Jeremaia 44:6 - Chuukese Bible

⁶ Iei mine üa asasawu ai lingeringer me ai song won ekewe telinimwen Juta me ekewe alen Jerusalem o kenirela, pwe ra tatakis o pönüla usun a fis tori ikenai.”

Jeremaia 44:6 Iomraidhean Croise

Aisea 1:7

Fanüemi a tala, nge ämi telinimw ra karala. Chon ekis ra mongö uän fanüemi fän mesemi. Iwe, fanüemi a ta usun chök eu fanü chon ekis ra ataela.

Aisea 51:17

Kopwe nela o pwätä, en Jerusalem, en mi ün seni än ewe Samol mi Lapalap kapen apwüng, a aünü ngonuk fän an song. Ka pwal apöla lölön ewe kap, iwe, ka mwäliel ren.

Aisea 51:20

Noum kewe mwän ra aiemämä, ra konola lepwokukun ekewe al meinisin usun eman chia mi tup lon eu sär. Iwe, a fokun toriir pöchökülen än ewe Samol mi Lapalap song, pwal än om we Kot apwüng.

Aisea 6:11

Mürin üa aisini, “Ai Samol, ifa ükükün fansoun an epwe fis ei?” Iwe, Kot a pälüeni, “Tori ekewe telinimw repwe tala o pön, pwal tori esap chüen wor aramas lon ekewe imw, nge ewe fanü epwe unusen pön.

Jeremaia 21:12

ämi ekewe mwirimwirin Tafit: Oupwe eäni kapwüng fän wenechar iteiten rän, oupwe angasa ekewe mi riaföü seni ekewe chon ariaföüür. Pun are ousap föri ei, ai lingeringer epwe kü usun ekkei esap tongeni kunula, pokiten ämi föföringau.

Jeremaia 21:5

Püsin ngang üpwe maun ngenikemi lon ai song, lon ai chou me lon ai lingeringer mi fokun watte ren pei mi manaman o aköüpöü.

Jeremaia 34:22

Üpwe allük ngeniir pwe repwe liwiniti ei telinimw, repwe maun ngeni, repwe liapeni o kenala. Üpwe föri pwe ekewe telinimwen Juta repwe pönüla, nge resap chüen so. Ngang ewe Samol mi Lapalap üa kapas.”

Jeremaia 36:7

Eli repwe iotekin tüngor ngeni ewe Samol mi Lapalap o kul seni ar föför mi ngau. Pun a fokun watte än ewe Samol mi Lapalap song me lingeringer a apwüngü ngeni ekei aramas.”

Jeremaia 4:27

Pun iei alon ewe Samol mi Lapalap, “Unusen ewe fanü epwe pönüla, nge üsap ataela unusan.

Jeremaia 4:4

Ämi chon Juta me chon Jerusalem, oupwe apwönüetä ämi pwon ngeniei, ngang ämi Samol mi Lapalap, o apinikemi fän itei. Are ousap föri ei, ai lingeringer epwe towu usun ngetengeten ekkei, pokiten ekewe föför mi ngau oua föriir. Epwe ngetenget, nge esap wor eman epwe kunuela.”

Jeremaia 42:18

Pun iei alon ewe Samol mi Unusen Manaman, ewe Koten Israel, ‘Usun üa song me lingeringer ngeni ekewe chon Jerusalem, iei usun üpwe song me lingeringer ngenikemi, lupwen oupwe feila Isip. Aramas repwe leawenikemi lon ar ottek, oupwe wiliti och minen eniweniw o küna turunufas me itengau, nge ousap chüen künasefäli ei leni.’

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Jeremaia 7:17

Ifa usun, kosap küna mine ra föri me lon ekewe telinimwen Juta pwal lon ekewe alen Jerusalem?

Jeremaia 7:20

Iei mine ngang Kot ewe Samol mi Lapalap üpwe awarato ai song me lingeringer won ei leni, won aramas me man, won ekewe irän lemäl, pwal won uän ekewe irän lepwül. Ai song epwe kü, nge esap tongeni kunula.”

Jeremaia 7:34

Iwe, üpwe aükätiu kölün mweireir me pwapwa pwal apwapwan mongön apwüpwülü me lon ekewe telinimwen Juta pwal won ekewe alen Jerusalem. Pun ewe fanü epwe wiliti eu fanü mi pöön.

Jeremaia 8:3

Nge chokewe meinisin mi chüen manau me lein chon ei mwü mi ngau repwe efich mäla lap seni manau me lon ekewe leni ia üa asürela ie. Ngang ewe Samol mi Unusen Manaman üa kapas.”

Kölün kechü 1:1

Iei esap chüen masou ewe telinimw Jerusalem mi ur ren aramas me lom. A fokun iteföüla me lein ekewe mwü, nge iei a usun chök eman fefin mi mä pwülüan. I eman finesamol me lein ekewe telinimw, nge iei aramas ra nöüni amanau.

Kölün kechü 1:13

A tinato ekkei seni läng, a kü me leuti. A anomu eu sär fän itei, pwe pechei epwe fif, a aturueitiu lepwül. A likitieila, üa uren metek fansoun meinisin.

Kölün kechü 5:18

pun ewe chuk Sion a tala, ekewe foks ra töfetal won.

Isikiel 20:33

Mwo manauei, ngang Kot ewe Samol mi Lapalap üa apasa: Üpwe nemenikemi ren pei mi pöchökül o manaman, üpwe pwal awarato ai lingeringer womi.

Isikiel 20:34

Üpwe emwenikemiiwu seni lon ekewe mwü ren pei mi pöchökül o manaman, üpwe achufengenikemi seni lon ekewe fanü ia oua toropasfeil ie o awarato ai lingeringer womi.

Isikiel 24:13

Jerusalem, om mocheisou iei om limengau. Iwe, üa sotuni ai üpwe limetuk, nge kosap limöchüla. Iei mine kosap fokun limöch, tori üpwe amüchü ai lingeringerituk.

Isikiel 24:8

Üa likitala ewe cha won achau, ewe ia esap tongeni irela me ie. Ei üa föri pwe üpwe aüfarafarätä ai lingeringer o ngeniir chappen ar föför.”

Isikiel 5:13

Iei usun üpwe anafa ai song o amüchü ai lingeringer ngenikemi. Nge lupwen epwe wes ai lingeringer, oupwe silei pwe ngang ewe Samol mi Lapalap üa kapas lon ai lukomong.

Isikiel 6:12

Iwe, ir mi nom won fanü toau repwe mäla ren mätter, nge ir mi nom won fanü mi arap repwe mäla lon maun, nge ir mi chüen manau me mürin repwe mäla ren lengita. Iei usun üpwe fokun song ngeniir.

Isikiel 8:18

Iei mine üpwe apwüngüür fän ai song. Üsap achikeer, üsap pwal eäni tong ngeniir. Inamwo are repwe kechü ngeniei fän leüömong lon ar iotek, üsap fokun aüselingeer.”

Taniel 9:12

Ka apwönüetä om kapasen pälüenikem me äm kewe sounemenem ren om awarato wom feiengau watte. Iwe, ükükün ewe feiengau mi tori Jerusalem esamwo fis me mwan won unusen fanüfan.

Lifitikos 26:28

mürin üpwe pwal ü ngenikemi lon ai song o püsin emiritikemi fän fisu lap seni me mwan pokiten ämi tipis.

Lifitikos 26:31

Üpwe atai ämi kewe telinimw o apönü ämi kewe leni mi pin. Üsap fokun etiwa ämi kewe asor oua keni.

Nahum 1:2

Ewe Samol mi Lapalap i eman Kot mi lukomong. A apwüngü chokewe mi ü ngeni. Lon an song a ngeni chon oputan chappen ar föför.

Sekaraia 1:2

Iwe, ewe Samol mi Unusen Manaman a tini Sekaraia pwe epwe üreni ekewe aramas, “Ngang ewe Samol mi Lapalap üa fokun song ngeni ämi kewe lewo.

Sekaraia 1:6

Ifa usun, ai kewe kapas me ai kewe allük üa allük ngeni nei kewe chon angang ekewe soufos resap küw ämi kewe lewo? Iei mine ra ekieksefäl o üra: Usun mine ewe Samol mi Unusen Manaman a ekiekietä pwe epwe föri ngenikem fän iten äm kewe lapalap me föför, iei usun a föri ngenikem.”

Sekaraia 7:14

Iwe, üa atoropaserela lein chon ekewe mwün lükün meinisin, usun eu mölümöl a atoropasa mettoch, nge ewe fanü ra likitala a pönüla, pwe esap wor eman a tongeni nonom lon. Iei usun ewe fanü mi mürina a pönüla.”