Jeremaia 47:5 - Chuukese Bible

⁵ Chon Kasa repwe räisöüla mökürer lon ar letipeta, chon Askelon ra mäfeiengau. Ämi chokewe mi chüen manau me lon ewe maasies, ifa ükükün fansoun ämi oupwe akinasakemi pokiten ämi lolilen?

Jeremaia 47:5 Iomraidhean Croise

1. King 18:28

Iei mine ra leüömong le kökkö, ra pwal akinaseer ren ketilas me siles usun ar örüni, tori char a süküwu.

Aisea 15:2

Ekewe aramasen Tipon ra feitä won ekewe lenien fel mi nom won ekewe chuk pwe repwe kechü. Chon Moap ra ngüngüres fän iten ar kewe telinimw Nepo me Metepa. Ra räisöüla mökürer me aluser pokiten ar letipeta.

Jeremaia 16:1

Iwe, ewe Samol mi Lapalap a üreniei,

Jeremaia 16:6

Iwe, aramas tekia me aramas tekison repwe mäla lon ei fanü. Resap peias, esap pwal wor eman epwe kechüeitiir ika akinasa inisin ika räisöla möküran fän iter.

Jeremaia 25:20

pwal ngeni ekewe chon ekis mi nom leir. Üa aünü ngeni ekewe kingen ewe fanü Us meinisin me kingen ekewe telinimwen Filistia: Askelon, Kasa, Ekron me ekewe mi chüen manau lon Astot.

Jeremaia 41:5

walik mwän ra feito seni Sikem, Silo me Samaria, nge ra räisöüla alüser, ra kamwei üfer o akinasa inisir. Ra uwato asoren mongö me apach mi pwokus, pwe repwe asor lon ewe imwenfel.

Jeremaia 47:1

Iwe, ewe Samol mi Lapalap a kapas ngeni ewe soufos Jeremaia fänäsengesin chon Filistia mwen än Farao liapeni Kasa.

Jeremaia 47:4

A war ewe fansoun, pwe ekewe chon Filistia meinisin repwe rosola, nge chokewe mi chüen manau o tongeni alisi Tirus me Siton repwe kärila. Pun ngang ewe Samol mi Lapalap üpwe arosala ekewe chon Filistia, chokewe mi chüen manau me lon ewe fanü arosetin Kaftor.

Jeremaia 48:37

Iwe, ir meinisin ra räisöüla mökürer o fichiela alüser. Ra akinasa pöür o pwölü ngeni wänükür üf seni tuk.

Isikiel 25:16

Iei mine ngang Kot ewe Samol mi Lapalap üa apasa: Üpwe ü ngeni ekewe chon Filistia. Üpwe ärala ekewe chon Keret o niela chokewe mi chüen manau me lon ekewe fanüen aroset.

Isikiel 7:18

Iwe, repwe üföüf üf seni tuk, nge niuokus watte epwe nom rer. Won meser epwe wowon säw, mökürer epwe pwal reipöpöla.

Lifitikos 19:28

Ousap nekelekei inisimi fän iten mönümä, ousap ichi sokopaten lios womi. Ngang ewe Samol mi Lapalap. x Lif 21.5; Tut 14.1

Lifitikos 21:5

Iwe, ekewe souasor resap tongeni reipöpöla ulungen mökürer ika amwocha alüser, resap pwal tongeni nekelekei inisir, lupwen ra letipeta.

Mika 1:16

Oupwe fichi möküremi fän ämi letipeta pokiten ekewe semirit oua echeniir. Oupwe reipöpöla möküremi, pwe oupwe wewe ngeni ekewe ikel mi paan, pun nöümi kewe repwe oola senikemi.

Markus 5:5

Lerän me lepwin a fetalfeil lein ekewe peias pwal won ekewe chukutekison, a pupuchör o akinasa inisin ngeni fau.

Tuteronomi 14:1

“Iwe, ämi nöün ewe Samol mi Lapalap ämi we Kot. Iei mine ousap nekelekelei inisimi ika reipöpöla möküremi, lupwen oua letipeta ren eman mi mäla.

Soukapwüng 1:18

Iwe, ekewe re Juta ra pwal liapeni Kasa, Askelon me Ekron me ekewe fanü ünükür.