Jeremaia 42:6 - Chuukese Bible

⁶ Inamwo ika epwe öchitikem ika esap, äm aipwe fokun aleasochisi ewe Samol mi Lapalap ach we Kot, i ewe aia tinukela ren. Pun äm aipwe feiöch are aia aleasochisi ewe Samol mi Lapalap ach we Kot.”

Jeremaia 42:6 Iomraidhean Croise

Kölfel 128:2

Kopwe mongö uän angangen poum, kopwe pwapwa o feiöch.

Kölfel 78:36

Nge ar kewe kapas resap pwüng, meinisin mine ra apasa a chök mwakel.

Ekistos 24:7

Mürin a angei ewe puken pwon o aleani ngeni ekewe aramas. Iwe, ra apasa, “Meinisin mine ewe Samol mi Lapalap a apasa aipwe aleasochisi o föri.”

Aisea 3:10

Oupwe asile ngeni chon pwüng pwe repwe feiöch, pun repwe feiöchüni feiöchün ar föför.

Jeremaia 22:15

Ifa usun, ka ekieki pwe ka king pokiten chomongun om kewe irä setar? Semom we a mongö o ün, a pwal föri mine a wenechar o pwüng. Iei mine a fefeitä lon manauan.

Jeremaia 43:4

Iei mine Johanan me ekewe meilapen mwichen sounfiu meinisin, pwal ekewe aramas meinisin resap aleasochis ngeni ewe Samol mi Lapalap, ar repwe nomotiu lon ewe fanü Juta.

Jeremaia 7:23

Nge üa allük ngeniir pwe repwe aleasochisiei, mürin ngang üpwe ar Kot, nge ir repwe nei aramas. Repwe apwönüetä ai kewe allük pwe repwe feiöch ren.

Nöün Paulus Toropwe ngeni ekewe Souläng lon Rom 7:13

Met wewen ei? Epwe wewen pwe mine a mürina a aworato ai mäla? Apwi, esap fokun ina! Tipis a föri ei. Ren an aea mine a mürina, tipis a aworato mäla ngeniei, pwe epwe pwäpwäla wesewesen lapalapen tipis. Iei usun ren ewe allük a pwäla pwe tipis a fokun ngau.

Nöün Paulus Toropwe ngeni ekewe Souläng lon Rom 7:7

Iwe, met sipwe üra? Sipwe apasa pwe ewe Allük mi tipis? Apwi, esap fokun ina usun! Nge ewe Allük a amefi ngeniei met wewen tipis. Pun üsap weweiti usun mochenia are ewe allük esap apasa, “Kosap mochenia ngeni pisekin eman.”

Nöün Paulus Toropwe ngeni ekewe Souläng lon Rom 8:7

Iei mine eman aramas a ü ngeni Kot lupwen a nonom fän nemenien tipis, pun esap aleasochisi än Kot allük, pwüngün esap tongeni aleasochis ngeni.

Tuteronomi 5:27

En kopwe kan ngeni ewe Samol mi Lapalap ach we Kot o aüselinga meinisin mine epwe apasa. Mürin, kopwe asile ngenikem meinisin mine ewe Samol mi Lapalap ach Kot epwe kapas ngonuk. Nge äm aipwe aüselinga o aleasochisi.’

Tuteronomi 5:29

Amwo leluker epwe iei chök usun iteiten fansoun, pwe repwe meninitiei o aleasochisi ai kewe allük meinisin, pwe repwe feiöch me mwirimwirir tori feilfeilachök.

Tuteronomi 5:33

Nge oupwe aleasochisi än ewe Samol mi Lapalap ämi we Kot kewe allük a ngenikemi, pwe oupwe manau o feiöch, oupwe pwal manauatam lon ewe fanü oupwe fanüeni.”

Josua 24:24

Iwe, ekewe aramas ra üreni Josua, “Äm aipwe chök angang ngeni äm Kot ewe Samol mi Lapalap, aipwe pwal aleasochis ngeni alon.”