Jeremaia 48:3 - Chuukese Bible

³ Oupwe rongorong eu puchör seni Horonaim, pokiten a fis angangen kata me afeiengau watte.

Jeremaia 48:3 Iomraidhean Croise

Aisea 15:2

Ekewe aramasen Tipon ra feitä won ekewe lenien fel mi nom won ekewe chuk pwe repwe kechü. Chon Moap ra ngüngüres fän iten ar kewe telinimw Nepo me Metepa. Ra räisöüla mökürer me aluser pokiten ar letipeta.

Aisea 15:5

Üa kechüeiti Moap. Chon ra sülong Soar me Eklat Selisia. Ra feitä nge kechü won ewe al mi pal a ale ngeni Lukit, nge won ewe al mi ale ngeni Horonaim ra leüömong le kökkö usun ewe feiengau.

Aisea 15:8

Ar puchör a tori kiännin ewe fanü Moap, ar kechü me ngüngüres a tori Eklaim me Peer Elim.

Aisea 22:4

Iei mine üa apasa, “Ousap nenengeniei, nge oupwe chök mwüt ngeniei pwe üpwe kekechü. Ousap pwal sotuni le achipaei, pun üa kechüeiti nei aramas kana mi küna feiengau.”

Jeremaia 20:16

Amwo ewe aramas epwe wewe ngeni ekewe telinimw ewe Samol mi Lapalap a ataarala, nge esap eäni tong. Amwo epwe rongorong puchörün metek lesosor me kökkön maun leoloas,

Jeremaia 47:2

Iei alon ewe Samol mi Lapalap, “Nengeni, ekewe koluk ra fokun pumong seni efeng, repwe wiliti eu öüt mi fokun pufetal. Repwe pwölüela ewe fanü me meinisin mine a nom lon, pwal ekewe telinimw me chokewe mi imweimw lor. Ekewe aramas repwe puchör, nge chokewe mi nonom lon ewe fanü repwe ngüngüres.

Jeremaia 48:34

Ekewe aramasen Hespon me Eleale ra puchör. Ekewe aramasen Jahas ra rong ar puchör, pwal chon Soar tori chon Horonaim me chon Eklat-selisia. Pwal ekewe kolukun Nimrim ra pwasatä.

Jeremaia 48:4

Moap a tala. Aramas ra rong puchörün ekewe semirit.

Jeremaia 48:5

Ra feitä nge kechü lon ewe aletä ngeni Luhit, lon ewe aletiu ngeni Horonaim aramas ra rong eu puchörün feiengau.

Jeremaia 51:54

Oupwe aüselinga ewe puchör seni Papilon, ewe akürangen feiengau mi fokun watte seni fanüen chon Papilon.