Jeremaia 43:11 - Chuukese Bible

¹¹ Iwe, Nepukatnesar epwe feito o maun ngeni ewe fanü Isip. Epwe niela chokewe mi feil ngeni ar repwe mäla o aoloi chokewe mi feil ngeni ar repwe oola, epwe pwal niela lon maun chokewe ra feil ngeni ar repwe mäla lon maun.

Jeremaia 43:11 Iomraidhean Croise

Hiop 20:29

Iei usun mine Kot epwe föri ngeni ewe aramasangau, iei usun mine Kot epwe awisa ngeni.”

Jeremaia 15:2

Nge are repwe aisinuk, ‘Ia aipwe feila ie?’ kopwe üreniir, ‘Iei alon ewe Samol mi Lapalap: Chokewe mi feil ngeni ar repwe mäla ren mätter repwe mäla ren mätter, chokewe mi feil ngeni ar repwe mäla lon maun repwe mäla lon maun, chokewe mi feil ngeni ar repwe mäla ren lengita repwe mäla ren lengita, nge chokewe mi feil ngeni ar repwe oola repwe oola.’

Jeremaia 25:15

Iei usun mine ewe Samol mi Lapalap ewe Koten Israel a üreniei, “Kopwe angei seni lepei ei kap mi ur ren wainin lingeringer. Kopwe aünü ngeni chon ekewe mwü meinisin üa tinukela rer.

Jeremaia 25:19

Üa pwal aünü ngeni Farao ewe kingen Isip, ngeni nöün kewe nöüwis, nöün kewe souemwen me nöün aramas meinisin,

Jeremaia 42:22

Iei mine oupwe fokun silei pwe oupwe mäla lon maun, ren lengita me mätter me lon ewe leni ia oua mochen feila o nonom ie.”

Jeremaia 44:12

Üpwe niela ekewe chon Juta mi chüen manau, ir chokewe mi fokun ekiekin feila Isip pwe repwe nonom ikenan. Repwe rosola meinisin me lon Isip ren maun ika lengita seni ekewe mi kis tori ekewe mi lap. Repwe wiliti och minen eniweniw o küna turunufas me itengau, aramas repwe leaweniir lon ar ottek.

Jeremaia 44:13

Üpwe apwüngü chokewe mi nonom lon ewe fanü Isip ren maun, ren lengita me mätter, usun üa apwüngü chon Jerusalem.

Isikiel 29:11

Esap wor eman aramas ika man epwe fetal won, esap pwal so lon ükükün faik ier.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Sekaraia 11:9

Mürin üa üreni ekewe pwiin sip, “Üsap chüen ämi chon mas. Mine a kan ngeni mäla, epwe mäla. Mine epwe ninnila, epwe ninnila. Nge chokewe mi chüen manau repwe nifengeniir.”

Pwärätä 13:10

Are eman epwe oola, epwe chök oola, are eman epwe ninnila ren ketilas, epwe chök ninnila ren ketilas. Iei lomotan pwe epwe wor än ekewe chon pin likitü me lükülük.