Jeremaia 43:5 - Chuukese Bible

⁵ Mürin, Johanan me ekewe meilapen ewe mwichen sounfiu meinisin ra angei chokewe mi chüen manau me lon Juta o uweerela Isip fitifengen me ekewe aramas meinisin mi liwinto seni ekewe mwü ia ra toropasfeil ie.

Jeremaia 43:5 Iomraidhean Croise

2. King 25:22

Iwe, Nepukatnesar ewe kingen Papilon a seikätä Ketalia nöün Ahikam we mwän, nge Ahikam nöün Safan, pwe epwe kepinan ekewe aramas mi chüen nom lon ewe fanü Juta, chokewe ewe king a likitirela.

Jeremaia 40:10

Nge ngang üpwe nonom Mispa, pwe üpwe tupunikemi ren ekewe chon Papilon repwe feito rech. Nge ämi oupwe kini föün irän wain, föün irän leres me föün olif o iseniir lon ämi kewe pör. Oupwe pwal imweimw lon ekewe telinimw oua angeesefäliir.”

Jeremaia 41:10

Mürin, Ismael a liapeni ekewe lusun aramas meinisin mi chüen nom Mispa me nöün ewe king kewe föpwül, ir chokewe Nepusaratan ewe meilapen chon tümwünü ewe king a awisa Ketalia pwe epwe nemeniir. Iwe, Ismael a liapeniir o emweniir, pwe repwe feila ngeni fanüen chon Amon.

Jeremaia 41:17

Iwe, ra feila o ekis kaüla lon Kerut Kiman arun Petleem, pun ra ekiekin feila Isip,

1. Samuel 26:19

Iei mine ai samol me ai king kopwe rongorong aloi ngang noum chon angang. Are ewe Samol mi Lapalap a amwökütükütuk pwe kopwe ü ngeniei, amwo epwe etiwa eu asor o siwili an ekiek. Nge are aramas ra amwökütükütuk, amwo repwe anümamau me fän mesen ewe Samol mi Lapalap. Pun ra asüeila seni fanüei, me ren ewe Samol mi Lapalap pwe üpwe süla ngeni eu fanü ia üa chök tongeni angang ngeni ekewe koten ekis ie.