Jeremaia 48:10 - Chuukese Bible

¹⁰ A anümamau ätewe mi föri än ewe Samol mi Lapalap angang fän tümwününgau. A anümamau ätewe mi amwöchü an ketilas seni an epwe ni aramas.

Jeremaia 48:10 Iomraidhean Croise

1. King 20:39

Nge lupwen ewe king Ahap a pwerela, ewe soufos a köla ren o üra, “Ngang noum chon angang üa nom lukalapen ewe maun, lupwen eman sounfiu a uwato rei eman mwän a liapeni o üra, ‘Kopwe tümwünü ei mwän. Ika a sü senuk, manauom epwe siwilin manauan, ika kopwe mönätiu ülüngat ngeröü föün moni silifer.’

1. King 20:40

Iwe, lupwen üa achocho le angang ikei me ikenan, ewe mwän a sü seniei.” Nge ewe king a üreni, “Ka püsin apwünguk, kopwe fokun püngütiu liwinin om tipis.”

1. King 20:42

Iwe, ewe soufos a üreni ewe king Ahap, “Iei alon ewe Samol mi Lapalap, ‘Pokiten ka angasala ewe mwän, ngang üa allük pwe epwe ninnila, iei mine manauom epwe siwilin manauan, nge noum aramas repwe siwilin manauen nöün aramas.’”

2. King 13:19

Ren ei Elisa a song ngeni ewe king o üreni, “Are kopwe wichi ewe pwül fän limu ika fän wonu, mürin kopwe akufu chon Siria tori repwe rosola. Nge iei kopwe chök akufu chon Siria fän ülüngat.”

Jeremaia 11:3

Kopwe üreniir pwe ngang ewe Samol mi Lapalap ewe Koten Israel, üa anümamaua eman aramas esap aleasochisi kapasen ei pwon.

Jeremaia 47:6

Ämi oua puchör o kökkö, ‘En nöün ewe Samol mi Lapalap ketilas, ifa ükükün fansoun om kopwe sopwela le ninni? Kopwe liwinlong lon tükütükum, kopwe asösö o fanafanala.’

Jeremaia 47:7

Ifa usun an epwe tongeni asösö, ika ngang ewe Samol mi Lapalap üa awisa pwe epwe ninni? Üa awisa pwe epwe maun ngeni Askelon me ekewe fanü mi nom aroset.”

Jeremaia 50:25

Ngang ewe Samol mi Lapalap üa suki ai lenien iseis pisekin maun o atowu ekewe pisekin afeiengau fän ai lingeringer. Pun ngang Kot ewe Samol mi Unusen Manaman a wor ai angang üpwe föri lon fanüen chon Papilon.

Jeremaia 50:27

Oupwe niela nöür kewe sounfiu meinisin. Repwe feitiu lon ewe lenien ninnila. Feiengauen chon Papilon, pun ränir a war, ewe fansoun repwe küna kapwüng lon.”

Josua 10:19

Nge püsin ämi ousap nonom ikenan, pwe oupwe tapweri chon oputakemi. Oupwe maun ngeniir me lükisökürür, nge ousap mwüt ngeniir pwe repwe tolong lon ar kewe telinimw. Pun ewe Samol mi Lapalap ämi we Kot a awinnakemi.”

Soukapwüng 5:23

‘Oupwe anümamaua chon ewe telinimw Meros,’ nöün ewe Samol mi Lapalap chon läng a apasa. ‘Oupwe fokun anümamaueer, pun resap feito pwe repwe alisi ewe Samol mi Lapalap le maun ngeni ekewe chon pwora.’

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”

1. Samuel 15:9

Nge Saul me ekewe aramas ra achika Akak, resap pwal niela ekewe sip me ätemwänin kow mi fokun öch, ekewe man mi öümanau me ekewe nienifön sip me meinisin mine a mürina. Nge meinisin mine esap nien mürina pwal meinisin mine a lomotongau ra fokun arosala.