Jeremaia 42:2 - Chuukese Bible

² ren ewe soufos Jeremaia o üreni, “Kose mochen kopwe etiwa äm tüngor o iotek ngeni ewe Samol mi Lapalap ach we Kot fän item meinisin äm kewe mi chüen manau. Pun me lom aia chomong, nge ikenai äm kewe mi chüen manau aia chokükün usun ka püsin küna.

Jeremaia 42:2 Iomraidhean Croise

1. King 13:6

Mürin, ewe king a üreni ewe soufos, “Kose mochen kopwe tüngorei ewe Samol mi Lapalap om we Kot, pwe epwe ümöümöch ngeniei o iotek fän itei pwe pei epwe manausefäl.” Iwe, ewe soufos a tüngor ngeni ewe Samol mi Lapalap, nge pöün ewe king a manausefäl pwe a usun chök me mwan.

Kölfel 119:170

Ai iotekin tüngor epwe toruk. Kopwe angasaei usun ka pwon.

Ekistos 8:28

Nge Farao a üreniir, “Üpwe mwüt ngenikemi pwe oupwe feila o asor ngeni ewe Samol mi Lapalap ämi we Kot lon fanüapö, nge ousap chök feila toau. Oupwe pwal iotekin tüngor fän itei.”

Ekistos 9:28

Oupwe iotekin tüngor ngeni ewe Samol mi Lapalap pwe epwe aükätiu ewe chopulap me ütten fau, pun a kon lapalap. Üpwe mwüt ngenikemi pwe oupwe feila, nge üsap chüen amwöchükemi.”

Aisea 1:15

Lupwen ämi oua aitietä pöümi le iotek, üsap nenengenikemi. Nge lupwen oua fen kapaspat lon ämi iotek, üsap fokun aüseling, pun oua lepöücha ren ämi niela aramas.

Aisea 1:9

Are ewe Samol mi Unusen Manaman esap amanaua ekoch leich, sipwe usun chök chon Sotom me chon Komora.

Aisea 37:4

Eli ewe Samol mi Lapalap om we Kot a rong alon ewe meilapen sounfiu, ätewe an samol ewe kingen Asiria a tinato pwe epwe turunufasei ewe Kot mi manau. Iwe, ewe Samol mi Lapalap om we Kot epwe apwüngü ätewe ren an kewe kapas a apasa. Iei mine kopwe iotek fän iten chokewe ra chüen manau.”

Aisea 42:20

Israel, ka küna chomong mettoch, nge kosap tümwünü. Ka aü selingom, nge kosap rongorong.”

Jeremaia 15:11

Iwe, ewe Samol mi Lapalap a üreniei, “Ellet, üpwe angasok ren eu popun mi mürina. Ellet, üpwe föri pwe chon oputom repwe tütüngor ngonuk lon fansoun feiengau me riaföü.

Jeremaia 2:27

Oupwe itengau ämi meinisin mi kapas ngeni efoch irä, ‘En semem,’ nge ngeni eföü fau, ‘En ka nöünikeemitiu.’ Pun oua kulu sökürümi ngeniei, nge ousap kulu mesemi ngeniei. Nge lupwen fansoun osukosuk oua apasa, ‘Kopwe feito o amanauakem.’

Jeremaia 21:2

“Kose mochen kopwe kapas ngeni ewe Samol mi Lapalap fän item. Pun Nepukatnesar ewe kingen Papilon a maun ngenikem. Eli ewe Samol mi Lapalap epwe föri eu manaman fän item o föri pwe Nepukatnesar epwe kul senikem.”

Jeremaia 36:7

Eli repwe iotekin tüngor ngeni ewe Samol mi Lapalap o kul seni ar föför mi ngau. Pun a fokun watte än ewe Samol mi Lapalap song me lingeringer a apwüngü ngeni ekei aramas.”

Jeremaia 37:20

Iei mine üa tüngor ngonuk, en ai samol ewe king, kopwe aüselingaei. Kopwe etiwa ai tüngor pwetete ngonuk, pwe kosap chüen tinisefälieila lon ewe imwen fötek mi nom lon imwen Jonatan ewe seketeri, pwe üsap mäla ikenan.”

Jeremaia 37:3

Iwe, ewe king Setekia a tinala Jehukal nöün Selemia we mwän me ewe souasor Sefania nöün Maseia we mwän ren ewe soufos Jeremaia o üreni, “Kopwe iotek fän item ngeni ewe Samol mi Lapalap äm we Kot.”

Jeremaia 38:14

Mürin, ewe king Setekia a titi ewe soufos Jeremaia o etiwa lon aülüngatin lenien tolong me lon imwen ewe Samol mi Lapalap. Iwe, ewe king a üreni Jeremaia, “Üpwe aisinuk eu kapas ais, nge kosap tükümi seniei pälüan.”

Jeremaia 40:15

Mürin, Johanan a kapas ngeni Ketalia le monomon me lon Mispa, “Kopwe mwüt ngeniei pwe üpwe feila o niela Ismael nöün Netania we, nge esap wor eman epwe silei. Pwota epwe niikela, pwe ekewe chon Juta meinisin mi chufengen reöm repwe toropas, nge ekewe lusun aramas mi chüen nom lon Juta repwe rosola?”

Jeremaia 42:20

pun oua föri och mi mwäl a afeiengau ngeni manauemi. Ämi oua tinieila ngeni ewe Samol mi Lapalap ach we Kot o üra, ‘Kopwe iotek fän item ngeni ewe Samol mi Lapalap ach we Kot, nge meinisin mine i epwe apasa ngonuk, äm aipwe föri.’

Kölün kechü 1:1

Iei esap chüen masou ewe telinimw Jerusalem mi ur ren aramas me lom. A fokun iteföüla me lein ekewe mwü, nge iei a usun chök eman fefin mi mä pwülüan. I eman finesamol me lein ekewe telinimw, nge iei aramas ra nöüni amanau.

Isikiel 12:16

Nge ekoch chök me leir üpwe amanaueer seni maun me lengita me mätter, pwe repwe mefi me lein chon ekewe mwü ia ra oola ie, pwe ar kewe föför ra anioput. Mürin repwe silei pwe ngang ewe Samol mi Lapalap.”

Osea 8:10

Nge iei ngang üpwe achufengeniir pwe üpwe apwüngüür. Iwe, repwe popuetä le chokükünüla pokiten ewe kingen Asiria a ariaföüür.

Lifitikos 26:22

Iwe, üpwe tinala ekewe manmwacho pwe repwe afeiengauakemi. Repwe niela nöümi semirit o ochei nöümi man, repwe pwal achokisikisikemiila pwe alen fanüemi repwe pönüla.

Amos 7:2

Üa küna pwe ekewe lifichimas ra eni fetilin ewe fanü meinisin. Mürin üa apasa, “Ai Kot, Samol mi Lapalap, üa tüngor ngonuk pwe kopwe amusala än noum aramas tipis. Ifa usun ar repwe tongeni manau? Ra fokun chokükün o apwangapwang.”

Mateus 24:22

Are Kot esap amochomochala ekewe rän, esap wor eman aramas epwe manau. Nge pokiten chokewe a filiiretä a amochomochala ekewe fansoun riaföü.

Föför 8:24

Mürin Simon a üreni Petrus me Johannes, “Ouse mochen oupwe iotek ngeni ewe Samol fän itei, pwe esap wor och lein ekei mettoch oua kapas usun epwe fis ngeniei.”

Tuteronomi 28:62

Ika mwo oua chomong usun fün läng, ämi mi chüen manau oupwe chök chokükünüla pokiten ousap aleasochisi alon ewe Samol mi Lapalap ämi we Kot.

Tuteronomi 28:63

Iwe, usun ewe Samol mi Lapalap a pwapwa le afeiöchükemi o achomongakemi, iei usun epwe pwal pwapwa le afeiengauakemi o arosakemiila. Ewe fanü oupwe le tolong lon pwe oupwe fanüeni, oupwe pwal sä seni.

Tuteronomi 4:27

Iwe, ewe Samol mi Lapalap epwe atoropasafeilikemi lein chon ekewe mwü, nge ekoch echök me leimi repwe manau lon ekewe fanü ia ewe Samol mi Lapalap epwe asükemiila ie.

James 5:16

Iei mine oupwe pwärifengeni ämi tipis kana, eman ngeni eman o iotekifengenikemi, pwe oupwe pöchökületä. Än eman chon pwüng iotek a manaman o a fokun pwönüetä.

1. Samuel 12:19

Mürin, ekewe aramas meinisin ra üreni Samuel, “Kopwe iotek ngeni ewe Samol mi Lapalap om we Kot fän iten noum kei chon angang pwe aisap mäla. Pun aia apacha ngeni äm kewe tipis meinisin ei föför mi ngau, pwe äm aia tüngor eman king fän item.”

1. Samuel 12:23

Nge ngang won inisi, esap fokun tufich ngeniei pwe üpwe tipis ngeni ewe Samol mi Lapalap ren ai üpwe ükütiu le iotek fän itemi. Ngang üpwe aiti ngenikemi mine a öch o pwüng.

1. Samuel 7:8

Iwe, ra üreni Samuel, “Kosap ükütiu le siö ngeni ewe Samol mi Lapalap ach we Kot fän item, pwe i epwe amanauakem seni fän nemenien ekewe chon Filistia.”