Jeremaia 48:8 - Chuukese Bible

⁸ Ewe chon kata epwe feito won iteiten telinimw, nge esap wor eu epwe tiwewu. Ewe lemol epwe tatakis, nge ewe maasies epwe tala usun ngang ewe Samol mi Lapalap üa fen kapas.

Jeremaia 48:8 Iomraidhean Croise

Jeremaia 15:8

Üpwe föri pwe ekewe fefin mi mä pwülüer repwe chomong seni ekewe föün pien aroset. Üpwe awarato eman chon kata leoloas, pwe epwe afeiengaua inen ekewe alüal. Üpwe müttir apüngätiu wor riaföü me niuokus watte.

Jeremaia 25:9

üpwe titila ren chon ekewe mwü meinisin mi nom efeng, pwal ren nei chon angang Nepukatnesar ewe kingen Papilon. Üpwe emwenireto pwe repwe maun ngeni ei fanü Juta me aramasan, pwal ngeni chon ekewe mwü meinisin mi nom pwelin ünükün. Üpwe fokun aroserela o föri pwe repwe och minen eniweniw, och minen turunufas me itengau tori feilfeilachök. Ngang ewe Samol mi Lapalap üa kapas.

Jeremaia 48:18

Ämi chon Tipon, oupwe sapwilitiu seni leniemi mi iteföüla o mot won pwül mi sangang. Pun ewe chon atai Moap a feito o ataela ämi kewe imwen maun mi pöchökül.

Jeremaia 51:56

Iwe, ewe chon kata a feito won Papilon. Nöün Papilon sounfiu ra oola, nge nöür kewe esefich ra kupukupukisitiu. Pun ngang ewe Samol mi Lapalap eman Kot mi ngeni aramas chappen ar föför, üpwe fokun aunusa ngeniir liwinin ar föför.

Jeremaia 6:26

Ewe Samol mi Lapalap a üreni nöün aramas, “Oupwe üföüf üf seni tuk o asokopelakemi lon falangen ekkei. Oupwe ngüngüres usun eman a ngüngüres won nöün aleman, oupwe fokun kechüangau, pun ewe chon kata epwe müttir wareitikemi.

Isikiel 25:9

Iei mine üpwe asöönü ewe fanü Moap, pwe epwe tala an kewe telinimw mi nom lekiännin meinisin mi epeti sounfiu ar repwe tolong, pwal ekewe telinimw mi ling lon iter Petesimot, Paalmeon me Kiriataim.

Josua 13:17

me Hespon fiti wisoposopun kewe meinisin mi nom lon ewe fanü mi sonosonöch, pwal ekewe telinimw Tipon, Pamot-paal me Pet-paalmeon,

Josua 13:21

Ikkei ekewe telinimw meinisin mi nom won ewe fanü mi sosonöch me unusen ewe mwün Sihon ewe kingen chon Amor mi nemenem lon Hespon. Sihon ätewe Moses a akufu fiti ekewe souemwenin Mitian iter Ewi, Rekem, Sur, Hur me Repa. Ir ekewe samolukis nöün Sihon mi nom lon ewe fanü.

Josua 13:9

Fanüer a poputä seni Aroer mi nom lepökütiwen ewe lemolun Arnon pwal ewe telinimw mi nom lukalapen ewe lemol me unusen ewe fanü mi sosonöch seni Metepa tori Tipon,