Jeremaia 42:4 - Chuukese Bible

⁴ Iwe, ewe soufos Jeremaia a üreniir, “Üa rongorong mine oua apasa. Üpwe fokun iotek ngeni ewe Samol mi Lapalap ach we Kot fän äsengesin mine oua tüngor, nge meinisin mine ewe Samol mi Lapalap epwe eäni pälüen üpwe ürenikemi. Üsap tükümala och senikemi.”

Jeremaia 42:4 Iomraidhean Croise

Kölfel 40:10

Üsap aopala ewe pworausen om amanauakem. Üa kapas usun om allükülük me om alisikem. Üsap tukumala seni ewe mwichen noum aramas meinisin om tong ellet me om allükülük.

Ekistos 8:29

Iwe, Moses a üra, “Nengeni, lupwen üpwe feila senuk, üpwe iotek ngeni ewe Samol mi Lapalap pwe lesor ekewe pwiin loong repwe sü senuk, seni noum kewe nöüwis me noum kewe aramas. Nge en Farao kosap chüen atupukem ren om kosap mwüt ngeni ekewe aramas pwe repwe feila o asor ngeni ewe Samol mi Lapalap.”

Jeremaia 23:28

Eman soufos mi eäni eu tan epwe apworausa ewe tan, nge ätewe mi rongorong ai kapas epwe pwärätä ai kapas fän allükülük. Met wewefengenin fetilipwas me wiich?

Jeremaia 23:35

Iwe, iei usun mine oupwe apasa ngeni en me chon arun ika pwin, ‘Met ewe Samol mi Lapalap a eäni pälüen?’ ika ‘Met ewe Samol mi Lapalap a apasa?’

Jeremaia 26:2

“Kopwe ütä lon ewe leni lükün ewe imwenfel o kapas ngeni chon ekewe telinimwen Juta meinisin mi feito pwe repwe fel lon ewe imwenfel. Kopwe üreniir meinisin mine üa allük ngonuk, nge kosap likiti eu kapas.

Isikiel 2:7

Iwe, en kopwe chök asile ngeniir ai kewe kapas, inamwo ika repwe rongorong ika resap rongorong, pun ir eu täppin aramas mi lükümach o ü ngeniei.

Föför 20:20

Oua silei pwe üsap amwöchü och mine epwe alisikemi lupwen üa afalafalakemi o aiti ngenikemi ewe pworaus usun ewe Samol Jesus lon mwichen aramas pwal lon en me imwan.

Föför 20:27

Pun ngang üa apworausa ngenikemi unusen ekiekin Kot, nge üsap amwöchü och senikemi.

Nöün Paulus Toropwe ngeni ekewe Souläng lon Rom 10:1

Ämi pwii kana, üa fokun mochen seni lon unusen letipei pwe püsin aramasei kewe repwe küna manau. Üa pwal iotek ngeni Kot fänäsengesiir.

1. Samuel 12:23

Nge ngang won inisi, esap fokun tufich ngeniei pwe üpwe tipis ngeni ewe Samol mi Lapalap ren ai üpwe ükütiu le iotek fän itemi. Ngang üpwe aiti ngenikemi mine a öch o pwüng.