus Toropwe ngeni ekewe Souläng lon Rom 9:13

Pun iei usun a mak lon ewe Toropwe mi Pin, “Üa echeni Jakop, nge üa oput Esau.”