Jeremaia 45:5 - Chuukese Bible

⁵ Ifa usun, ka kütta mettoch mi watte fän itom? Kosap kütteer. Pun üpwe awarato feiengau won aramas meinisin. Nge ngang üpwe amwöchü manauom lon ekewe leni meinisin ia kopwe feila ie. Ngang ewe Samol mi Lapalap üa kapas.”

Jeremaia 45:5 Iomraidhean Croise

Keneses 6:12

Iwe, Kot a nengeni fanüfan o küna pwe a unusen ngau, pun ekewe aramas meinisin ra chök alapala ar föför mi ngau.

1. King 3:11

Iei mine a üreni Salomon, “Pokiten ka tüngor mirit pwe kopwe emweni aramas fän pwüng, nge kosap tüngor fän itom pwe kopwe manauatam ika pisekisek, ika tüngor mälan chon oputom,

1. King 3:9

Iei mine kopwe fang ngeniei ngang noum chon angang eu leluk mi mirit, pwe üpwe tongeni nemeni noum aramas fän pwüng o alefila mine a öch me mine a ngau. Ifa usun ai üpwe tongeni nemeni noum ei mwichen aramas mi chowatte?”

2. King 5:26

Nge Elisa a üreni, “Ifa usun, ngüni esap nom reöm, lupwen ewe mwän a tötiu seni waan woken pwe epwe sounuk? Ifa usun, iei fansoun pwe kopwe angei moni me üf, tanipin olif me wain, sip me kow, chon angang mwän me chon angang fefin?

Kölfel 131:1

Ai Samol mi Lapalap, üsap tipetekia lon lelukei, mesei esap wolamalamtekia. Üsap aosukosukaei ren mettoch mi kon tekia me amwarar ngeniei.

Aisea 66:16

Iwe, ewe Samol mi Lapalap epwe apwüngü aramas meinisin ren nöün ketilas me ekkei, nge chokewe mi küna ninnila me ren repwe chomong.

Jeremaia 21:9

Chokewe mi nomotiu lon ei telinimw repwe mäla ren maun, ren lengita pwal ren mätter. Nge chokewe mi towu seni ei telinimw o fangatä ngeni ekewe chon Papilon mi pwelifeili ei telinimw fän pisekin maun repwe manau, repwe chök kütta en me püsin manauan.

Jeremaia 25:15

Iei usun mine ewe Samol mi Lapalap ewe Koten Israel a üreniei, “Kopwe angei seni lepei ei kap mi ur ren wainin lingeringer. Kopwe aünü ngeni chon ekewe mwü meinisin üa tinukela rer.

Jeremaia 25:16

Repwe ün o taroporop, repwe puchala ren pokiten ewe maun üpwe tinala leir.”

Jeremaia 25:26

ngeni ekewe kingen efeng meinisin, chokewe mi nom toau ika arap, eman mürin eman. Ekewe mwü meinisin mi nom fanüfan ra ün seni. Nge mürir meinisin ewe kingen Papilon epwe ün.

Jeremaia 25:31

Ewe apwas epwe tori lesopun fanüfan. Pun ewe Samol mi Lapalap a atipisi chon ekewe mwü meinisin. Epwe eäni kapwüng ngeni aramas meinisin, nge epwe niela ekewe aramasangau.’ Iei alon ewe Samol mi Lapalap.”

Jeremaia 38:2

“Iei alon ewe Samol mi Lapalap: Iteiten eman me eman mi nomotiu lon ei telinimw epwe mäla ren maun, ren lengita me mätter. Nge iteiten eman me eman mi fangatä ngeni ekewe chon Papilon esap mäla. Repwe en me püsin kütta manauan.

Jeremaia 39:18

Üpwe fokun amanauok pwe kosap mäla. En kopwe küna manau, pun ka anomu om lükülük woi. Ngang ewe Samol mi Lapalap üa kapas.”

Sefanaia 3:8

Iei alon ewe Samol mi Lapalap, “Oupwe chök witiwitiei, oupwe witiwiti ewe rän, lupwen üpwe ütä o atipisi chon ekewe mwü. Pun üa fen apwüngala pwe üpwe achufengeni chon ekewe fanü me mwü, pwe üpwe awarato wor ai chou me ai song mi fokun watte. Pun unusen fanüfan epwe tala ren ekkeiin ai lingeringer.

Nöün Paulus Toropwe ngeni ekewe Souläng lon Rom 12:16

Oupwe tipeeufengen lefilemi. Ousap lamalamtekia, nge oupwe tipeni le föri angang mi tekisoson. Ousap ekieki pwe oua tipachem.

Ipru 13:5

Oupwe afälikemi pwe ousap manaueni eu manauen mochenian moni, nge oupwe menemenöch ren mine oua eäni. Pun Kot a apasa, “Ngang üsap fokun likituk, üsap pwal tümwününgau ngonuk.”