Jeremaia 47:3 - Chuukese Bible

³ Ekewe semelap resap nenesökür pwe repwe alisi nöür, pöür ra chök ititiu, lupwen ra rongorong chopuchopun pechen ekewe oris, akürangen ekewe wokenin maun me üngüngün willer kewe.

Jeremaia 47:3 Iomraidhean Croise

Aisea 5:28

Ar kewe likapich ra mei, nge wokur föün esefich ra ken. Iwe, kün nöür oris ra usun chök fau, nge willen war woken ra märäkul usun eu ewiniär.

Jeremaia 46:9

Oupwe allük ngeni ekewe oris pwe repwe sä, oupwe säpuropur, ämi chon wawa woken. Oupwe karisila, ämi sounfiu, ämi re Itiopia me Put mi uwei tittin maun, pwal ämi re Lut mi föüen le esefich.

Jeremaia 50:42

Ra uwou esefich me siles, ra fokun ariaföüü aramas, nge resap sile tong. Ngüngür a usun chök ngüngün lematau, lupwen ra sä won nöür kewe oris. Ra wewe ngeni sounfiu mi tettel pwe repwe maun ngeni Papilon.

Jeremaia 8:16

Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Isikiel 23:24

Ir meinisin repwe feito seni efeng fän oris me woken, pwal fän eu mwichemongun aramas. Repwe pwelifeiliik fän ar tittin maun mi watte me kükün, pwal fän imwer akkaw. Iwe, üpwe asechukolong lepöür pwe repwe apwünguk. Repwe eäni kapwüng womw won ükükün mine ra mochen apwünguk ren.

Nahum 2:4

Ekewe wokenin maun ra säpuropurolong lon ekewe al, ra akaliwin lukalapen ewe telinimw, ra molupolup usun töl o müttir usun inefi.

Nahum 2:8

Ekewe aramasen Ninifa ra sü seni ewe telinimw usun chök koluk a puwu seni eu nomun koluk mi tala epetin. Ra kökkö, “Oupwe üla, oupwe üla!” Nge esap wor eman a kulsefäl.

Pwärätä 9:9

Leupwer a pwölüla ren och cheech mi usun chök chechen leupw seni mächä, nge üngüngün pöükässiir ra wewe ngeni üngüngün chomong wokenin maun, oris ra nuki lupwen ra sälong lon maun.

Soukapwüng 5:22

Mürin, chopuchopun pechen ekewe oris ra chopumong ren ar sässä, pokiten chon wawa ra süsüla.