Jeremaia 47:6 - Chuukese Bible

⁶ Ämi oua puchör o kökkö, ‘En nöün ewe Samol mi Lapalap ketilas, ifa ükükün fansoun om kopwe sopwela le ninni? Kopwe liwinlong lon tükütükum, kopwe asösö o fanafanala.’

Jeremaia 47:6 Iomraidhean Croise

2. Samuel 2:26

Mürin, Apner a köla ren Joap, “Ifa usun, ach maunfengen epwe chök soposopola? Ifa usun, kosap silei pwe lesopolan feiengau echök? Inet kopwe üreni noum aramas pwe repwe ükütiu le tapweri pwiir?”

1. Kronika 21:27

Mürin, ewe Samol mi Lapalap a allük ngeni ewe chon läng, pwe epwe siksefälielong nöün ketilas lon tükütükün. Iwe, ewe chon läng a aleasochisi.

Kölfel 17:13

Ai Samol mi Lapalap, kopwe feito. Kopwe ü ngeni chon oputaei o akufuur. Kopwe angasaei seni ekewe aramasangau ren noum ketilas.

Aisea 10:15

Nge ewe Samol mi Lapalap a apasa, “Ifa usun, efoch kouk epwe aingaing ngeni ewe chon falafal, ika efoch ngerenger epwe püsin atekiatä won ewe chon ngerenger? Pun esap tufich pwe efoch wok epwe pöüätä ewe mi amwöchü, esap pwal tufich pwe efoch amwüch epwe äteri eman aramas.”

Aisea 10:5

Ewe Samol mi Lapalap a apasa, “Feiengauen Asiria, ewe mwü üa aea usun efoch wok, pwe üpwe apwüngü chokewe üa songeitiir.

Jeremaia 12:12

Ekewe chon kata ra feito won ungen ekewe chuk meinisin me lon ewe fanüapö. Üa awarato maun pwe unusen ewe fanü a tala ren. Esap wor eman aramas epwe kinamwe.

Jeremaia 12:4

Ifa ükükün fansoun än ewe fanü epwe pwasapwas, nge fetilin lon iteiten mälämäl epwe pwasala? Ekewe man me mansüsü ra ärela pokiten ekewe aramas mi nom lon ewe fanü ra föföringau, ir ekewe aramas mi apasa, “Kot esap küna mine sa föri.”

Jeremaia 15:3

Ngang ewe Samol mi Lapalap üpwe awisa rüanü sokun feiengau repwe toriir: Repwe mäla lon maun, ekewe kolak repwe ileela somär, ekewe machang me ekewe manmwacho repwe ocheer o aroserela.

Jeremaia 25:27

Mürin, ewe Samol mi Lapalap a üreniei, “Kopwe kapas ngeni ekewe aramas pwe iei alon ewe Samol mi Unusen Manaman, ewe Koten Israel, ‘Oupwe ün tori oupwe pulas o mus. Oupwe turula, nge ousap chüen ütäsefäl pokiten ewe maun üpwe tinala remi.’

Jeremaia 4:21

Ifa ükükün fansoun ai üpwe chök küna ewe filäiken maun o rongorong tikin ewe rappwa?

Jeremaia 48:10

A anümamau ätewe mi föri än ewe Samol mi Lapalap angang fän tümwününgau. A anümamau ätewe mi amwöchü an ketilas seni an epwe ni aramas.

Jeremaia 50:35

Iei alon ewe Samol mi Lapalap, “Mäla epwe tori ekewe chon Papilon, epwe pwal tori chokewe mi imweimw lon Papilon. Epwe tori nöür kewe nöüwis me nöür kewe mwän mi tipachem.

Isikiel 14:17

Are üpwe awarato maun won ewe fanü o tinala efoch ketilas lemenen ewe fanü, pwe üpwe arosala aramas me man,

Isikiel 21:30

Oupwe aliwinalong nöümi ketilas lon tükütükün. Üpwe apwüngükemi lon poputän fanüemi, lon ewe leni ia oua uputiu ie.

Sekaraia 13:7

Iei alon ewe Samol mi Unusen Manaman, “Kopwe pwök, en ketilas, o fiu ngeni nei chon mas, ngeni ewe aramas mi fokun kan ngeniei. Kopwe niela ewe chon mas, pwe ekewe sip repwe toropasfeil. Üpwe ü ngeni ekewe aramas mi kis.

Johannes 18:11

Iwe, Jesus a üreni Petrus, “Kopwe aliwinsefälielong noumw ketilas lon tükütükün. Ifa usun, ka ekieki pwe üsap ün seni ewe kapen riaföü Semei a ngeniei?”

Soukapwüng 7:20

Iwe, ekewe ruu mwich ra pwal ettiki nöür kewe rappwa o amökkü ekewe pör. Lon pöüimöngür ra amwöchü ekewe töl, nge lon pöüifichir ra amwöchü nöür kewe rappwa o kökkö, “Ewe ketilas fän iten ewe Samol mi Lapalap, pwal fän iten Kition.”