Jeremaia 44:12 - Chuukese Bible

¹² Üpwe niela ekewe chon Juta mi chüen manau, ir chokewe mi fokun ekiekin feila Isip pwe repwe nonom ikenan. Repwe rosola meinisin me lon Isip ren maun ika lengita seni ekewe mi kis tori ekewe mi lap. Repwe wiliti och minen eniweniw o küna turunufas me itengau, aramas repwe leaweniir lon ar ottek.

Jeremaia 44:12 Iomraidhean Croise

Aisea 1:28

Nge ekewe chon ü ngeni Kot me chon tipis repwe rosola meinisin, chokewe mi likitala ewe Samol mi Lapalap repwe mola.

Aisea 65:15

Iwe, nei kewe aramas üa filiretä repwe föüni itemi lon ar kapasen ottek, nge ngang Kot ewe Samol mi Lapalap üpwe nikemiila. Iwe, üpwe aita ngeni nei kewe chon angang eu it mi fö.

Jeremaia 16:4

Repwe mäla ren samau mi afeiengau. Esap wor eman epwe kechü wor, resap pwal peias, nge repwe usun chök kiten mongö won pwül. Repwe mäla lon maun pwal ren lengita, nge ekewe machang me ekewe manmwacho repwe ochei somär.

Jeremaia 18:16

Ra ataela püsin fanüer, pwe aramas repwe turunufasei tori feilfeilachök. Meinisin mi pwerela ünükün ra fokun mairü ren mine ra küna o alefechefechi mökürer.

Jeremaia 24:9

Üpwe föri pwe repwe och minen eniweniw ngeni chon ekewe mwü won unusen fanüfan, repwe itengau, aramas repwe leaweniir lon ar kapasen turunufas me ämängau, pwal lon ar ottek me lon ekewe leni meinisin ia üpwe asürela ie.

Jeremaia 26:6

mürin üpwe föri pwe ei imwenfel epwe wewe ngeni ewe lon Silo, nge chon ekewe mwü meinisin won fanüfan repwe eäni ottek iten ei telinimw.’”

Jeremaia 29:18

Üpwe tapweriir fän maun, fän lengita me mätter. Üpwe föri pwe repwe och minen eniweniw ngeni chon ekewe mwü meinisin won fanüfan. Aramas repwe leaweniir lon ar ottek, repwe enniw o küna turunufas me itengau me lein chon ekewe mwü meinisin ia üa asürela ie.

Jeremaia 29:22

Iwe, ekewe chon oola seni Juta mi nom Papilon repwe eänifengeni lefiler ei kapasen ottek fän iter, ‘Amwo ewe Samol mi Lapalap epwe föri ngonuk usun mine a föri ngeni Setekia me Ahap, ir ätekewe ewe kingen Papilon a arapeer won ekkei.’

Jeremaia 42:1

Mürin ekewe meilapen ewe mwichen sounfiu meinisin me Johanan nöün Karea we, pwal Asaria nöün Hosaia we mwän me ekewe aramas meinisin seni ekewe mi kis tori ekewe mi lap ra feito

Jeremaia 42:22

Iei mine oupwe fokun silei pwe oupwe mäla lon maun, ren lengita me mätter me lon ewe leni ia oua mochen feila o nonom ie.”

Jeremaia 43:11

Iwe, Nepukatnesar epwe feito o maun ngeni ewe fanü Isip. Epwe niela chokewe mi feil ngeni ar repwe mäla o aoloi chokewe mi feil ngeni ar repwe oola, epwe pwal niela lon maun chokewe ra feil ngeni ar repwe mäla lon maun.

Jeremaia 44:22

Ewe Samol mi Lapalap esap chüen tongeni engila fän ämi kewe föför mi ngau me anioput. Iei mine fanüemi a wiliti eu fanü mi ta o pön, a anümamau, nge esap chüen so, usun a fis ikenai.

Osea 4:6

Nei aramas ra feiengau, pun resap wesewesen sileei. Pokiten oua oput ämi oupwe sileei, ngang üpwe pwal oput ämi oupwe nei souasor. Pokiten oua manlükala ewe allük än ämi we Kot, ngang üpwe pwal manlükala nöümi kewe.

Osea 9:6

Inamwo are ra fen sü seni feiengau, chon Isip repwe achufengeniir, nge repwe peias lon Memfis. Pötöwölingau epwe mär lon ar kewe lenien iseis pisek aüchea seni silifer, nge iräfölüföl epwe mär lon imwer.

Sekaraia 8:13

Ämi chon Juta me chon Israel, chon ekewe mwü ra piin eänikemi apööpö lon ar kapasen ottek. Nge iei üpwe amanauakemi pwe aramas repwe eänikemi apööpö lon ar kapasen feiöch. Ousap niuokus, nge oupwe apöchökülakemi.”

Numperis 5:27

Iwe, are neminewe a püsin alimengaua o kirikiringau ngeni pwülüan, ewe koluk mi atoto anümamau, ewe souasor a aünü ngeni, epwe tolong leutun o afisätä metek mi weires pwe lukan epwe pwo, epwe pwal rit. Iwe, aramasan repwe leaweni itan lon ar ottek.