Jeremaia 44:1 - Chuukese Bible

¹ Iwe, ewe Samol mi Lapalap a kapas ngeni Jeremaia fän äsengesin ekewe chon Juta meinisin mi nonom lon ewe fanü Isip, lon Miktol, Tapanes me Memfis, pwal lon ewe fanü Patros.

Jeremaia 44:1 Iomraidhean Croise

Keneses 10:14

chon Patrus, chon Kaslu me chon Kaftor, ir ekewe aramas chon Filistia ra pop seniir.

Ekistos 14:2

“Kopwe üreni ekewe aramasen Israel pwe repwe liwinsefäl o asösö sasape ngeni Pihahirot lefilen Miktol me ewe Setipar. Iwe, repwe asösö arun ewe Setipar akawenewenen Paalsefon.

Aisea 11:11

Lon ena fansoun ewe Samol epwe aitiela pöün fän aruuan pwe epwe aliwinato nöün aramas mi chüen manau seni Asiria, Isip, Patros, Itiopia, Elam, Papilon me Hamat, pwal seni lon ekewe fanü mi nom aroset me ekewe fanü mi nom lematau, pwe repwe liwiniti lenier.

Aisea 19:13

Iwe, ekewe samolun Soan ra wiliti chon umwes, ekewe samolun Memfis ra ruongau, ekewe samolun Isip ra emweningaua chon Isip.

Jeremaia 2:16

Pwal ekewe aramasen Memfis me Tapanes ra reipöpöla meten möküran.

Jeremaia 24:8

Nge ngang ewe Samol mi Lapalap üpwe föri ngeni Setekia ewe kingen Juta me ekewe nöüwis, ngeni ekewe lusun chon Jerusalem mi chüen nom lon ei fanü me chokewe mi feila Isip, pwe repwe usun ekewe föün fiik mi fokun ngau esap wor eman a tongeni ocheer.

Jeremaia 43:13

Iwe, epwe amökkü ekewe ürefau mi pin mi nom Heliopolis lon Isip, epwe pwal kenala än ekewe koten Isip kewe imwenfel.’”

Jeremaia 44:15

Mürin, ekewe mwän meinisin mi silei pwe pwülüer kewe ra keni apach mi pwokus ngeni pwal ekoch kot me ekewe fefin meinisin mi ü ünükün, pwal ekewe aramas seni Patros lon ewe fanü Isip, irfengen eu mwichemongun aramas ra üreni Jeremaia,

Jeremaia 46:14

“Oupwe asilefeili lon Isip o arongafeili lon Miktol, Memfis me Tapanes ekei kapas, ‘Oupwe ütä o amolakemiitä, pun pisekimi meinisin epwe tala lon maun.’

Jeremaia 46:19

Ämi chon Isip, oupwe amolätä pisekimi, pun oupwe oola. Memfis epwe wiliti eu fanüapö, eu leni mi tatakis esap so.’

Isikiel 29:10

Iei mine üpwe ü ngonuk me om we chanpupu Nil, üpwe pwal awili ewe fanü Isip ngeni wesewesen fanüapö seni Miktol mi nom efeng tori Aswan mi nom ör, pwal tori kiännin Itiopia.

Isikiel 29:14

Üpwe aliwinala ekewe chon Isip mi oola ngeni ewe fanü Patros, iei fanüen ar kewe lewo. Iwe, ikenan repwe mwüni eu mwü mi apwangapwang.

Isikiel 30:13

Iei alon Kot ewe Samol mi Lapalap, “Üpwe ataela ekewe uluulun anümwäl o atowu ekewe uluulun anümwäl me lon Memfis. Iwe, esap chüen wor eman samol lon ewe fanü Isip. Üpwe eniwokusu aramasen unusen ewe fanü.

Isikiel 30:14

Üpwe ataela Patros mi nom efeng, üpwe keni Soan mi nom ör o apwüngü Thebes.

Isikiel 30:16

Ewer, üpwe keni Isip. Chon Pelusium repwe chechech fän niuokus, tittin ewe telinimw Thebes epwe pwangapwang, nge chon maun repwe akariaföüü chon Memfis iteiten rän.

Isikiel 30:18

Saramen rän epwe rochola me lon Tapanes, lupwen üpwe ataela nemenemen Isip o awesi an pöchökül a aingaing won. Iwe, eu kuchu epwe pwölüela Isip, nge chon wisoposopun meinisin repwe oola.

Osea 9:6

Inamwo are ra fen sü seni feiengau, chon Isip repwe achufengeniir, nge repwe peias lon Memfis. Pötöwölingau epwe mär lon ar kewe lenien iseis pisek aüchea seni silifer, nge iräfölüföl epwe mär lon imwer.