Jeremaia 48:7 - Chuukese Bible

⁷ Pokiten oua anomu ämi apilükülük won ämi imwen maun mi pöchökül me won wöümi, ämi oupwe pwal kuf. Iwe, Kemos epwe oola fiti nöün kewe souasor me nöüwis.

Jeremaia 48:7 Iomraidhean Croise

2. Samuel 5:21

Iwe, lupwen ekewe chon Filistia ra sü, ra likitala nöür kewe uluulun anümwäl ikenan, nge Tafit me nöün kewe mwän ra uweerela.

1. King 11:33

Pun Salomon a likitieila o fel ngeni Astarot nöün chon Siton anüfefin me Kemos ewe koten Moap, pwal Molok ewe koten Amon. Salomon esap aleasochisiei, esap pwal föri mine a pwüng me fän mesei o apwönüetä ai kewe pwüüng me allük usun Tafit saman we a föri.

1. King 11:7

Salomon a aüetä me won ewe chuk ötiuen Jerusalem eu lenien fel ngeni Kemos än chon Moap kot mi fokun anioput, pwal ngeni Molok än chon Amon kot mi fokun anioput.

Kölfel 40:4

A feiöch eman aramas a anomu an apilükülük won ewe Samol mi Lapalap, ätewe esap kul ngeni chon lamalamtekia, ika eti chokewe mi fel ngeni ekewe uluulun anümwäl.

Kölfel 52:7

“Nengeni, iei i ewe mwän esap mochen eäni Kot apilükülük, nge a apilükülükü wöün mi somwola o pöchökülela lon an föföringau.”

Jeremaia 13:25

Iei usun mine epwe fis ngonuk, iei wisom a aükü ngonuk, pun ka manlükala Kot o lükü ekewe anümwäl. Iei alon ewe Samol mi Lapalap.

Jeremaia 43:12

Iwe, epwe keni än ekewe koten Isip kewe imwenfel o uweela ar kewe uluulun anümwäl. Epwe limeti ewe fanü Isip usun eman chon masen sip a ettala mösün üfan. Iwe, epwe feila seni Isip fän wesöchün an angang.

Jeremaia 48:13

Mürin Moap epwe lichipüng ren Kemos, usun ekewe chon Israel ra lichipüng, lupwen ra anomu ar apilükülük won Petel.

Jeremaia 48:46

Feiengauom, en Moap. Ekewe aramas mi fel ngeni Kemos ra rosola, nge nöür kewe mwän me fefin ra oola.

Jeremaia 49:3

Oupwe puchör, ämi chon Hespon, pun Ai a tala. Oupwe ngüngüres, ämi föpwülün Rapa. Oupwe üföüf üf seni tuk o kechü. Oupwe säfeil me lon tittin ewe telinimw. Pun ämi we kot Milkom epwe oola fiti nöün kewe souasor me nöüwis.

Jeremaia 49:4

Pwota oua aingaing won ämi kewe lemol, ämi aramas ousap allükülük? Oua anomu ämi apilükülük won wöümi o apasa, ‘Iö epwe tongeni maun ngenikich?’

Jeremaia 9:23

Iei alon ewe Samol mi Lapalap, “Eman aramas mi tipachem esap aingaing fän an silelap, eman mi pöchökül esap aingaing fän an pöchökül, nge eman mi pisekisek esap aingaing lon an wöü.

Osea 10:13

Nge ämi oua fotuki föföringau o kini föföringau. Oua mongö uän ämi chofana. Pokiten oua eäni apilükülük wämi woken me chomongun nöümi sounfiu,

Numperis 21:29

Feiengauemi chon Moap! A iei sopolomi, ämi aramas mi fel ngeni Kemos. Ämi kot a föri pwe nöümi kewe mwän ra choisä, nge nöümi kewe fefin ra oola ren Sihon ewe kingen chon Amor.

1. Timoty 6:17

Kopwe allük ngeni ekewe mi pisekisek lon mettochun ei fanüfan pwe resap lamalamtekia. Resap pwal anomu ar apilükülük won wöür epwe morola, nge repwe apilükülükü Kot mi fangesom ngenikich mettoch meinisin pwe sipwe feiöch ren.

Pwärätä 18:7

Oupwe awora ngeni neminei chomong riaföü me letipeta, usun chök watten ewe ling a püsin alinga ngeni me ewe pwapwan fanüfan a awora ngeni. Pun a püsin ekieki lon letipan, ‘Ngang eman kiwin, üa mot won ai lenien mot! Ngang üsap eman fin lipichsefäl. Ngang üsap fokun tolong lon letipeta.’

Soukapwüng 11:24

Ämi oupwe fanüeni ewe fanü Kemos ämi we kot a ngenikemi. Nge äm aipwe fanüeni ekewe fanü meinisin ewe Samol mi Lapalap a ngenikem.