Jeremaia 47:7 - Chuukese Bible

⁷ Ifa usun an epwe tongeni asösö, ika ngang ewe Samol mi Lapalap üa awisa pwe epwe ninni? Üa awisa pwe epwe maun ngeni Askelon me ekewe fanü mi nom aroset.”

Jeremaia 47:7 Iomraidhean Croise

Aisea 10:6

Üa tinala chon Asiria ren chon eu mwü resap niueitiei, nge üa allük ngeniir pwe repwe maun ngeni ekewe aramas üa songeitiir. Repwe angei seniir wöür o soläni pisekir, repwe pwal puriir usun chök pwakaken won al.

Aisea 13:3

Ewe Samol mi Lapalap a püsin akünöü nöün chon pin o körato nöün sounfiu mi pwora o mwänek, pwe repwe apwüngü chokewe a songeitiir.

Aisea 37:26

Ifa usun, kosamwo rongorong pwe ngang üa ekiekietä ei me lomlom, üa pwal akota lon fansoun lom? Nge iei üa apwönüetä. Üa atufichuk pwe kopwe ataela telinimw mi pöchökül tittir, pwe repwe wewe ngeni ioien mettoch mi ta.

Jeremaia 48:10

A anümamau ätewe mi föri än ewe Samol mi Lapalap angang fän tümwününgau. A anümamau ätewe mi amwöchü an ketilas seni an epwe ni aramas.

Isikiel 14:17

Are üpwe awarato maun won ewe fanü o tinala efoch ketilas lemenen ewe fanü, pwe üpwe arosala aramas me man,

Isikiel 21:14

“Iei mine, nöün aramas, kopwe osuni. Kopwe alopolop. Ewe ketilas epwe äkätteri ekewe aramas. Iei ewe ketilas mi amol ngeni ninni watte, ewe ketilas mi nom pwelin ünüküür.

Isikiel 21:30

Oupwe aliwinalong nöümi ketilas lon tükütükün. Üpwe apwüngükemi lon poputän fanüemi, lon ewe leni ia oua uputiu ie.

Isikiel 21:9

“Nöün aramas, kopwe osuni o apasa, pwe iei aloi ngang ewe Samol mi Lapalap: Efoch ketilas, efoch ketilas a seisei o misimis,

Isikiel 25:16

Iei mine ngang Kot ewe Samol mi Lapalap üa apasa: Üpwe ü ngeni ekewe chon Filistia. Üpwe ärala ekewe chon Keret o niela chokewe mi chüen manau me lon ekewe fanüen aroset.

Amos 3:6

Ifa usun, aramas resap niuokus lupwen ra rongorong tikin rappwan maun me lon eu telinimw? Ifa usun, epwe fis feiengau lon eu telinimw, are ewe Samol mi Lapalap esap awarato?

Mika 6:9

Mwelien ewe Samol mi Lapalap a kökkö ngeni ewe telinimw, nge iö a niuokusiti i a tipachem, “Oupwe rongorong, ämi aramas mi mwichefengen lon ewe telinimw.

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”