Jeremaia 44:8 - Chuukese Bible

⁸ Pwota oua asongaei ren ämi fel ngeni ekewe uluulun anümwäl oua föriir, pwal ren ämi keni apach mi pwokus ngeni pwal ekoch kot me lon ewe fanü Isip, ewe ia oua feila ie pwe oupwe nonom? Ren ei oupwe püsin ärikemiila, nge chon ekewe mwü meinisin won fanüfan repwe turunufasekemi o leawenikemi lon ar ottek.

Jeremaia 44:8 Iomraidhean Croise

2. Kronika 7:20

mürin üpwe atokemiiwu seni ewe fanü üa ngenikemi. Nge ei imw üa apini fän itei, üpwe aturawu me fän mesei, pwe aramas repwe leaweni ren kapasen ämängau me kapasen turunufas me lein chon ekewe mwü meinisin.

Aisea 19:1

Iei än Kot kapas usun Isip: Ewe Samol mi Lapalap a wawa eu kuchu mi müttir le äs, pwe epwe tori Isip. Iwe, ekewe anümwälin Isip repwe chechech me mwan, nge letipen chon Isip epwe kisikisila.

Aisea 3:8

Iwe, Jerusalem a fetal ngeni an epwe feiengau, nge Juta epwe turula, pun chor ra pälüeni ewe Samol mi Lapalap ren ar kapas me ar föför, ra pwal ü ngeni ewe Kot mi ling.

Aisea 65:15

Iwe, nei kewe aramas üa filiretä repwe föüni itemi lon ar kapasen ottek, nge ngang Kot ewe Samol mi Lapalap üpwe nikemiila. Iwe, üpwe aita ngeni nei kewe chon angang eu it mi fö.

Jeremaia 11:12

Mürin, ekewe chon Juta me chon Jerusalem repwe feila ren ekewe kot ra keni apach mi pwokus ngeniir o siö ngeniir. Nge ekewe kot resap tongeni amanaueer lon fansoun ar tolong lon feiengau.

Jeremaia 11:17

Ngang ewe Samol mi Unusen Manaman, üa fotuki Israel me Juta. Nge iei üpwe awarato feiengau wor pokiten ekewe föför mi ngau ra föri. Ra asongaei ren ar asor ngeni ewe anü Paal.”

Jeremaia 18:16

Ra ataela püsin fanüer, pwe aramas repwe turunufasei tori feilfeilachök. Meinisin mi pwerela ünükün ra fokun mairü ren mine ra küna o alefechefechi mökürer.

Jeremaia 24:9

Üpwe föri pwe repwe och minen eniweniw ngeni chon ekewe mwü won unusen fanüfan, repwe itengau, aramas repwe leaweniir lon ar kapasen turunufas me ämängau, pwal lon ar ottek me lon ekewe leni meinisin ia üpwe asürela ie.

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 32:30

Pun ekewe chon Israel me chon Juta resap föri och, nge ra chök föri mine a ngau me fän mesei o asongaei ren angangen pöür, seni ewe fansoun a popuetä mwür.

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 44:12

Üpwe niela ekewe chon Juta mi chüen manau, ir chokewe mi fokun ekiekin feila Isip pwe repwe nonom ikenan. Repwe rosola meinisin me lon Isip ren maun ika lengita seni ekewe mi kis tori ekewe mi lap. Repwe wiliti och minen eniweniw o küna turunufas me itengau, aramas repwe leaweniir lon ar ottek.

Jeremaia 44:3

pokiten ekewe föför mi ngau ekewe aramas ra föriir. Ra asongaei ren ar keni apach mi pwokus, pwal ren ar fel ngeni pwal ekoch kot, ir me ämi pwal ämi kewe lewo ousap fel ngeniir me mwan.

Jeremaia 44:7

Nge iei usun mine Kot ewe Samol mi Unusen Manaman, ewe Koten Israel a apasa, “Pwota oua awarato ei sokun feiengau ngenikemi ren ämi ärala seni Juta mwän me fefin, mönükol me semirit, nge ousap likiti eman lusun mi chüen manau?

Jeremaia 7:9

Oua solä, niela aramas, föri föförün lisowu, akapelmwäl, keni apach mi pwokus ngeni ewe anü Paal o fel ngeni pwal ekoch kot ousap sileer me mwan.

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Isikiel 9:6

Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.

Osea 4:13

Ra asor won ungen ekewe chuk o keni apach mi pwokus won ekewe chukutekison, pwal fän ekewe irä mi tekia o mwuresires, pun nürür a mürina. Iei mine nöümi kewe föpwül ra fangala inisir fän iten lisowu, nge pwülüen nöümi kewe mwän ra lisowu.

Apakuk 1:16

Ra mwo nge fel ngeni ar kewe cheew o asor ngeni ar kewe uuk, pun ra manau rer, nge ener mongö a fokun chomong o anö.

Tuteronomi 32:25

Iwe, aramas repwe mäla ren maun lon alen ekewe telinimw, nge lon ekewe imw epwe fis niuokus watte. Alüal me föpwül repwe rosola, pwal mönükol mi chüen oup me chinlap.

Ipru 3:16

Iö ekewe aramas mi rong mwelien Kot o pöchökül le ü ngeni? Ir chokewe meinisin Moses a emweniirewu seni Isip.