Jeremaia 49:1 - Chuukese Bible

¹ Iei usun mine ewe Samol mi Lapalap a apasa fänäsengesin ekewe chon Amon, “Ifa usun, esap wor nöün Israel mwän? Ifa usun, esap wor eman älemwirin? Pwota chök ekewe aramas mi fel ngeni Milkom ra angei fanüen chon ewe ainangen Kat o imweimw lon ar kewe telinimw?

Jeremaia 49:1 Iomraidhean Croise

Keneses 19:38

Nge ewe setipütür a pwal nöüni eman ät o aita ngeni Pen Ami. Iwe, tori ikenai i semelapen ekewe chon Amon.

2. King 10:33

Ewe fanü peliötiuen ewe chanpupu Jortan, unusen ewe fanü Kiliat, iei kinikinin chon ekewe ainangen Kat, Rupen me Manasa, seni Aroer mi nom lon ewe lemolun ewe chanpupu Arnon, tori Kiliat me Pasan.

2. King 24:2

Iwe, ewe Samol mi Lapalap a tinala mwichen sounfiu seni Papilon, Siria, Moap me Amon, pwe repwe maun ngeni Jehoiakim o ataela ewe fanü Juta, usun nöün kewe chon angang ekewe soufos ra fen apasa fän alon.

2. Kronika 20:1

Ekoch fansoun mürin, ekewe mwichen sounfiu seni Moap me Amon, pwal ekoch chon Meun ra tolong lon Juta, pwe repwe maun ngeni Jehosafat.

2. Kronika 20:23

Iwe, ekewe re Amon me Moap ra maun ngeni ekewe re Etom o wesewesen aroserela. Nge lupwen ra wes le aroserela, ra püsin sapefengen o nifengeniir.

Nehemia 2:19

Nge lupwen Sanpalat ewe re Horon me Topia ewe nöüwisen Amon pwal Kesem ewe re Arapia ra rong usun, ra esitakem o turunufaseekem. Iwe, ra üra, “Met popun oua föri ei? Ifa usun, oua mochen ü ngeni ewe king?”

Nehemia 4:7

Nge lupwen Sanpalat me Topia, pwal ekewe chon Arapia, ekewe chon Amon me ekewe chon Astot ra rongorong pwe angangen senisefälietä ewe tittin Jerusalem a soposopola, nge ekewe pwang ra arapakan pinela, ra fokun song.

Kölfel 83:7

ekewe chon Kepal, chon Amon me chon Amalek, ekewe chon Filistia me chokewe mi imweimw lon ewe telinimw Tirus,

Kölfel 9:6

Ekewe chon oputem ra feiengau o rosola. Ka ataela ar kewe telinimw pwe esap wor eman epwe chüen chechemeniir.

Jeremaia 12:14

Iwe, ewe Samol mi Lapalap a apasa, “Mi wor mine üa mochen apasa fän äsengesin chon arun Israel mi atai ewe fanü üa ngeni nei aramasen Israel pwe fanüer. Ngang üpwe ütti ekei aramasangau seni fanüer, usun eman a üttätä efoch irä. Nge üpwe amanaua chon Juta seni lepöür.

Jeremaia 25:21

Üa aünü ngeni chon Etom, Moap me Amon,

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 27:3

Mürin kopwe tinala pworaus ngeni ewe kingen Etom, ewe kingen Moap, ewe kingen Amon, ewe kingen Tirus me ewe kingen Siton ren nöür kewe chon künö mi feito Jerusalem ren Setekia ewe kingen Juta.

Jeremaia 48:1

Iei usun mine ewe Samol mi unusen Manaman, ewe Koten Israel a apasa fänäsengesin Moap, “Feiengauen ekewe aramasen Nepo, pun ar telinimw a tala. Kiriataim a itengau o oola. Ewe imwen maun mi pöchökül a itengau o tatiu.

Jeremaia 49:23

Iei usun mine ewe Samol mi Lapalap a apasa fänäsengesin Tamaskus. Chon ekewe telinimw Hamat me Arpat ra rükö, pun ra rongorong pworausen afeiengau. Ra niuokus o mwökütüküt lon leluker ren ar osukosuk usun matau esap tongeni lüala.

Jeremaia 49:28

Iei usun mine ewe Samol mi Lapalap a apasa fänäsengesin Ketar me ekewe mwü Hasor a nemeniir, ir ekewe mwü Nepukatnesar ewe kingen Papilon a liapeni, “Oupwe ütä o maun ngeni Ketar. Oupwe arosala ekewe aramas mi nom ötiu.

Jeremaia 49:7

Iei usun mine ewe Samol mi Unusen Manaman a apasa fänäsengesin Etom, “Ifa usun, esap chüen wor tipachem me lon Teman? Ifa usun, än ekewe chon mirit öüröür a wesila? Ifa usun, esap chüen wor ar tipachem?

Isikiel 21:25

Nge en samolun Israel mi fokun föföringau, epwe war ränum, ewe ränin om kopwe küna apwüngün lesopolan.

Isikiel 25:1

Iwe, ewe Samol mi Lapalap a kapas ngeniei,

Sefanaia 1:5

Üpwe ärala chokewe mi fel ngeni akkar me maram me ekewe fü me won ekewe imw. Üpwe pwal ärala chokewe mi fel ngeniei o eäni itei lon ar pwon fän akapel, nge ra pwal eäni iten ewe kot Milkom lon ar pwon fän akapel.

Numperis 1:24

Seni mwirimwirin Kat ekewe mwän meinisin seni ier rüe feitä mi tongeni fiti maun, ra aleaniir o makei iter lon en me an famili me än semer cho.

Tuteronomi 2:19

Nge lupwen kopwe arap ngeni kiännin fanüen chon Amon, kosap öpünüpün ngeniir ika maun ngeniir, pun üsap ngonuk och seni fanüer pwe kopwe fanüeni. Pun üa ngeni ekewe chon Amon ir ekewe mwirimwirin Lot ewe fanü pwe fanüer.’”

Tuteronomi 23:3

Iwe, esap fokun wor eman chon Amon ika chon Moap, esap pwal wor eman mwirimwirin epwe choni nöün ewe Samol mi Lapalap we mwichen aramas, inamwo are a tori aengolun pilon.

Tuteronomi 23:4

Pun resap sounikemi fän pilawa me koluk won ewe al, lupwen oua towu seni Isip. Nge ra fen möni Palam nöün Peor we mwän seni Petor lon Mesopotamia, pwe epwe anümamauakemi.