Jeremaia 48:13 - Chuukese Bible

¹³ Mürin Moap epwe lichipüng ren Kemos, usun ekewe chon Israel ra lichipüng, lupwen ra anomu ar apilükülük won Petel.

Jeremaia 48:13 Iomraidhean Croise

1. King 11:33

Pun Salomon a likitieila o fel ngeni Astarot nöün chon Siton anüfefin me Kemos ewe koten Moap, pwal Molok ewe koten Amon. Salomon esap aleasochisiei, esap pwal föri mine a pwüng me fän mesei o apwönüetä ai kewe pwüüng me allük usun Tafit saman we a föri.

1. King 11:7

Salomon a aüetä me won ewe chuk ötiuen Jerusalem eu lenien fel ngeni Kemos än chon Moap kot mi fokun anioput, pwal ngeni Molok än chon Amon kot mi fokun anioput.

1. King 18:40

Mürin, Elias a üreni ekewe aramas, “Oupwe turufi nöün ewe anü Paal kewe soufos. Ousap mwüt ngeni eman pwe epwe sü.” Iwe, ra turufiir, nge Elias a emweniretiu ren ewe öüwö Kison o nirela ikenan.

2. Kronika 25:15

Iei mine ewe Samol mi Lapalap a song ngeni Amasia o tinala eman soufos ren. Ätei a üreni, “Pwota ka fel ngeni än ekewe chon ekis kewe kot resap tongeni püsin angasa nöür aramas seni fän nemeniom?”

Aisea 16:12

Iwe, lupwen chon Moap ra feitä won ekewe lenien fel mi nom won ekewe chuk, ra chök püsin aweiresiir. Ra feila pwe repwe iotek lon ar imwenfel, nge esap wor lomotan.

Aisea 2:20

Lon ena rän aramas repwe pöütala ngeni nakich me pöüte ar kewe uluulun anümwäl ra föri seni silifer me kolt fän iten ar repwe fel ngeniir.

Aisea 45:16

Ir meinisin mi ü ngonuk repwe küna säw o itengau, nge chokewe mi falei uluulun anümwäl repwe lichipüng.

Aisea 45:20

Ewe Samol mi Lapalap a apasa, “Oupwe feito o mwichefengen, oupwe arapeto, ämi mi chüen manau me lein chon ekewe mwü. Esap wor miritin chokewe ra feilfetal fän ar uluulun anümwäl mi fal o ikiotek ngeni eman kot esap tongeni amanaueer.

Jeremaia 48:12

Iei mine epwe war ewe fansoun, lupwen üpwe tinala aramas repwe niinawu Moap usun ach niinawu wain. Repwe apöwu seni lon lenian o amökkü ekewe pör. Ngang ewe Samol mi Lapalap üa kapas.

Jeremaia 48:39

Moap a fokun tatakis. Ekewe aramas ra fokun ngüngüres. Moap a kulu sökürün fän säw. A wiliti och minen turunufas me och minen eniweniw ngeni meinisin mi nom pwelin ünükün. Ngang ewe Samol mi Lapalap üa kapas.”

Jeremaia 48:46

Feiengauom, en Moap. Ekewe aramas mi fel ngeni Kemos ra rosola, nge nöür kewe mwän me fefin ra oola.

Jeremaia 48:7

Pokiten oua anomu ämi apilükülük won ämi imwen maun mi pöchökül me won wöümi, ämi oupwe pwal kuf. Iwe, Kemos epwe oola fiti nöün kewe souasor me nöüwis.

Soukapwüng 11:24

Ämi oupwe fanüeni ewe fanü Kemos ämi we kot a ngenikemi. Nge äm aipwe fanüeni ekewe fanü meinisin ewe Samol mi Lapalap a ngenikem.