Jeremaia 44:10 - Chuukese Bible

¹⁰ Ousap püsin atekisonakemi tori ikenai, ousap meninitiei, ousap pwal föri pwüngün ekewe allük me pwüüng üa ngenikemi me ämi kewe lewo.”

Jeremaia 44:10 Iomraidhean Croise

1. King 21:29

“Ifa usun, ka küna usun än Ahap atekisonätiu me fän mesei? Pokiten an atekisonätiu me fän mesei, üsap awarato ewe feiengau lon ränin manauan. Nge lon ränin manauen nöün we mwän üpwe awarato ewe feiengau won chon leimwan.”

2. King 22:19

ka pwal apwetetei lelukom o atekisonok me fän mesei, lupwen ka rongorong mine üa apasa usun feiengauen ei leni, pwal usun feiengauen aramasan, pwe repwe wiliti och minen eniwokus me anümamau. Iwe, ka kamwei üfom o kechü fän mesei, iei popun ngang üa pwal aüselinga om iotek.

2. Kronika 32:26

Mürin, Hiskia a püsin atekisonätiu pokiten an lamalamtekia, pwal chon Jerusalem. Iei mine ewe Samol mi Lapalap esap apwüngüür lon fansoun manauen Hiskia.

2. Kronika 33:12

Nge lupwen Manasa a nom lon riaföü, a tüngor pwe ewe Samol mi Lapalap än an kewe lewo we Kot epwe ümöümöch ngeni, a pwal fokun atekisonätiu me fän mesan.

2. Kronika 33:19

Än Manasa iotek, pwal usun än Kot etiwa an tüngor, an kewe tipis meinisin me an kirikiringau, pworausen ekewe leni tekia ia a aüetä ie ekewe lenien fel, pwal usun an aüetä uluulun ewe anüfefin Asera me ekewe uluulun anümwäl mwen an ekieksefäl, meinisin a makelong lon puken uruwon ekewe soufos.

2. Kronika 34:27

ka pwal apwetetei lelukom o atekisonok me fän mesei, lupwen ka rongorong ai kei kapasen afeiengau ngeni ei leni me aramasan, ka atekisonok me fän mesei, ka kamwei üfom o kechü me mwei, iei popun ngang üa aüselinga om iotek.

Kölfel 34:18

Ewe Samol mi Lapalap a kan ngeni chokewe mi luketatakis, a amanaua chokewe mi apilükingau.

Kölfel 51:17

Ai Kot, üa asor ngonuk eu letip mi tipetekison, eu leluk mi tipetekison o liamam, en kosap oput.

Kölfel 78:10

Resap tümwünü än Kot pwon, resap pwal mochen aleasochisi an kewe allük.

Ekistos 10:3

Iwe, Moses me Aaron ra feila ren Farao o üreni, “Iei alon ewe Samol mi Lapalap än chon Ipru we Kot, ‘Ifa ükükün fansoun om kosap mochen atekisonok me fän mesei? Kopwe mwüt ngeni nei aramas pwe repwe feila o fel ngeniei.

Ekistos 9:17

Pokiten ka chüen lamalamtekia ngeni nei aramas ren om kosap mwüt ngeniir pwe repwe feila,

Ekistos 9:30

Nge üa silei pwe en me noum kewe nöüwis ousap mwo niueiti Kot ewe Samol mi Lapalap.”

Än Salomon Fos 14:16

Eman mwän mi tipachem a föröchü o kul seni mine a ngau, nge eman mi tiparoch a tümwününgau o müttir föri mine a mochen.

Än Salomon Fos 16:6

Kot epwe amusala tipisin eman aramas mi eäni kirikiröch me allükülük, nge ren än eman niuokusiti ewe Samol mi Lapalap a kul seni mine a ngau.

Än Salomon Fos 28:14

Feiöchün eman aramas mi niuokusiti ewe Samol mi Lapalap fansoun meinisin, nge ätewe mi ülöförea lelukan epwe tolong lon feiengau.

Än Salomon Fos 8:13

Eman mi niuokusiti ewe Samol mi Lapalap a oput mine a ngau. Üa oput lamalamtekia me sikesik, pwal föför mi ngau me kapasen atuputup.

Aisea 42:24

Iö a asechala Israel lepöün chon solä? Ifa usun, sap ewe Samol mi Lapalap? I ewe Kot ra tipis ngeni, resap mochen föri letipan o aleasochisi an kewe allük!

Aisea 57:15

Pun iei alon Ewe mi Unusen Tekia, ewe mi manau tori feilfeilachök, itan Ewe mi Pin, “Ngang üa imweimw lon eu leni mi pin o tekia, pwal ren eman mi luketatakis o tipetekison, pwe üpwe amanaua ngüngün chon tipetekison o apöchöküla leluken chon liamam.

Aisea 66:2

Pun pei a föri ekei mettoch meinisin, iei mine ir meinisin nemeniei.” Pwal iei alon ewe Samol mi Lapalap, “Ngang üpwe chök aücheani eman aramas mi tipetekison o luketatakis, pwal eman mi niuokusiti ai kapas o aleasochis ngeni.

Jeremaia 10:7

Ifa usun, iö esap meninituk, en ewe kingen ekewe mwü? A pwüng ngonuk pwe aramas repwe meninituk. Esap wor eman me lein ekewe mi tipachem meinisin me lon ekewe mwü ika me lein ar kewe king a wewe ngonuk.

Jeremaia 26:4

Iwe, kopwe üreniir, pwe iei aloi ngang ewe Samol mi Lapalap, ‘Are ousap mochen aüselingaei o aleasochis ngeni ai kewe allük üa ngenikemi,

Jeremaia 32:23

Nge lupwen ra tolong lon ei fanü o fanüeni, resap aleasochis ngonuk ika föri pwüngün om allük. Resap fokun föri och usun mine ka allük ngeniir pwe repwe föri. Iei mine ka awarato wor ekei feiengau meinisin.

Jeremaia 36:24

Nge ewe king me nöün kewe chon angang mi rongorong ekei kapas meinisin resap niuokus ren, resap pwal kamwei üfer ren ar lolilen.

Jeremaia 44:23

Pokiten oua keni apach mi pwokus o tipis ngeni ewe Samol mi Lapalap, ousap pwal aleasochis ngeni ika föri pwüngün an kewe allük me pwüüng, ei feiengau a torikemi, usun a fis ikenai.”

Jeremaia 5:3

Ai Samol mi Lapalap, ifa usun, kosap kütta aramas mi wenechar? En ka niir, nge ir resap mefi riaföü. Ka afeiengaueer, nge ir resap mochen miritila ren. Ra tipepöchökül, nge resap fokun mochen ekieksefäl.

Jeremaia 6:15

Ifa usun, ra säw ren ar föri föför mi anioput? Apwi, resap fokun säw, esap pwal sokola wowor. Iei mine repwe pöütütiu lein chokewe mi pöütütiu, repwe feiengau lupwen üpwe apwüngüür. Ngang ewe Samol mi Lapalap üa kapas.”

Jeremaia 8:12

Ifa usun, oua säw lupwen oua föri ekei föför mi anioput? Apwi, ousap fokun säw, esap pwal wilila wowomi. Iei mine oupwe pöütütiu lein chokewe mi pöütütiu, oupwe feiengau lupwen üpwe apwüngükemi. Ngang ewe Samol mi Lapalap üa kapas.

Isikiel 9:4

“Kopwe fetalfeil lon unusen ewe telinimw Jerusalem o asisila won chamwen chokewe mi letipeta o kechü ren ekewe föför mi anioput ra fis lon.

Malakai 4:2

Nge usun akkar a asarama fanü, iei usun pwüng epwe uwato manau ngenikemi mi aleasochisiei. Ämi oupwe towu o mwetemwet usun chök ekewe nienifön kow ra mwetemwet lupwen ra towu seni lenier.

Mateus 27:54

Iwe, lupwen ewe meilapen sounfiu me ekewe sounfiu mi mamasa Jesus ra küna ewe chechen fanü me meinisin mine a fis, ra fokun rükö o apasa, “Enlet, ätei wesewesen Nöün Kot!”

Lukas 23:40

Nge pwal ewe eman chon föföringau a apwüngü o üreni, “Ifa usun, kosap niuokusiti Kot? A pwüngüla om kopwe mäli ei sokun mäla usun chök i.

Nöün Paulus Toropwe ngeni ekewe Souläng lon Rom 11:20

Mi pwüng. Ra kuputiu pokiten resap lükü, nge ämi oua nomotiu lon lenier pokiten oua lükü. Iwe, ousap lamalamtekia usun ei, nge oupwe niuokus.

1. Petrus 5:6

Iei mine oupwe atekisonakemi fän pöün Kot mi manaman, pwe epwe atekiakemi lon an fansoun mi fich.

Pwärätä 15:4

Iö esap niuokusituk o alinga itom, en äm Samol? Pun en chök ka pin. Chon ekewe mwü meinisin repwe feito o fel ngonuk, pun om kewe föför mi pwüng ra pwäpwäla ngeni aramas meinisin.”