Jeremaia 42:5 - Chuukese Bible

⁵ Mürin, ra üreni Jeremaia, “Amwo ewe Samol mi Lapalap epwe eman chon pwärätä mi let o allükülük. Amwo epwe ü ngenikem, are aisap föri pwüngün ekewe kapas meinisin mine ewe Samol mi Lapalap ach we Kot epwe asile ngenikem me reöm.

Jeremaia 42:5 Iomraidhean Croise

Keneses 31:50

Are kopwe ariaföüü nei kewe fefin, ika kopwe pwal angei ekoch pwülüom lükün nei kewe fefin, kopwe chök chechemeni pwe Kot epwe chon pwärätä lefilen en me ngang, inamwo ika esap wor eman a nom rech.”

Ekistos 20:19

o üreni Moses, “En kopwe kapas ngenikem, nge äm aipwe rongorong. Nge Kot esap kapas ngenikem pwe aisap mäla.”

Ekistos 20:7

Kosap föüniwäli itei ngang ewe Samol mi Lapalap om Kot. Pun ngang ewe Samol mi Lapalap üpwe ngeni iteiten eman me eman chappen tipisin an föünimwäli itei.

Jeremaia 42:20

pun oua föri och mi mwäl a afeiengau ngeni manauemi. Ämi oua tinieila ngeni ewe Samol mi Lapalap ach we Kot o üra, ‘Kopwe iotek fän item ngeni ewe Samol mi Lapalap ach we Kot, nge meinisin mine i epwe apasa ngonuk, äm aipwe föri.’

Jeremaia 43:2

Asaria nöün Hosaia we mwän me Johanan nöün Karea we me ekewe aramas mi sikesik meinisin ra üreni Jeremaia, “En ka eäni kapas chofana. Ewe Samol mi Lapalap ach we Kot esap tinukoto, pwe kopwe apasa pwe aisap feila Isip o nonom ikenan.

Jeremaia 43:4

Iei mine Johanan me ekewe meilapen mwichen sounfiu meinisin, pwal ekewe aramas meinisin resap aleasochis ngeni ewe Samol mi Lapalap, ar repwe nomotiu lon ewe fanü Juta.

Jeremaia 5:2

Inamwo ika ra apasa, “Mwo manauen ewe Samol mi Lapalap,” nge ir ra chök akapelmwäl.

Mika 1:2

Oupwe aüseling, ämi chon ekewe mwü meinisin. Oupwe aüseling, ämi meinisin mi nom won fanüfan. Kot ewe Samol mi Lapalap epwe eman chon pwärätä mi ü ngenikemi, epwe kapas seni imwan we mi pin.

Malakai 2:14

Eman a ais, “Pwota esap chüen etiwa ekewe asor?” Pun ewe Samol mi Lapalap a silei pwe ka atai ewe pwon mi fis lefilemi me pwülüom we, lupwen ka alüal. Iwe, en ka kirikiringau ngeni, nge i fen chiechiom me pwülüom fän ewe pwon.

Malakai 3:5

Iei alon ewe Samol mi Unusen Manaman, “Mürin, üpwe feito remi pwe üpwe apwüngükemi. Ngang üpwe eman chon pwärätä mi atipisi ekewe sourong, ekewe chon lisowu, ekewe mi akapelmwäl me ekewe mi angaua liwinin nöür chon angang, pwal chokewe mi ariaföüü ekewe fefin mi mä pwülüer, ekewe mi mäsen me ekewe chon siamü. Üpwe atipisi chokewe meinisin resap niuokusitiei.”

Nöün Paulus Toropwe ngeni ekewe Souläng lon Rom 1:9

Kot, ewe eman üa angang ngeni ren unusen letipei ren ai afalafala ewe Pworausen Manau usun Nöün we, i nei chon pwärätä pwe üa fokun chechemenikemi

Pwärätä 1:5

pwal seni Jesus Kraist ewe chon pwärätä mi allükülük, ewe mwänichi, Kot a amanauasefäli seni mäla, i ewe mi nemeni ekewe king won fanüfan. I a echenikich o angasakich seni ach tipis ren chaan,

Pwärätä 3:14

“Kopwe makkei ngeni ewe chon künöön ewe mwichefel lon Laotisea: Iei alon ewe eman mi iteni Amen, ewe Chon Pwärätä mi allükülük o let, i popun förien Kot meinisin.

Soukapwüng 11:10

Mürin, ekewe souakomwen Kiliat ra üreni Jefta, “Ewe Samol mi Lapalap epwe chon pwärätä lefilach. Äm aipwe fokun föri usun ka apasa.”

1. Samuel 12:5

Nge Samuel a üreniir, “Ewe Samol mi Lapalap a küna, pwal nöün we mi kepit a küna ikenai pwe ousap oori ngeniei och.” Iwe, ra üreni, “Ewer, Kot a küna.”

1. Samuel 20:42

Iwe, Jonatan a üreni Tafit, “Kopwe feila fän kinamwe. Sa eäni ewe pwonen pwipwifengen fän akapel iten ewe Samol mi Lapalap, pwe i epwe chon pwärätä lefilach pwal lefilen mwirimwiri me mwirimwirum tori feilfeilachök.” Mürin, Tafit a feila, nge Jonatan a liwiniti ewe telinimw.