Jeremaia 43:10 - Chuukese Bible

¹⁰ Mürin kopwe üreniir, ‘Iei alon ewe Samol mi Unusen Manaman, ewe Koten Israel: Üpwe titi nei chon angang Nepukatnesar ewe kingen Papilon. I epwe anomu an lenien motun king won ekei fau üa irela, epwe pwal aüetä imwan imwen king wor.

Jeremaia 43:10 Iomraidhean Croise

1. King 20:12

Penhatat a rong ei pworaus, lupwen a sakaufengen me ekewe king lon imwer kewe imw mangaku. Mürin, a üreni nöün kewe sounfiu, “Oupwe atettelikemi pwe oupwe maun ngeni ewe telinimw.” Iwe, ra atetteliir pwe repwe maun ngeni.

1. King 20:16

Iwe, ra feiliwu leoloas pwe repwe maun, lupwen Penhatat me ekewe ilik me ruoman king mi alisi ra sakaufengen lon imwer kewe imw mangaku o puchula.

Kölfel 18:11

A pwölüela ngeni inisin rochopwak, kuchu mi malul o uren koluk ra pwelifeili.

Kölfel 27:5

Pun lon fansoun weires i epwe aopaei. I epwe tümwünüei me lon imwan imwenfel, epwe pwal atekiaeitä won eu achau.

Kölfel 31:20

Ka nonom rer o aopeer seni än ekewe aramas rawangau. Ka tümwünüöchüür me lon leniom seni än ekewe chon oputeer kapasen efitikoko.

Aisea 44:28

Ngang üa apasa usun Sirus, ‘Ätei nei chon mas epwe apwönüetä unusen mochenin letipei.’ Iwe, epwe apasa pwe Jerusalem epwe kaüsefälitä, epwe pwal fis longolongun ewe imwenfel.”

Aisea 45:1

Iei alon ewe Samol mi Lapalap ngeni Sirus nöün we mi kepit, a pwal awisa pwe epwe akufu ekewe mwü mi nonom mwan o akisikisätiu nemenemen ekewe king, epwe pwal suki asamen ekewe telinimw mi nom mwan pwe resap chüen kapüngüla,

Jeremaia 1:15

Pun üpwe körato chon ekewe mwün efeng meinisin pwe repwe feito. Ar kewe king repwe anomu ar lenien motun king lon ekewe asamalapen Jerusalem me pwelin ünükün tittin pwal ünükün ekewe telinimwen Juta meinisin.

Jeremaia 43:9

“Kopwe angei ekoch fau mi föümong o irerela fän föün ewe al mesen asamalapen imwen Farao we mi nom lon Tapanes, lupwen ekewe chon Juta repwe atolok.

Jeremaia 46:13

Iei ewe kapas ewe Samol mi Lapalap a apworausa ngeni ewe soufos Jeremaia fänäsengesin waren Nepukatnesar ewe kingen Papilon, pwe epwe atai ewe fanü Isip,

Jeremaia 49:38

Üpwe niela ar we king me nöür kewe nöüwis o anomu ai lenien motun king lon Elam. Ngang ewe Samol mi Lapalap üa kapas.

Isikiel 5:12

Iwe, eu leülüngat me leimi repwe mäla ren mätter me lengita me lon telinimwemi, eu leülüngat repwe mäla ren ketilas lükün telinimwemi, nge eu leülüngat üpwe atoropasafeiliir ekis meinisin o tapweriir fän nei ketilas.

Taniel 2:21

A siwili fansoun me kinikinin, a asapwilätiu king kana o seikiretä lon wiser, a pwal fang ngeni chon tipachem ar tipachem o ngeni chon silelap ar silelap.

Mateus 22:7

Iwe, ewe king a fokun song. Iei mine a tinala nöün kewe sounfiu pwe repwe niela ekewe chon nimanau o kenala ar kewe telinimw.