Jeremaia 48:44 - Chuukese Bible

⁴⁴ Ätewe mi mochen sü seni ewe niuokus epwe turulong lon ewe pwang. Nge ätewe mi towu seni ewe pwang epwe tup lon ewe likatup. Pun ngang ewe Samol mi Lapalap üpwe awarato won Moap ewe fansoun an küna apwüng.

Jeremaia 48:44 Iomraidhean Croise

1. King 19:17

Iö epwe sü pokiten Hasael a ekiekin niela, Jehu epwe niela, nge iö epwe sü pokiten Jehu a ekiekin niela, Elisa epwe niela.

1. King 20:30

Nge ekewe lusun mi chüen manau ra sülong lon ewe telinimw Afek. Iwe, tittin ewe telinimw a turutiu wor o niela pwal ükükün rüe me fisungeröü. Penhatat a pwal sülong lon ewe telinimw o op lon rumwen eu imw.

Aisea 10:3

Iwe, met oupwe föri lon ränin apwüng, lupwen feiengau epwe torikemi seni toau? Iö oupwe süla ren pwe epwe alisikemi, nge ia oupwe aopa wöümi ie?

Aisea 24:17

Niuokus watte, pwang mi alolol me sär repwe sounikemi, ämi chon fanüfan.

Aisea 24:18

Iwe, chokewe mi sü seni ewe niuokus watte repwe turulong lon ewe pwang mi alolol, nge chokewe mi tötä seni ewe pwang repwe tup lon ewe sär. Pun üt epwe fokun püngümongetiu, nge longolongun fanüfan epwe chechech.

Jeremaia 10:15

Ra lomotongau o uretakir. Repwe tala, lupwen Kot epwe apwüngüür.

Jeremaia 11:23

pwe esap chüen wor eman lusun me leir. Pun ngang üpwe awarato feiengau won ekewe re Anatot lon ewe ier üpwe apwüngüür.”

Jeremaia 16:16

Iei alon ewe Samol mi Lapalap, “Üpwe tinala chomong chon attau, repwe attaua ekei aramas. Mürin, üpwe tinala chomong chon tapweri man, repwe tapweriir won iteiten chukutekia me chukutekison, pwal me lon pwangen ekewe achau.

Jeremaia 23:12

Iei mine ar kewe al ra fetal won repwe mitimit o rochopwak. Ngang üpwe föri pwe repwe chepetek o turula. Üpwe awarato wor feiengau lupwen fansoun üpwe apwüngüür. Ngang ewe Samol mi Lapalap üa kapas.

Jeremaia 46:21

Iwe, nöün kewe sounfiu a möniir ra usun chök nienifön kow mi öümanau. Nge pwal ir ra kul o süpöküla, resap üppos. Pun ränin ar feiengau a feitiu wor, ewe fansoun ar küna apwüng a war.

Jeremaia 49:8

Ämi chon Tetan, oupwe kul o sü, oupwe op lon ekewe föimw mi alolol. Pun üpwe awarato feiengau won ekewe mwirimwirin Esau lupwen fansoun üpwe apwüngüür.

Jeremaia 50:24

Ngang üa anomu eu sär fän itom, en Papilon, ka tup lon mwen kosamwo mefi. Ka oo, pun ka ü ngeniei.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Jeremaia 51:18

Ra lomotongau o uretakir, repwe tala, lupwen Kot epwe apwüngüür.

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Kölün kechü 3:47

Kata me tatakis a torikem, aia nom lon feiengau me niuokus watte.

Osea 9:7

Ekewe ränin apwüng ra war, ekewe ränin angei liwinin föför ra war. Lupwen epwe fis ei, chon Israel repwe silei. Pokiten watten ämi tipis me watten ämi oput oua ekieki pwe ewe soufos a tiparoch, nge ewe mi mwökütüküt ren Ngünün Kot a fokun umwesila.

Amos 5:19

Epwe usun chök are eman aramas epwe sü seni eman laion, nge a churi eman pear. Ika usun chök are eman epwe sülong lon imwan o itetä won etippan, nge eman serepenit a küw.

Mika 7:4

Ewe mi fokun mürina me leir a usun chök pötöwölingau, nge ewe mi fokun wenechar me leir a usun chök eu tit seni irafölüföl. A war ewe ränin än Kot apwüngü ekewe aramas, usun a fen asile ngeniir me ren ekewe soufos. Iei ra nom lon fitikoko.