Jeremaia 47:2 - Chuukese Bible

² Iei alon ewe Samol mi Lapalap, “Nengeni, ekewe koluk ra fokun pumong seni efeng, repwe wiliti eu öüt mi fokun pufetal. Repwe pwölüela ewe fanü me meinisin mine a nom lon, pwal ekewe telinimw me chokewe mi imweimw lor. Ekewe aramas repwe puchör, nge chokewe mi nonom lon ewe fanü repwe ngüngüres.

Jeremaia 47:2 Iomraidhean Croise

Kölfel 24:1

Fanüfan me masouan meinisin än ewe Samol mi Lapalap, pwal meinisin mi nonom won ir nöün.

Kölfel 50:12

Ika üpwe echik, üsap ürenikemi, pun fanüfan me masouan meinisin ai.

Kölfel 96:11

Ekewe läng repwe pwapwa, nge fanüfan epwe meseik. Matau epwe ngüngü, pwal meinisin mine a nonom lon.

Kölfel 98:7

Ewe matau epwe ngüngü, pwal mönümanau meinisin mi nom lon. Fanüfan epwe köl, pwal aramas meinisin mi nom won.

Aisea 14:31

Ämi chon Filistia meinisin, oupwe kechü lon asamalapen tittin ämi telinimw, oupwe pupuchör lon telinimwemi fän niuokus. Pun eu mwichen sounfiu a feito seni efeng, nge esap wor eman me leir epwe nisin.”

Aisea 15:8

Ar puchör a tori kiännin ewe fanü Moap, ar kechü me ngüngüres a tori Eklaim me Peer Elim.

Aisea 22:1

Iei än Kot kapas usun ewe lemolun pwärätä: Met popun ämi meinisin oua tötä won imwemi?

Aisea 28:17

Iwe, üpwe eäni apwüng usun eu selipich, nge pwüng usun selin awenewen.” Iwe, ütten fau epwe pwölüela ewe lenien op itan kapas chofana, nge koluk mi pumong epwe purala.

Aisea 59:19

Mürin, aramas meinisin seni lotou tori ötiu repwe niueiti ewe Samol mi Lapalap o meniniti an ling. Pun ewe Samol mi Lapalap epwe feito usun eu chanpupu mi pumong, pwal usun eu mölümöl.

Jeremaia 1:14

Mürin, ewe Samol mi Lapalap a üreniei, “Feiengau epwe towu seni efeng o feito won chon ei fanü meinisin.

Jeremaia 46:12

Chon ekewe mwü ra rongorong usun ämi itengau, aramas meinisin ra rongorong ämi siö. Eman sounfiu a chepetek won eman, ra turupöküla.”

Jeremaia 46:13

Iei ewe kapas ewe Samol mi Lapalap a apworausa ngeni ewe soufos Jeremaia fänäsengesin waren Nepukatnesar ewe kingen Papilon, pwe epwe atai ewe fanü Isip,

Jeremaia 46:20

Isip a wewe ngeni eman kow mi fokun mürina, nge eman sokun kilisoon kow mi kükkük a feito won seni efeng.

Jeremaia 46:24

Ekewe chon Isip repwe säw, repwe oolong lepöün ekewe aramas seni efeng. Ngang ewe Samol mi Lapalap üa kapas.”

Jeremaia 48:39

Moap a fokun tatakis. Ekewe aramas ra fokun ngüngüres. Moap a kulu sökürün fän säw. A wiliti och minen turunufas me och minen eniweniw ngeni meinisin mi nom pwelin ünükün. Ngang ewe Samol mi Lapalap üa kapas.”

Jeremaia 6:22

Iei alon ewe Samol mi Lapalap, “Nengeni, eu mwichen aramas a feito seni ewe fanü mi nom efeng, chon eu mwü mi fokun watte seni lesopun fanüfan, ra amolätä ngeni maun.

Jeremaia 8:16

Ekewe chon oputakich ra fen feito ren ewe telinimw Tan. Sia rongorong tikin nöür oris. Unusen ewe fanü a chech ren tikin nöür kewe oris mi pöchökül. Ekewe chon oputakich ra feito pwe repwe ataela fanüach me masouan meinisin, repwe pwal ataela ach kewe telinimw o niela meinisin mi imweimw lor.”

Taniel 11:22

Epwe ärala mwicheichen sounfiu mi ü ngeni, epwe mwo nge pwal awesi eman mi lap me lein ekewe souasoren ewe pwon lon Israel.

Nahum 1:8

Nge epwe arosala chokewe mi ü ngeni ren eu lölö mi pumong, epwe asüelong chon oputan lon rochopwak.

1. Korint 10:26

Pun iei usun a mak lon ekewe Toropwe mi Pin, “Fanüfan me masouan meinisin än ewe Samol.”

1. Korint 10:28

Nge are eman a ürenikemi, “Ei mongö aramas ra fen asor ngeni uluulun anümwäl,” mürin ousap mongö, pokiten ätewe mi asile ngenikemi, pwal pokiten mengiringirin leluken eman.

James 5:1

Iwe, iei oupwe aüselinga, ämi aramas mi pisekisek! Oupwe kechü o ngüngüres usun ekewe riaföü repwe torikemi.

Pwärätä 17:1

Mürin eman me lein ekewe füman chon läng mi amwöchü ekewe fisu sepi a feito rei o üreniei, “Kopwe etto, üpwe aiti ngonuk usun än ewe fin lisowu mi iteföüla epwe küna apwüng, wewen, iei ewe telinimw watte mi kaütä arun chomong chanpupu.

Pwärätä 17:15

Mürin ewe chon läng a pwal üreniei, “Ekewe koluk ka küna, ewe fin lisowu a mot arur, wewen mwü, mwichen aramas, ainang me kapas.