Jeremaia 42:21 - Chuukese Bible

²¹ Iwe, ikenai üa pwäri ngenikemi alon ewe Samol mi Lapalap ach we Kot, nge ämi oua aleasolapa ekewe kapas meinisin a tini ngeniei pwe üpwe ürenikemi.

Jeremaia 42:21 Iomraidhean Croise

Kölfel 81:12

Iei mine üa asechirela lon ar tipeförea pwe repwe chök föri mine ra mochen.

Jeremaia 43:1

Iwe, lupwen Jeremaia a wes le apworausa ngeni ekewe aramas meinisin alon ewe Samol mi Lapalap ar we Kot a tini ngeni pwe epwe üreniir,

Jeremaia 43:4

Iei mine Johanan me ekewe meilapen mwichen sounfiu meinisin, pwal ekewe aramas meinisin resap aleasochis ngeni ewe Samol mi Lapalap, ar repwe nomotiu lon ewe fanü Juta.

Jeremaia 43:7

Iwe, ra feila ngeni ewe fanü Isip, pun resap aleasochisi alon ewe Samol mi Lapalap. Iwe, ra tori Tapanes.

Isikiel 2:7

Iwe, en kopwe chök asile ngeniir ai kewe kapas, inamwo ika repwe rongorong ika resap rongorong, pun ir eu täppin aramas mi lükümach o ü ngeniei.

Isikiel 3:17

“Nöün aramas, üa awisa ngonuk ewe wisen chon mas fän iten chon Israel. Iteiten fansoun, lupwen kopwe rongorong eu kapas seniei, kopwe fönöör ren.

Isikiel 33:31

Iwe, nei aramas repwe mwicheto reöm o mot me mwom pwe repwe aüselinga om kapas, nge resap aleasochis ngeni. Pun awer a pwärätä ar echeniei, nge letiper a chök mocheniaiti moni fän pwüngingau.

Isikiel 33:32

Nengeni, ka chök usun eman souköl me rer mi ngiöch le köl kölün amümü, ika usun eman mi silelap le ettiki pisekin ettik, pun ra aüselinga om kapas, nge resap fokun aleasochis ngeni.

Föför 20:20

Oua silei pwe üsap amwöchü och mine epwe alisikemi lupwen üa afalafalakemi o aiti ngenikemi ewe pworaus usun ewe Samol Jesus lon mwichen aramas pwal lon en me imwan.

Tuteronomi 29:19

Oupwe pwal afälikemi pwe esap wor eman me leimi a püsin ikeetä, lupwen a rong kapasen ei pwon mi fis fän akapel o ekieki lon lelukan, ‘Üpwe chök feiöch, inamwo ika üa chei mochenin lelukei mi ülöförea.’ Ei epwe chök afeiengaua ämi meinisin, chokewe mi mürina me chokewe mi ingau.

Tuteronomi 30:15

Nengeni, ikenai üa iseis mwemi manau me feiöch, pwal mäla me feiengau.

Tuteronomi 30:19

Iwe, üa kökköri läng me fanüfan pwe repwe chon pwärätä usumi ikenai, pwe üa anomu mwemi manau me mäla, feiöch me anümamau. Iei mine oupwe filätä manau, pwe ämi me mwirimwirimi kana oupwe manau.