Jeremaia 44:7 - Chuukese Bible

⁷ Nge iei usun mine Kot ewe Samol mi Unusen Manaman, ewe Koten Israel a apasa, “Pwota oua awarato ei sokun feiengau ngenikemi ren ämi ärala seni Juta mwän me fefin, mönükol me semirit, nge ousap likiti eman lusun mi chüen manau?

Jeremaia 44:7 Iomraidhean Croise

Än Salomon Fos 1:18

Nge ekei mwän ra chök op lon lenien op pwe repwe püsin atoto feiengau wor, ra rawangauei püsin manauer.

Än Salomon Fos 15:32

Eman mi asorongorongola ngeni kapasen emirit a püsin oput i, nge eman mi afäli kapasen fön a fefeitä lon an weweöch.

Än Salomon Fos 5:22

Än ewe aramasangau föföringau ra püsin likatupu i, a oo lon püsin an tipis.

Än Salomon Fos 8:36

Nge ätewe esap künaei a püsin afeiengaua inisin. Meinisin mi oputaei ra efich mäla.”

Jeremaia 25:6

Ousap fel ngeni pwal ekoch kot ika angang ngeniir, ousap pwal asonga Kot ren ämi fel ngeni ekewe uluulun anümwäl oua föri. Mürin esap afeiengauakemi.’

Jeremaia 25:7

Nge ewe Samol mi Lapalap a püsin apasa pwe ousap aüselinga i, nge oua fen asonga ren ämi kewe uluulun anümwäl oua föri o atoto womi feiengau.”

Jeremaia 26:19

Ifa usun, ewe king Hiskia me chon Juta meinisin ra niela Mik? Ifa usun, Hiskia esap niuokusiti ewe Samol mi Lapalap o kütta an ümöümöch me ren? Ifa usun, ewe Samol mi Lapalap esap siwili an ekiekin afeiengaueer a fen kapas usun? Nge iei kich sipwele awarato feiengau watte woch.”

Jeremaia 3:24

Nge ren äm fel ngeni ewe anü Paal mi ässäw, aia lus won meinisin mine äm kewe lewo ra angang ngeni seni me lom. Aia lus won nöüm pwiin sip me kow, pwal nöüm alüal me föpwül.

Jeremaia 38:17

Mürin, Jeremaia a üreni Setekia, “Iei alon Kot ewe Samol mi Unusen Manaman, ewe Koten Israel: Are kopwe fangatä ngeni nöün ewe kingen Papilon kewe meilap, mürin kosap mäla, nge ei telinimw esap karala. Iwe, ämi me chon leimwom oupwe manau.

Jeremaia 42:20

pun oua föri och mi mwäl a afeiengau ngeni manauemi. Ämi oua tinieila ngeni ewe Samol mi Lapalap ach we Kot o üra, ‘Kopwe iotek fän item ngeni ewe Samol mi Lapalap ach we Kot, nge meinisin mine i epwe apasa ngonuk, äm aipwe föri.’

Jeremaia 44:14

Esap wor eman chon Juta mi chüen manau mi fen feila Isip, pwe epwe nonom ie, epwe sechiwu ika manau. Esap wor eman epwe liwiniti Juta, ewe fanü a positi an mochen liwinla ngeni o nonom ie. Pun chon Juta resap fokun liwin, chilon chök ekoch choisä.”

Jeremaia 44:8

Pwota oua asongaei ren ämi fel ngeni ekewe uluulun anümwäl oua föriir, pwal ren ämi keni apach mi pwokus ngeni pwal ekoch kot me lon ewe fanü Isip, ewe ia oua feila ie pwe oupwe nonom? Ren ei oupwe püsin ärikemiila, nge chon ekewe mwü meinisin won fanüfan repwe turunufasekemi o leawenikemi lon ar ottek.

Jeremaia 51:22

Üa aea en le niela mwän me fefin, chinlap mwän me säräfö, üa pwal aea en le niela ät me nengin.

Jeremaia 7:19

Ifa usun, ngang ewe ra ariaföüü? Apwi, püsin ir, ra pwal püsin atoto säw wor.

Jeremaia 9:21

Pun mäla a tötä me lon asamwachon imwach o tolong lon ekewe imwen king. A ärala ekewe semirit me won ekewe al me ekewe alüal lon ekewe lenien amwicheich.

Kölün kechü 2:11

Mesei a tton ren kechü, leuti a fokun weires. Letipeta a sasewu me lon lelukei pokiten feiengauen nei aramas, pwal pokiten än ekewe semirit me mönükol aiengau won alen ewe telinimw.

Kölün kechü 2:22

Ka körifengeni chon aniuokusuei seni ekis meinisin, usun aramas ra kökköto ngeni eu ränin chulap. Esap wor eman aramas a tongeni sü ika manau lon ränin om song. Ewe chon oputaei a niela chokewe üa oupuur o foleniir.

Isikiel 33:11

Iwe, kopwe üreniir: Mwo manauei, aloi ngang Kot ewe Samol mi Lapalap, üsap pwapwaiti mälan eman chon föföringau, nge üa mochen pwe ewe chon föföringau epwe kul seni an tipis o manau. Ämi chon Israel, oupwe ükütiu seni ämi föföringau. Pun pwota oua mochen mäla?

Isikiel 9:6

Oupwe fokun niela chinlap mwän me alüal me föpwül, pwal semirit me fefin, nge ousap atapa chokewe mi eäni ewe asisil. Iwe, oupwe popuetä me lon leniei mi pin.” Iei mine ra popuetä le niela ekewe souakom ra nom lükün ewe imwenfel.

Apakuk 2:10

Nge om raw a chök awarato säw won chon leimwom. Ren om arosala chomong mwü, ka chök püsin awarato feiengau womw.

Numperis 16:38

Nge ekewe sepien asoren ötüöt än ekewe mwän mi mäla pokiten ar tipis, repwe nechenech o achöpöp pwe pwölüpwölün ewe rongen asor. Pokiten ra aea le asor me fän mesen ewe Samol mi Lapalap, iei mine ra pin. Iwe, repwe eu asisilen fön ngeni ekewe aramasen Israel.”

Tuteronomi 32:25

Iwe, aramas repwe mäla ren maun lon alen ekewe telinimw, nge lon ekewe imw epwe fis niuokus watte. Alüal me föpwül repwe rosola, pwal mönükol mi chüen oup me chinlap.

Josua 6:21

Iwe, ra ataala mettochun lon ewe telinimw meinisin o niela mwän me fefin, semirit me chinlap, ätemwänin kow me sip me aas ren nöür ketilas.

Soukapwüng 21:11

Iei usun mine oupwe föri: Iteiten mwän me iteiten fefin mi pwüpwülü oupwe fokun aroserela.”

1. Samuel 15:3

Iei kopwe feila, kopwe maun ngeni chon Amalek o wesewesen ataela meinisin mine ar. Kosap achikeer, nge kopwe niela mwän me fefin, semirit me ekewe mi chüen oupw, pwal nöür ätemwänin kow me sip, nöür kamel me aas.’”

1. Samuel 22:19

Iwe, Saul a pwal niela meinisin mine a nom lon Nop ewe telinimwen souasor. A niela mwän me fefin, semirit me ekewe mönükol pwal kow, aas me sip.